ԿԸՀ-ն ներկայացրեց ԱԺ արտահերթ ընտրության վերջնական արդյունքը
ՔԱՂԱՔԱԿԱՆԿենտրոնական ընտրական հանձնաժողովն ամփոփեց դեկտեմբերի 9-ին կայացած Ազգային ժողովի արտահերթ ընտրության արդյունքը։ ԿԸՀ նախագահ Տիգրան Մուկուչյանն այսօր՝ դեկտեմբերի 16-ին, կայացած նիստի ժամանակ ներկայացրեց վերջնական տվյալները։
Ըստ այդմ՝ 7-րդ գումարման ԱԺ-ում երեք քաղաքական ուժ կլինի՝ «Իմ քայլը» դաշինքը, «Բարգավաճ Հայաստան» և « Լուսավոր Հայաստան» կուսակցությունները։
Տիգրան Մուկուչյանի ներկայացմամբ՝ ԿԸՀ-ն չի ստացել ընտրությունն անվավեր ճանաչելու դիմում, անճշտությունների թիվը 405 է։
ՀՀ-ում ընտրողների ընդհանուր թիվը կազմել է 2 միլիոն 593 հազար 140, ընտրության մասնակիցների թիվը 1 միլիոն 261 105 կամ 48․ 63 տոկոս, անվավեր ճանաչված քվեաթերթիկների թիվը՝ 4706։
Ընտրությանը մասնակցած ուժերի ստացած ֆայները բաշխվել են հետևյալ կերպ.
ՀՀԿ – 59083 կամ 4․7 տոկոս,
«Քաղաքացու որոշում» սոցիալ դեմոկրատական կուսակցություն - 8514 կամ 0,68 տոկոս,
ՀՅԴ - 48816 կամ 3,88 տոկոս,
«Իմ քայլը» դաշինք. 884864 կամ 70,42 տոկոս,
«Լուսավոր Հայաստան» կուսակցություն. 80047 կամ 6,37 տոկոս,
«Քրիստոնեաժողովրդական վերածնունդ» կուսակցություն. 6458 կամ 0,51 տոկոս,
«Ազգային առաջընթաց» կուսակցություն. 4121 կամ 0,33 տոկոս,
«Մենք» դաշինք. 25176 կամ 2 տոկոս,
«Օրինաց երկիր». 12393 կամ 0,99 տոկոս,
«Սասնա ծռեր» համահայկական կուսակցություն. 22868 կամ 1,82 տոկոս,
«Բարգավաճ Հայաստան» կուսակցություն. 103801 կամ 8,26 տոկոս: