Սահ­մա­նա­փա­կու­մը՝ առայժմ Ռու­սաս­տա­նի մի նահանգում ՄԻՋԱԶԳԱՅԻՆ
«Սա­հա­կյանց» ստու­դի­ա­յի պատ­մու­թյու­նը «վար­կա­բե­կիչ ապ... ՄԻՋԱԶԳԱՅԻՆ
ՊԱՏՄՈՒԹՅԱՆ ԱՅՍ ՕՐԸ (14 ԴԵԿՏԵՄԲԵՐԻ). Հա­յաս­տա­նում բաց­վել է... ՀԱՍԱՐԱԿՈՒԹՅՈՒՆ
ԱՄՆ Սե­նա­տի կող­մից Հա­յոց ցե­ղաս­պա­նու­թյու­նը ճա­նա­չող ... ՎԵՐԼՈՒԾԱԿԱՆ
Կոռուպցիոն ռիսկերն այսօր էլ առկա են ՀԱՍԱՐԱԿՈՒԹՅՈՒՆ
Երևան, 14.Դեկտեմբեր,
00
:
00
:
00
Փոխարժեք
478.65
$
560.79

Որտե՞ղ են բուծվում այս անհայրենիք «պրոգրեսիվ երիտասարդները». Լիլիթ Գալստյան

Որտե՞ղ են բուծվում այս անհայրենիք «պրոգրեսիվ երիտասարդները», ինչու՞ են նրանք այդքան պաշտպանված ու ապահով զգում, ի՞նչ և ու՞մ պատվերն են կատարում։ Ֆեյսբուքյան էջում նման մտահոգություն է բարձրացրել ՀՅԴ անդամ Լիլիթ Գալստյանը։

«Մինչ, հակակրանքս զսպելով, այն կապույտ մազերով, ադրբեջանցի ու ադրբեջանի դրոշ սիրող աղջկան որոշել էի անտեսել ու չնպաստել նրա «հերոսացմանը» (ինչը վստահաբար այս ծրագրված սցենարի մաս է կազմում), ցանցերում հայտնվում են «պրոգրեսիվ երիտասարդներ», ովքեր կոչ են անում «հանգիստ թողնել էդ մարդուն. որտեղ կուզի, ում և ինչի հետ կուզի թող նկարվի, մեր ինչ գործն ա»։

Այ այստեղ հանդուրժողականությունս սպառվում է։ Սպառվում է այն պարզ պատճառով, որ սա հենց իմ ու մեր գործն է, որովհետև սա «ում և ինչի հետ» դեպքը չի։ Սա անգամ արդեն մեր շքամուտքեր լցվող կենցաղային աղբը չէ, որ համբերատար սպասեմ ու քաղաքապետին աշխատել սովորելու ժամանակ տամ։ Սա մեր հոգևոր, բարոյական ու նաև ֆիզիկական անվտանգությանը սպառնացող մարտահրավեր է, սա երևույթ է, որ կեղծ ու վտանգավոր հանդուրժողականության դիմակով, կենսական տարածքներ է գրավում։ Այդ «որտեղն» իմ հայրենիքն է, մեր պետությունը, որ այդ նույն դրոշի ներքո փորձվել է զավթվել։ Այդ նույն դրոշի ներքո կացին է դարձել․․․

Իհարկե, ես ԱԱԾ-ն չեմ, բայց իբրև ՀՀ շարքային քաղաքացի իրավունք ունեմ մտահոգվել, բարձրաձայնել, հարցս ուղղել համապատասխան մարմիններին՝ որտեղ են բուծվում այս անհայրենիք «պրոգրեսիվ երիտասարդները», ինչու՞ են նրանք այդքան պաշտպանված ու ապահով զգում, ի՞նչ և ու՞մ պատվերն են կատարում․․․

Հ․Գ․Ի դեպ, բանակում չծառայած, Երևանու ավագանում հայտնված, հանդուրժողականության կոչ անող պրոգրեսիվ Գրիգոր Երիցյանը որտեղի՞ց հասկանա, որ այսօր սահմանին իր տարեկիցները հող են պաշտպանում ու ամեն վայրկյան այդ դրոշի ներքո նշանառուի թիրախն են»,– գրել է Լիլիթ Գալստյանը:

website by Sargssyan