Նախընտրական թոհուբոհ Արցախում. ով ում թեկնածուն է ՔԱՂԱՔԱԿԱՆ
Ալավերդիում կառավարությունը «ջուր է ծեծում» ՔԱՂԱՔԱԿԱՆ
27 200 ԱՄՆ դոլար, շուրջ 9 մլն դրամ, նաև անշարժ գույք՝ «Իմ քա... ՔԱՂԱՔԱԿԱՆ
Նոր ընդդիմության և նոր իշխանության հին դեմքը ՎԵՐԼՈՒԾԱԿԱՆ
Պատասխաններ տալու ժամանակը ՔԱՂԱՔԱԿԱՆ
Երևան, 18.Փետրվար,
00
:
00
:
00
Փոխարժեք
478.65
$
560.79
«Երևան–Կենտրոն» ՔԿՀ պետի ունեցվածքը.Տեսանյութ Ծառահատումներ Լոռու մարզում. նշանակվել են մասնագիտական ստուգումներ Ռուսաստանում 3 երեխայի փրկած հային տեղի պաշտոնյաներն արտաքսել են կնոջ եւ 5 երեխաների հետ (ֆոտո) Դոլարի փոխարժեքը շարունակում է նվազել. եվրոն թանկանում է Ինչ է սպասվում մեր մոլորակին. տեղի է ունեցել սարսափելի երևույթ Կոշիկի կրունկով աղջիկը հարվածել է տղայի աչքին Արթիկի թիվ 3 ավագ դպրոցի նախկին տնօրենը յուրացրել է ավելի քան 2 ու կես մլն դրամ. Ոստիկանություն Մթեքներ, որոնք ճարպը հալեցնում են մի քանի օրում Օրենքով գողերը վերջապես ընտրեցին իրենց առաջնորդին Արամ Ա կաթողիկոսը Տիգրան Մանսուրյանին պարգեւատրել է «Ասպետի կարգ» շքանշանով Կապանում 80-ամյա կինն ինքնասպան է եղել՝ թողնելով երկտող Աննա Հակոբյանը մանուկ հասակում (բացառիկ լուսանկարներ) Սևանի թերակղզուց դեպի Դիլիջանի թունել ճանապարհահատվածում բուք է Ադրբեջանի կողմից կա բանակցային գործընթացին պատրաստ լինելու իմիտացիա. Տիգրան Աբրահամյան Ո՞վ է սցենարիստ Դիանա Գրիգորյանի ամուսինը Իշխանություններն ակնկալում են, որ հասարակությունը պիտի շնորհակա՞լ լինի իրենց, որ գոնե համայնքներում Փաշինյանի հերթական «կեպիներն ու սելֆիի ձողիկներին» չեն կարգել ղեկավարներ. Ա. Աշոտյան Երբ այս երեխան ծնվեց, բժիշկները ցանկացան նրան սպանել Նվեր Ծառուկյանի փաստաբան Էմին Խաչատրյանի պարզաբանումը Նարե Մանուկյանի բաց նամակի կապակցությամբ Բագրատաշենի անցակետից բերման է ենթարկվել Թուրքիայի քաղաքացի Ֆարուքը. Նրան որոնում են Գերմանիայի իրավապահները Կինը 1 օրում ծննդաբերել է 17 երեխա

«Մեծամոր» պատմահնագիտական թանգարանում նշել են Կորյուն Մկրտչյանի ծննդյան 90-ամյակը

«Մեծամոր»  պատմահնագիտական  թանգարանում  նշել  են  Հայկական  ՍՍՀ վաստակավոր  երկրաբան, «Մեծամոր» արգելոց-թանգարանի հիմնադիր Կորյուն Մկրտչյանի ծննդյան  90-ամյակը: Արգելոց-թանգարանում  էին  հավաքվել  մեծանուն հայի  հարազատները, ընկերները,  գիտության` երկրաբանության,  հնագիտության ոլորտում  նրա  ներդրած  ավանդը  բարձր  գնահատողները:

Ինչպես «Արմենպրես»-ին տեղեկացրին «Պահպանության ծառայություն» ՊՈԱԿ-ի լրատվության բաժնից, Կորյուն Մկրտչյանը  բացառիկ  դեր  է  ունեցել  Հայաստանի երկրաբանական կառուցվածքի  և  օգտակար  հանածոների  հետազոտման,  հետախուզման և հայտնաբերման գործում: Գիտնականի  ավանդն  անգնահատելի  է  նաև հնագիտության  ոլորտում:

«Կան  մարդիկ, ում  կյանքը  և  գործունեությունը  ուղղված  է  լինում  մի  գործի` սեփական կարողությունները,  անձը, գիտելիքները  հայրենիքին  նվիրելուն: Կորյուն Մկրտչյանը  այդպիսին էր», -իր խոսքում ասել է «Պատմական միջավայրի պահպանության ծառայություն» ՊՈԱԿ-ի գիտնական քարտուղար, պատմական գիտությունների  դոկտոր-պրոֆեսոր  Աշոտ  Փիլիպոսյանը:

ԵՊՀ  հնագիտության և ազգագրության ամբիոնի վարիչ պ․գ․դ. Հայկ Ավետիսյանի գնահատմամբ  էլ` գիտնականի կատարած աշխատանքը գիտակրթական հենք է ստեղծել հարենագիտության  համար:

Կորյուն Մկրտչյանը մեծ ավանդ ունի Մեծամոր հնավայրի հայտնաբերման և երկարատև ուսումնասիրության գործում։ 1964-1967 թթ․ նա հայտնաբերել է Մեծամորի  մետաղաձուլական  հնագույն  կենտրոնը,  եղել` հնագիտական պեղումների  համաղեկավարը: 1970-1976 թթ․ հիմնել  է  «Մեծամոր»-ի  թանգարանը, հետագայում  կազմակերպել `առաջին  ցուցադրությունը:

Անվանի գիտնականը չէր կարող անտարբեր մնալ  Հայաստանի համար կարևորագույն ժամանակաշրջանում` Սպիտակի երկրաշարժ  ու  Արցախ: 1988-ի աղետի առաջին օրերին նա մեկնել  է  Գյումրի: Կատարած դիտարկումների և սեյսմատեկտոնական հետազոտությունների արդյունքները հետագայում շարադրել է լայնածավալ  հաշվետվությունում: 1988-ին էլ` այցելելով Լեռնային Ղարաբաղ ու կանխատեսելով շրջափակումը, առաջարկել է հետախուզել  ու  շահագործման հանձնել  Մաղավուզի  ածխի  հանքավայրը:

«Նրա  գործունեության աշխարհագրական ընդգրկումը շատ մեծ է: Սխալված չեմ լինի, եթե ասեմ` Հայաստանի  ողջ տարածքը, Աղստևի հովտից  մինչև  Եմեն, Մեծամորից` մինչև  Բեռլին: Կորյուն Մկրտչյան մտավորականի պրպտող միտքը իր մասնագիտական տիրույթից  զատ  անցում  է  կատարել  հնագիտության  ու պատմագիտություն  ոլորտներ: Արժեքավոր են նաև Գլաձորի համալսարանի 700-ամյակին նվիրված ու Շատիվանքի մասին նրա աշխատությունները», -ասել է «Պատմական միջավայրի պահպանության ծառայություն ՊՈԱԿ-ի տնօրեն Արա Թարվերդյանը:

ՊՈԱԿ-ի տնօրենը  իր խոսքը եզրափակել է երկրաբաններին բնորոշ  ձևակերպմամբ` ոչինչ  չի  կորցրել, բայց ամբողջ օրը որոնում է:

Անվանի  գիտնականի կնոջ` Աշխեն Ղարաքեշիշյանի համար Մեծամորը սրբավայր է իր  համար:  Նրա խոսքով  աշխատանքից հետո ամեն օր Կորյուն  Մկրտչյանը  գնում  էր  Մեծամոր  ու  մինչև  ուշ  գիշեր  աշխատում:

ՀՀ ԳԱԱ ակադեմիայի արտասահմանյան անդամ, հնագետ Գրիգոր Արեշյանի համոզմամբ Մեծամորի թանգարանը չէր լինի, եթե  չլիներ Կորյուն Մկրտչյանի եռանդը, ավյունը: Կ. Մկրտչյանի շնորհիվ  1971 թ. «Նյու-Յորք Թայմս»-ը  անդրադարձել  է Մեծամորին:  Նրա խոսքով  անվանի գիտնականը  ազնիվ,  շիտակ, բազմակողմանի  զարգացած  ու կարծրատիպեր  կոտրող  մարդ էր:

Միջոցառմանը ներկա էր  նաև  մասնագիտությամբ երկրաբան  պաշտպանության նախարարի պաշտոնակատար Դավիթ Տոնոյանը,  ում  փոխանցմամբ  մեծ հայրենասեր Կորյուն Մկրտչյանի հիմնադրած «Մեծամոր» պատմահնագիտական արգելոց-թանգարանը ոչ միայն գիտական, այլ  նաև` ռազմավարական  նշանակություն  ունի  ամբողջ տարածաշրջանի համար:

Մեծամոր հնավայրի տարածքում այսօր էլ պեղումներ են իրականացվում /վերսկսվել են 2013 թ.-ից/: Արգելոց-թանգարանի վարիչ Արտավազդ  Զաքյանի  տեղեկացմամբ ներկայում թանգարանի  ֆոնդերում  28. 000  թանգարանային  առարկա  կա:

Անվանի  գիտնականը  հարուստ  գրավոր  ժառանգություն  թողել` քառասունից ավելի  տպագիր և նույնքան էլ` ձեռագիր  աշխատանքներ:

Միջոցառման ավարտին տեղի է ունեցել նաև Կ. Մկրտչյանի ընտանիքի  ջանքերով հրատարակված  ու  գիտնականի աշխատանքային գործունեությանը  նվիրված գրքերի շնորհանդեսը,  ցուցադրվել` «Կորյուն Մկրտչյան. դիմանկար» փաստավավերագրական  ֆիլմը:

 

website by Sargssyan