Վլադիմիր Պուտինն իրականացրել է 15-ամյա պատանու երազանքը
ՄԻՋԱԶԳԱՅԻՆՌուսաստանի նախագահ Վլադիմիր Պուտինը կատարել է ծանր հիվանդություն ունեցող 4-րդ երեխայի՝ 15-ամյա Արսլան Կաիպկուլովի ցանկությունը, որը երազում էր տեսահոլովակ նկարահանել Իլ-96-300 նախագահի օդանավի մասին:
«Դա երկրի ամենագաղտնի ինքնաթիռն է, ինձ համար պատիվ է հայտնվել այնտեղ», - ասել է պատանին, որի խոսքով՝ իր երազանքն իրականացել է:
Տղան պատմել է, որ տպավորվել է հարմարավետությամբ, որով թռչում է երկրի ղեկավարը, սակայն ամենից վառ տպավորություն նրա վրա գործել է օդաչուների խցիկը: Արսլանին հաջողվել է նստել օդանավի հրամանատարի աթոռին, ինչպես նաև լինել համաժողովի սրահում: «Եղել եմ նաև այլ վայրերում, սակայն դրանք չի կարելի նկարահանել: Այնտեղ գաղտնիություն կա»,- ասել է տղան:
Հիշեցնենք, որ դեկտեմբերի սկզբին Վլադիմիր Պուտինն այցելել է Ռուսաստանի կամավորների համաժողովին և ծանոթացել «Երազիր ինձ հետ» նախագծին, որն իրականցնում է լուրջ հիվանդություն ունեցող երեխաների երազանքները: Միջոցառման մասնակիցներից յուրաքանչյուրը կարող էր ընտրել ծրարներից մեկն ու կատարել երեխայի երազանքը: Նախագահը 5 ծրար է վերցրել, որոնց մեջ էր նաև Արսլանի ծրարը: