Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (20 ՀՈՒԼԻՍԻ)․ Խորհր­դա­րա­նն իր առա­ջին ն... ՀԱՍԱՐԱԿՈՒԹՅՈՒՆ
Հա­յաս­տա­նը Եվ­րո­մի­ու­թյան և ԵԱՏՄ-ի մի­ջև ընտ­րու­թյան հա... ՄԻՋԱԶԳԱՅԻՆ
Ավտոմեքենան վաճառել է, իսկ դրամական միջոցներն ավելացել են ՀԱՍԱՐԱԿՈՒԹՅՈՒՆ
Հա­յաս­տա­նցի մաս­նա­գետն ար­տերկ­րում դա­սա­խո­սու­թյուն կկ... ՀԱՐՑԱԶՐՈՒՅՑ
Երևան, 23.Հուլիս,
00
:
00
:
00
Փոխարժեք
478.65
$
560.79
Եվրոպային դժոխային տապի երկրորդ ալիք է սպասվում Երևանի մետրոպոլիտենի կայարանների անվանումները կլինեն նաեւ անգլերեն Պրոֆեսիոնալ դիմահարդար Մանե Սահակյանը Master Class էր կազմակերպել (տեսանյութ) Ծեծկռտուք՝ Ստեփանակերտի կենտրոնական շուկայի մոտ. բերման ենթարկվածներից ոմանք վնասվածքներ են ունեցել Արարատ գյուղում կայանված մեքենայի եւ կոմբայնի անվադողեր են այրվել «Բարսելոնայի» վերջին մարզումը «Չելսիի» դեմ խաղից առաջ (ֆոտո) 27-ամյա տղամարդը, որը Նոր Արեշում սպանել էր մորը, վնասվածքներ պատճառել հորը և ինքնավնասում կատարել, դատարանի որոշմամբ՝ կալանավորվել է. Shamshyan.com c ԵԼ․ «Արարատ-Արմենիայի» նախախաղային մարզումը (ֆոտո) 26-ամյա աղջիկը «խիստ հուզմունքի մեջ» ինքնասպանություն գործելու նպատակով քացախաթթու է խմել ՃՈ -ն ուժեղացված ծառայություն է իրականացրել. 164 մեքենա տեղափոխվել է պահպանվող հատուկ տարածք Լողավազանում լողալիս անզգուշությամբ հարվածել է 16-ամյա պատանու գլխին. Նրան տեղափոխել են հիվանդանոց Մոսկվայում կնոջ գլխատված մարմին են հայտնաբերել Խոշոր չափերով կաշառք ստանալու համար ՀՀ գլխավոր դատախազի պաշտոնակատարի կողմից ավագ դատախազը ներգրավվել է որպես մեղադրյալ 5 հոգով խանութի դուռը լինգով բացելիս են եղել, բայց ոստիկանները վրա են հասել

Դաշնակցության բարդ վիճակը. որտեղի՞ց սկսել

Արցախում մեկնարկել և մինչև հունվարի 24–ը կընթանա ՀՅԴ 33–րդ ընդհանուր ժողովը: Ժողովը հերթական անվանել հնարավոր չէ, եթե նկատի ունենանք քաղաքական իրավիճակը, որում այն անցկացվում է: Այն հերթական չէ նաև անցկացման վայրի ընտրությամբ: Արցախում ընդհանուր ժողովի անցկացումը բնականաբար պատահական չէ: Ինչպես ՀՅԴ բյուրոյի ներկայացուցիչ, ըստ էության, փաստացի ղեկավար Հրանտ Մարգարյանն է նշել՝ ՀՅԴ–ն ունի վերադիրքավորման խնդիր: Մարգարյանը, որ նախապես հրաժարվել է իր թեկնածությունը բյուրոյի ներկայացուցչի ընտրություններում առաջադրելուց, արել է նաև մի շարք սուր հայտարարություններ: «Տուն ուղարկել այս իշխանություններին և ստանձնել երկրի ամբողջական ղեկավարման գործը», – ասել է Մարգարյանը:

Թե ինչպես է ՀՅԴ–ն պլանավորում տուն ուղարկել իշխանություններին, հետո էլ վերցնել իշխանությունն ամբողջական, դժվար է ասել: ՀՅԴ–ն դեկտեմբերի 9–ի ընտրություններում չկարողացավ հայտնվել ԱԺ–ում, իսկ ընդհանրապես երբեք էլ չի եղել իշխանության ամբողջական տերը, ավելի ճիշտ կլինի ասել՝ եղել է իշխանության փաթեթի բաժնետերերից մեկը:

Բնականաբար, Մարգարյանի հայտարարությունները հեռու են իրականությունից, ինչը հուսանք կանխամտածված հռետորաբանություն է, ոչ թե անկեղծ համոզմունք: Ինչևէ: Առավել հետաքրքրական է ոչ թե հայտարարության իրատեսականությունը, այլ դրա թիրախները, դրա հնչեցման պահն ու տեղը: Փաստացի ՀՅԴ–ն ստանձնում է նախկին իշխանական վերնախավի առաջամարտիկի դերը՝ իշխանություններին մարտահրավեր նետելով: Հայտարարության վայրը ևս պատահական չէ: Վկայակոչելով Արցախյան խնդրի շուրջ վերջին շրջանում տեղի ունեցող ակտիվ պրոցեսները՝ Դաշնակցությունը հենց Արցախում կասկածի տակ է դնում նոր իշխանությունների քաղաքականությունը, ինչպես իրենք են նշում, «ազգային հարցերում»: 

Միաժամանակ հնչում են հրապարակային և ոչ հրապարակային դժգոհություններ առ այն, որ Փաշինյանը բավարար չափով չի գնահատում Դաշնակցության ռեսուրսը: Առիթն, իհարկե, այն է, որ Փաշինյանը հրաժարվել է հանդիպել Դաշնակցության ղեկավար կազմի հետ: Սակայն դժգոհության իրական պատճառն այլ է, ու թաքնված է Դաշնակցության և նախորդ իշխանությունների հարաբերություններում, երբ օգտագործելով 120–ամյա կուսակցության, ազգայինի և Սփյուռքի բռենդը՝ Դաշնակցությունը քվոտաներ էր կորզում իշխանության ներսում: 

Մի կողմ թողնենք այն հանգամանքը, որ, դաշնակցականների բառերով, «ազգային» հարցերում Փաշինյանի գործունեությունը որոշակի կասկածամտության տեղ թողնում է: Բայց արդյո՞ք դժգոհելու լեգիտիմ առիթ է այն, որ Դաշնակցության հետ տեղի չի ունեցել հանդիպում: Կամ ինչ հիմքով պետք է այդ հանդիպումը կայանար: Եթե խոսքը Դաշնակցության սփյուռքյան ռեսուրսի մասին է, ապա նմանատիպ հանդիպումներ եղել են: Եթե խոսքը տեղի դաշնակցականների հետ հանդիպման մասին է, ապա այդ դեպքում Փաշինյանի հետ հանդիպում կարող են պահանջել բոլորը, սկսած հանրապետականներից, վերջացրած ՕԵԿ–ով:

Իրականում, սակայն, խնդիրն ավելի լայն է, քան մեկ հանդիպումը կամ ԱԺ–ում անցողիկ շեմը չհաղթահարելը: Դաշնակցության Հայաստանի կառույցը չի ձևավորել այնպիսի քաղաքական կապիտալ, որ կարողանար նրան պահել խաղատախտակին նույնիսկ հեղափոխությունից հետո: Ինչքան էլ հիմա դաշնակցականները վկայակոչեն իրենց երկարամյա պատմությունն ու ավանդույթները, որոնց ահռելի մասն անշուշտ կարևորագույն պատմական ու քաղաքական նշանակություն ունի, հարց է ծագում. այդ ի՞նչ ավանդույթների մասին է խոսքը, եթե հեղափոխությունը կարող է երկու ամսում խարխլել դրանք ու զրկել ՀՅԴ–ին խորհրդարանում հայտնվելու հնարավորությունից: Այս հարցն է, որ պետք է տան իրենց տեղի դաշնակցական ղեկավարները:

Դաշնակցությունն ահռելի ժառանգություն և պատմություն ունեցող կուսակցություն է: Անշուշտ նրա ներկայությունը այն արժեքներով, այն պատմությամբ, որոնք հռչակված են, Հայաստանի քաղաքական համակարգին մեծ նվեր կլիներ: Սակայն այդ ներկայությունը չի կարող լինել ինքնանպատակ, այդ ներկայությունը չի կարող լինել առանց բովանդակության, միայն հանուն ձևի, անվան, սիմվոլի: Դաշնակցության իրավունքն է, իհարկե, հավակնել իշխանության ամբողջական փաթեթին: Բայց ավելի արդյունավետ կլիներ նախ սկսել սեփական սխալների քննարկումներից ու վերադառնալ քաղաքականության «ազգային» ակունքներ՝ էլիտար պայմանավորվածությունների տասնամյա ցիկլից հետո: 

 

ԼԵՎՈՆ ՄԱՐԳԱՐՅԱՆ

website by Sargssyan