ՌԴ զարգացումները՝ մանրադիտակի տակ ՔԱՂԱՔԱԿԱՆ
«Ռիսկային չարի՞ք», թե՞ փրկության երաշխիք ՔԱՂԱՔԱԿԱՆ
Որքա՞ն աշխատավարձ են ստանում թատրոնների դերասանները ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (20 ՀՈՒՆԻՍԻ). Լեռ­նա­յին Ղա­րա­բա­ղում պա... ՀԱՍԱՐԱԿՈՒԹՅՈՒՆ
Oրի­նա­կա՞ն է ար­դյոք դե­ռա­հաս­նե­րի ներգ­րավ­վա­ծու­թյու­ն... ՀԱՍԱՐԱԿՈՒԹՅՈՒՆ
Երևան, 20.Հունիս,
00
:
00
:
00
Փոխարժեք
478.65
$
560.79
Վահե Գրիգորյանը տուրք է տվել երևակայությանը, նրա վեր խոյանալու ցանկությունը չի տեղավորվում օրենսդրության շրջանակներում. Գ. Պետրոսյան Երևանում մոր թաղմանը մասնակցող կալանավորը մեքենայով դիմել է փախուստի՝ կոտրելով կայանված մեքենաները. հնչել են կրակոցներ. Shamshyan.com The Sun-ը՝ «Դիլիջանի» անգլիացի հիմնադրի մասին Թուրքիայում մեղադրանք է առաջադրվել Հրանտ Դինքի որդուն. նրան մինչև 5 տարվա ազատազրկում է սպառնում Վանաձորի թիվ 8 հիմնական դպրոցին պատկանող նախկին կաթսայատունը փլվել է Իրանը մեծ սխալ է գործել. Թրամփն արձագանքել է իրանական ուժերի կողմից ամերիկյան անօդաչուն խոցելուն Դավիթ Տոնոյանն Արգենտինայի դեսպանի հետ քննարկել է պաշտպանության ոլորտում երկկողմ համագործակցությանն առնչվող հարցեր Փհենյանը սպասում է Վաշինգտոնի պատասխանին. Կիմ Չեն Ըն Տավուշում կիրականացվեն նորարարական գյուղատնտեսական նախագծեր. ստորագրվել է փոխըմբռնման հուշագիր 14-ամյա պատանին կասկածվում է 20-ամյա երիտասարդին դանակահարելու մեջ. նա արդեն ցուցմունք է տվել Դոլարի փոխարժեքը նորից նվազեց 478 դրամից. Եվրոն թանկանում է

Մնում է ճամփորդելու ցանկությունը. նոր հնարավորություն` ռումինական ազգային ավիափոխադրողի կողմից

Ավելի մատչելի ավիատոմսեր, ավելի քիչ թռիչքաժամ և որակով սպասարկում: Էլ ի՞նչ է պետք ճամփորդասերներին և ուղևորության նախապատրաստվողներին: Եթե կա ճամփորդելու ցանկություն, ապա ամենակարևոր առավելություններից երեքն ապահովված է, որովհետև այսուհետ՝ 2019 թվականի ապրիլի 3-ից կմեկնարկեն Բուխարեստ-Երևան-Բուխարեստ ուղղությամբ չվերթները, կատարվելու են նաև տարանցիկ չվերթներ Բուխարեստով:

Խոսքը «ARON» թրավելի և «TAROM» ռումինական ավիաընկերության հետ համատեղ կանոնավոր չվերթների մասին է: Հայաստանում ռումինական ազգային ավիափոխադրողի նորամուտի շնորհանդեսի ժամանակ հայտարարվեց չվերթների մեկնարկի մասին:

Հայաստանում «TAROM» ռումինական ավիաընկերության գլխավոր ներկայացուցիչ Արարատ Մուրադյանը լրագրողների հետ զրույցում շեշտեց, որ մի քանի համատեղ հանդիպումների արդյունքում հասան այս արդյունքին:

«Թռիչքներն առայժմ շաբաթը երկու անգամ կլինեն, հետո հույս ունենք, որ մինչև հունիս թռիչքների քանակը կավելացվի և կդառնա մինչև 3-4: Այդ պահանջը կա: Բացի այդ, ավելի մատչելի ավիատոմսեր կառաջարկվի, քան մյուս ավիաընկերությունները, որոնք դեպի Եվրոպաթռիչքներ են իրականացնում»,-ասաց Արարատ Մուրադյանը՝ հավելելով, որ ի տարբերություն Կիևով և Մոսկվայով դեպի Եվրոպա իրականացվող տարանցիկ չվերթների, Բուխարեստով Եվրոպա թռիչքաժամը մոտավորապես մեկից մեկուկես ժամով պակաս է:

«Բուխարեստով ունենք տարանցիկ չվերթներ դեպի եվրոպական 16 քաղաքներ: Բուխարեստում 1-4 ժամ սպասելով՝ կթռչեն 15-16 քաղաք: Բացի այդ, Բուխարեստում մեր ուղևորները կստանան եվրոպական սպասարկում»,-ընդգծեց ներկայացուցիչը:

«Տարոմ»-ի կոմերցիոն տնօրեն Ռոդիկա Կազանչուկը կարևորեց Հայաստանի և Ռումինիայի միջև առկա լավ հարաբերությունները: «Չվերթների հաճախականությունն ավելացնելու նպատակ ունենք: Ինչպես նաև նպատակ ունենք ծանոթանալ Հայաստանի շուկայի առանձնահատկություններին»,-ասաց կոմերցիոն տնօրենը: 

Շնորհանդեսին ներկա էր նաև ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Արմեն Արզումանյանը, ով նախ կարևորեց բաց երկնքի քաղաքականությունը ու նշեց, որ այն տարբեր ավիաընկերությունների հնարավորություն է տալիս մուտք գործել հայկական շուկա և թռիչքներ իրականացնել:

«Այս պահին «ARON» ընկերությունը «TAROM» ավիաընկերության հետ միասին փորձում է իրականացնել Երևան-Բուխարտ-Երևան թռիչքներ: Թռիչքի հետաքրքրությունը կայանում է նրանում, որ թռիչքաժամը մոտ 2 ժամ տասը րոպե կրճատվում է, դրան գումարած՝ նաև Բուխարեստում սպասելու ժամանակը, հնարավորություն են տալիս բավականին կարճ ժամանակում հասնել եվրոպական երկիր և այնտեղից էլ թռիչքներ իրականացնելդեպի եվրոպական 16 քաղաք: Երբ առաջիկայում թռիչքներն իրականացվեն ոչ թե 2, այլ չորս անգամ, ապա հնարավորություն  կլինի տարանցիկ թռիչքներ իրականացնել ոչ թե 16, այլ ավելի մեծ թվով քաղաքներ»,-ասաց փոխնախարարը:

Կարևորելով հայ-ռումինական հարաբերությունները՝ Ա. Արզումանյանն ընդգծեց. «Հայ-ռումինական հարաբերությունների զարգացման տեսանկյունից աա միանշանակ խթան կլինի: Ավելի շատ հայեր կգնան Ռումինիա և Ռումինիայից կգան այստեղ: Սա նաև նաև մեծ նշանակություն ունի զբոսաշրջության համար՝ հաշվի առնելով թե՛ ռումինական, թե՛ հայկական տուրիստական հետաքրքրությունները»:

Արմեն Արզումանյանը նաև կես կատակ հիշեցրեց՝ շատ ժամանակ «Romania»-ն և «Armenia» անընդհատ շփոթում են միմյանց հետ: Ասում էինք՝ Armenia, շատերը հարցնում էին՝ Romania? ... Հիմա հուսով եմ, երբ ասեն` «We are from Rօmania», կհարցնեն՝«Are you from Armenia?»: Այսինքն՝ կարող է և հակառակն էլ լինի: Տեսնենք` ինչ կստացվի, հուսով ենք՝ ամեն ինչ լավ կլինի»:

 

Աննա Բադալյան

website by Sargssyan