Չպայթած ռազմամթերքի վնասազերծում է նախատեսվում Ստեփանակերտում ՀԱՍԱՐԱԿՈՒԹՅՈՒՆ
Ձմեռային զորակոչի ընթացքում քաղաքացիների դիմումների և բողոքն... ՀԱՍԱՐԱԿՈՒԹՅՈՒՆ
Ոսկին թեթեւակի էժանանում է ՏՆՏԵՍՈՒԹՅՈՒՆ
Արցախում ռուս խաղաղապահները հակաահաբեկչական կանոնավոր վարժան... ՀԱՍԱՐԱԿՈՒԹՅՈՒՆ
ՀՀ տարածքում կան փակ ավտոճանապարհներ․ Լարսում ավելի քան 1000... ՀԱՍԱՐԱԿՈՒԹՅՈՒՆ
Երևան, 25.Հունվար,
00
:
00
:
00
Փոխարժեք
478.65
$
560.79
Սա նաև որոշակի նախազգուշացում էր սրիկա Փաշինյանին, որ՝ «ես կարող եմ խոսել». Արմեն Աշոտյան Մոսկվայում մի շաբաթ «տժժալուց» հետո քմծիծաղը երեսին նստել է զոհվածի այրու կողքին Չպայթած ռազմամթերքի վնասազերծում է նախատեսվում Ստեփանակերտում Ուղիղ․ ՀՀԿ փոխնախագահ Արմեն Աշոտյանի ասուլիսը Պղինձը թանկանում է Ձմեռային զորակոչի ընթացքում քաղաքացիների դիմումների և բողոքների քննարկման հանձնաժողով է ստեղծվել․ ՊՆ Պուտինը բացահայտել է Նիկոլ Փաշինյանի իրական դեմքը Ոսկին թեթեւակի էժանանում է Համոզված եմ, որ Արցախի հանձնված տարածքները կարելի էր նույնկերպ պաշտպանել, ինչպես՝ Կարմիր շուկան. ՊԲ նախկին խոսնակ Կորոնավիրուսով վարակվածների ու մահացածների թիվն՝ այսօր Դավիթ Տոնոյանը հայտարարել է, որ պատերազմը կանգնեցնելու մասին Օնիկ Գասպարյանի հայտնի վերլուծությունը համաձայնեցված է եղել իր հետ. Մեդիամաքս Ով է Փաշինյանի անունից Ալիևի հետ բանակցել Շուշին հանձնելու մասին. Սենսացիոն մանրամասներ Ղարաբաղը հանձնելու համար Փաշինյանի ընտանիքը ստանում է պարգևներ Ադրբեջանի ղեկավարությունից․ Սերգեյ Կուրղինյան Հունվարի 24-ին Վարանդայի՝ Ֆիզուլիի շրջանից և Հադրութի շրջանի Տումի գյուղի տարածքից հայտնաբերվել է ևս 2 աճյուն, մեկը՝ նախնական տվյալներով՝ քաղաքացիական անձ է. Արցախի ԱԻՊԾ Արցախում ռուս խաղաղապահները հակաահաբեկչական կանոնավոր վարժանքներ են անցկացնում․ ՌԴ ՊՆ ՀՀ տարածքում կան փակ ավտոճանապարհներ․ Լարսում ավելի քան 1000 բեռնատար է կուտակվել Պետք է ապրել Հայաստանը հողատուից ազատելու,հայրենիքը շենացնելու և Շուշին հետ վերադարձնելու նպատակով. Շարմազանով «ՀԷՑ»-ը տեղեկացնում է. Երկար ժամանակով լույս չի լինելու

Ինչո՞ւ են քամելեոնները փոխում իրենց գույնը

Մենք գիտենք, որ...

Քամելեոնը ընդունակ է փոխել իր գույնը, և դա կատարվում է շրջապատում աննկատ մնալու համար:

Իրականում այդպես չէ:

Պարզվում է, որ քամելեոնը իր մաշկի գույնը փոխում է ոչ թե գիշատիչների կողմից աննկատ լինելու համար, այլ բազմաթիվ այլ պատճառներով: Ի դեպ, քնած ժամանակ քամելեոնը չի կարողանում կարգավորել իր գույնը և դառնում է գորշավուն: 

Քամելեոնը մողեսների ընտանիքին պատկանող սողուն է: Նրա մարմնի երկարությունը հասնում է 30 սմ–ի, ավելի խոշորները 50–60 սմ են, իսկ ամենափոքրերը՝ 3–5 սմ։ Գլուխն ունի սաղավարտի տեսք և երբեմն զարդարված է լինում փոքրիկ պոզերով։ Ոտքերը երկար են և հարմարված են մագլցելու համար։ Թաթերն ունեն ճանկերի տեսք, որոնք կարող են ամուր բռնել ծառի ճյուղերից։ Պոչը հաստ է հիմքի մոտ և աստիճանաբար նեղանում է։ Այն կարող է ոլորվել դեպի ներքև և կարող է կախվել ճյուղերից։ Քամելեոնն ունի անսովոր տեսողական օրգաններ։ Նրա աչքերը դուրս եկած են և ունեն տեսողական անցք։ Քամելեոնը կարող է միևնույն ժամանակ նայել տարբեր ուղղություններով, ինչը շատ օգտակար է որսի համար։ Միևնույն ժամանակ նա լրիվ խուլ է: Որսի ժամանակ քամելեոնը երկար նստում է ծառի ճյուղին։ Այդ ընթացքում նրա մարմինը մնում է անշարժ, իսկ աչքերը անընդհատ շարժման մեջ են։ Միջատներին նա բռնում է լեզվով, որի ծայրին կա կպչուն նյութ։ Քամելեոնը կարող է «ճանաչել» և բռնել չորս միջատ երեք վայրկյանում։ Երբ լեզուն «չի աշխատում», այն պահվում է ստորին ծնոտում գտնվող ոսկորի շնորհիվ։ Եթե զոհը լեզվով բռնելու համար շատ ծանր է լինում, նա այն միանգամից բռնում է բերանով։ Քամելեոնների՝ գույնը փոխելու հատկությունը հատուկ է նրանց բոլոր տեսակներին։ Գույնի փոփոխությունը կախված է նրանց մաշկի յուրահատուկ կառուցվածքից։ Մաշկի ներքին շերտում կան հատուկ բջիջներ՝ քրոմատոֆորներ, որոնք իրենց մեջ պարունակում են տարբեր գույնի պիգմենտներ։ Հենց դրանց շնորհիվ էլ քամելեոնը կարողանում է փոխել իր մաշկի գույնը։ Նա կարողանում է փոխել ինչպես իր ամբողջ մարմնի գույնը, այնպես էլ մարմնի մի մասինը, որը կարող է ուղեկցվել տարբեր զոլերով կամ պուտերով։ Գույնի փոփոխությունը կարող է լինել ջերմաստիճանի, լույսի, խոնավության փոփոխության արդյունք, կամ սովի, ծարավի, վախի արդյունքում։ Ավելի կարևոր է գույնի փոփոխությունը որպես իր ցեղակիցների հետ հաղորդակցման միջոց, օրինակ՝ զուգընկեր գտնելու, իր տարածքը ցույց տալու և այլ նպատակներով:

Շրջապատին հարմարվելու համար քամելեոնի գույնը փոխելու մասին մոլորությունը շատ հին պատմություն ունի: Առաջին անգամ դրա մասին գրվել է մեր թվարկությունից առաջ 240 թվականին ոչ հանրահայտ և կարճ կյանք ունեցած հույն պատմիչ և կենսագիր Անտիգոն Կարստացու գրվածքներում: Նրանից մեկ դար առաջ հանրահայտ Արիստոտելը գրել էր, որ քամելեոնի գույն փոխելը կապված է վախի հետ, բայց, չգիտես ինչու, ավելի ընդունելի դարձավ Անտիգոնի կարծիքը այս հարցում: Վերածննդի ժամանակաշրջանում քամելեոնի գույնի՝ «շրջապատի ֆոնից» կախվածության վարկածը համարյա ամբողջությամբ մերժվել էր, բայց հայացքները աստիճանաբար փոխվեցին և ի վերջո հաստատվեց «շրջապատի ֆոնի» վարկածը: Հավանական է, որ դրա պատճառն այն է, որ քամելեոնը կարող է ժամերով անշարժ մնալ, և ստացվում է, որ նա թաքնվում է: Անգամ կարծիքներ են եղել, որ նա օդով է սնվում, քանի որ նրա միջատ որսալու պրոցեսը դժվար է նկատել:

Գույներով հաղորդակցվելու հատկությունը մարդիկ ևս ինչ–որ չափով ունեն: Օրինակ՝ կարմրելը, գունատվելը: Իհարկե, մարդկանց դեպքում ևս դա շրջապատի ֆոնին հարմարվել չէ, այլ հույզերի արտահայտություն է: Սակայն մեր իրականության մեջ շատ ավելի տարածված է ոչ այնքան կարմրելը, որքան հենց քամելեոնիզմը, այսինքն՝ ըստ իրավիճակի գույնն անընդհատ փոխելը: Վստահ չե՞ք, ուշադիր ձեր շուրջը նայեք...

 

Նյութը հրապարակման պատրաստեց Past.am-ը

website by Sargssyan