«Իշխանության մի թևը կաթվածահար է անում մյուս թևին՝ դրա մեջ ն... ՔԱՂԱՔԱԿԱՆ
Չի ուզում անցնել խորհրդի «թրի տակով» ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (24 ՄԱՅԻՍԻ). Կա­լա­նա­վոր­վել են Գա­գիկ Բ... ՀԱՍԱՐԱԿՈՒԹՅՈՒՆ
Գործադիրում սպասվում են նոր հրաժարականներ ՔԱՂԱՔԱԿԱՆ
Երանոսյանի փոխարեն՝ վարչապետի համադասարանցին ՔԱՂԱՔԱԿԱՆ
Երևան, 25.Մայիս,
00
:
00
:
00
Փոխարժեք
478.65
$
560.79
«Իշխանության մի թևը կաթվածահար է անում մյուս թևին՝ դրա մեջ ներքաշելով նաև երրորդին» Չի ուզում անցնել խորհրդի «թրի տակով» Թուրքիայում հայրը երկաթե խողովակով սպանել է իր 6–ամյա տղային Քուրդ զինյալները թուրք զինվորական են սպանել Խոշոր ավտովթար Գեղարքունիքի մարզում. բախվել են ГАЗ 5212 և ВАЗ 21124 ավտոմեքենաները. կան վիրավորներ. Shamshyan.com Վարչապետը հանդիպել է ՀՀ-ում հավատարմագրված դեսպաններին (ֆոտո) Եղանակը Հայաստանում մայիսի 25-29-ին / 2019թ Հայ-ուկրաինական հարաբերություններն իրենց լավագույն վիճակում չեն, բայց վստահ եմ, որ հնարավոր է գործակցության եզրեր գտնել․ Տիգրան Սեյրանյան Գրպանահատություն թիվ 47 երթուղու ավտոբուսում. հեղինակը 49-ամյա կին էր Թրամփը հաստատել է Մերձավոր Արեւելքում լրացուցիչ զորքերի տեղակայումը Իրանի հետ լարվածության պատճառով Ստորագրվել է ՀՀ ՊՆ «Զինառ» ՓԲԸ-ի և ՌԴ ՊՆ «Վոենտորգ» ԲԸ-ի համագործակցության հուշագիրը Դավիթ Անանյանը արձակուրդ կգնա Լիոնում պայթյունի հետեւանքով տուժել է առնվազն 7 մարդ. ԶԼՄ-ներ ԵՊՀ-ում մեկ շաբաթվա ընթացքում կընտրեն ռեկտորի ժամանակավոր պաշտոնակատար

Հայկական Կարմիր խաչի ընկերությունը կազմակերպել է Սպիտակի երկրաշարժի 30-րդ տարելիցին նվիրված հիշատակի միջոցառում

Դեկտեմբերի 6-ին  Կամերային երաժշտության տանը Հայկական Կարմիր խաչի ընկերությունը կազմակերպել էր Սպիտակի երկրաշարժի 30-րդ տարելիցին նվիրված «Մարդասիրության հզոր ուժը» խորագրով հիշատակի միջոցառում՝ ոգեկոչելու աղետի անմեղ զոհերի հիշատակը, նշելու մարդասիրության հզոր ուժը և երախտագիտության խոսք հղելու միջազգային հանրությանն ու Կարմիր խաչի միջազգային շարժման ընտանիքին՝ աղետից հետո ցուցաբերած անգնահատելի մարդասիրական աջակցության համար։

Ինչպես «Արմենպրես»-ին  Հայկական Կարմիր խաչի ընկերությունից, ջոցառման ընթացքում ցուցադրվեցին Կարմիր խաչի միջազգային շարժման արձագանքը նկարագրող ֆիլմ և լուսանկարներ, ելույթ ունեցան «Փարոս» երգչախումբը և «Հայաստանի փոքրիկ երգիչները»։
«Այստեղ ենք ոգեկոչելու աղետի անմեղ զոհերի հիշատակը, այստեղ ենք նշելու մարդասիրության հզոր ուժը, որի շնորհիվ հնարավոր է հաղթահարել ցանկացած դժվարություն, այստեղ ենք երախտագիտության խոսք հղելու Կարմիր խաչի շարժման ընտանիքին, ովքեր մեր կողքին են եղել ինչպես 1988-ին այնպես էլ այս 30 տարիների ընթացքում՝ նվիրյալ, հավատարիմ և պատրաստակամ», - իր ելույթում նշեց ՀԿԽԸ նախագահ Մխիթար Մնացականյանը։

Ներկաներին իր ուղերձն էր հղել նաև ՀՀ նախագահ Արմեն Սարգսյանը, որը փոխանցեց նրա օգնական Գագիկ Նահապետյանը։

«Վաղը տարելից է, որի մեջ ցավ և հիշողություն կա, և միաժամանակ ապրելու կամքի բացառիկ արտահայտություն, որը դրսևորվեց մեր ժողովրդի կողմից: Սակայն միայն կամքը, այն էլ այդ ժամանակներում բավարար չէր երկրաշարժի հետևանքները հաղթահարելու համար: Դա հնարավոր դարձավ սեփական ռեսուրսների, միջազգային կազմակերպությունների և երկրների աջակցությամբ, բայց աջակցության մեջ անգնահատելի ու առանձնահատուկ էր Կարմիր խաչի միջազգային շարժման ներդրումը՝ իր բազմաթիվ ազգային ընկերությունների միջոցով», - ասված էր ուղերձում։ 

Միջոցառմանը ելույթով հանդես եկավ նաև ԿԽՄՖ Եվրոպական տարածաշրջանի ղեկավար Սայմոն Միսիրին. «Ինձ համար մեծ պատիվ է այստեղ ներկայացնել Կարմիր խաչի և Կարմիր մահիկի միջազգային ֆեդերացիան, ցավակցում եմ աղետալի երկրաշարժից տուժած ընտանիքներին և ազգականներին։ Աղետից հետո մարդասիրական օգնությունն աննախադեպ էր, և Հայկական Կարմիր խաչն էլ շատ պրոֆեսիոնալ գործեց և իր ներդրումն ունեցավ այն համակարգելու գործում։ Կուզենայի համերաշխության, սիրո և տարիների համագործակցության կապակցությամբ ՀԿԽԸ-ին հուշանվեր հանձնել»:

ՀԿԽԸ նախագահ Մխիթար Մնացականյանը՝ Հայկական Կարմիր խաչի ընկերության անունից շնորհակալագրեր հանձնեց Ավստրիական, Գերմանական, Դանիական, Իտալական, Շվեյցարական, Ֆիննական, Նորվեգական Կարմիր խաչերի, Կարմիր խաչի և Կարմիր մահիկի ընկերությունների ֆեդերացիային և Կարմիր խաչի միջազգային կոմիտեին՝ երկրաշարժից հետո Հայաստանին և հայ ժողովրդին անգնահատելի մարդասիրական աջակցություն տրամադրելու համար։ Շնորհակալագրեր կուղարկվեն նաև Ամերիկյան, Ռուսական, Ճապոնական, Ֆրանսիական, Շվեդական, Իսպանական Կարմիր խաչերին։

Միջոցառմանը ներկա էին բարձրաստիճան պետական այրեր, դեսպաններ միջազգային և տեղական կազմակերպությունների ղեկավարներ: 

Հայ ժողովուրդը մինչ օրս մեծ ցավով ու կսկիծով է հիշում 1988թ. Սպիտակի ավերիչ երկրաշարժը, որը մեծ փորձություն էր մեր հանրապետության համար: Տարիներն անցնում են, և ցավի ու կորստի զգացումի հետ մեկտեղ, հայ ժողովուրդը բավարարվածությամբ է հիշում սեփական համախմբվածությունը և մեծ երախտիքով՝ իրեն ձեռք մեկնած երկրների աջակցությունը:

Կարմիր խաչի միջազգային շարժումը՝ իր բազմաթիվ Ազգային ընկերություններով, առաջիններից էր, որ երկրաշարժից անմիջապես հետո՝ ժամերի ընթացքում արձագանքեց և մարդասիրական օգնություն ցույց տվեց Հայաստանին՝ սկսած փրկարարական աշխատանքներից, սոցիալ-հոգեբանական, առողջապահական, բժշկական ծառայությունների մատուցումից մինչև վերականգնողական աշխատանքների իրականացում և նոր բնակելի թաղամասերի կառուցում: Կարմիր խաչի միջազգային շարժման աջակցությունը շարունակվեց դեռևս երկար տարիներ՝ օգնելով հայ ժողովրդին հաղթահարելու այդ արհավիրքի հետևանքները: 

Հայկական Կարմիր խաչի ընկերությունը (ՀԿԽԸ), լինելով Կարմիր խաչի և Կարմիր մահիկի միջազգային շարժման լիիրավ անդամ, առաջնորդվում է  Շարժման         հիմնարար  սկզբունքներով` Մարդասիրություն, Անկողմնակալություն, Չեզոքություն, Անկախություն, Կամավորություն, Եզակիություն, Համընդհանրություն։ Հանդիսանալով կառավարությանն աջակցող կառույց՝ մարդասիրական ոլորտում, ՀԿԽԸ-ն արդեն 98 տարի է գործունեություն է ծավալում հանրապետության ամբողջ տարածքում հետևյալ ռազմավարական ուղղություններով՝ աղետների կառավարում, բնակչության տեղաշարժ, սոցիալ – առողջապահություն, առաջին օգնություն, երիտասարդական, Կարմիր խաչի հիմնարար սկզբունքների և մարդասիրական արժեքների տարածում և այլն:

ՀԿԽԸ առաքելությունն է նվազեցնել բնակչության խոցելիությունը` մարդասիրության ուժի մոբիլիզացմամբ, նախապատրաստվել դիմակայելու այն իրավիճակներին, որոնք կարող են բնակչության խոցելիության պատճառ դառնալ, ցուցաբերել անհրաժեշտ օգնություն` սատարելով սոցիալ-տնտեսական ծանր պայմաններում գտնվող մարդկանց:



website by Sargssyan