ՊԱՏՄՈՒԹՅԱՆ ԱՅՍ ՕՐԸ (9 ՀՈՒԼԻՍԻ). Առաջին թղթե անձեռոցիկը, թենի... ՀԱՍԱՐԱԿՈՒԹՅՈՒՆ
Վրացական «երեք հրացանակիրներն» ու հաջողության բանաձևը. ինչո՞... ՄԻՋԱԶԳԱՅԻՆ
Անվճար իրավաբանական խորհրդատվություն մեր քաղաքացիներին ՀԱՐՑԱԶՐՈՒՅՑ
«Այսօր նոր որակի կրթության կարիք ունենք, մասնակի լուծումներն... ՀԱՐՑԱԶՐՈՒՅՑ
Բացասական ցուցանիշներ՝ անշարժ գույքի գրեթե բոլոր գործարքներո... ՀԱՍԱՐԱԿՈՒԹՅՈՒՆ
Երևան, 09.Հուլիս,
00
:
00
:
00
Փոխարժեք
478.65
$
560.79
Դիմակների համար տուգանքները բարձրացնող նախագիծը կրկին կբերվի՞ ազգային ժողով ՄԻԵԴ-ը չի մերժել ՍԴ դատավորների դիմումը ՍԱՏՄ-ն 24 ժամով կասեցրել է սննդի ոլորտում գործող մեկ տասնյակ տնտեսավարողների գործունեությունը Իրինա Այվազյանը սիրառատ լուսանկարներ է հրապարակել սիրելիի հետ ՊԱՏՄՈՒԹՅԱՆ ԱՅՍ ՕՐԸ (9 ՀՈՒԼԻՍԻ). Առաջին թղթե անձեռոցիկը, թենիսի առաջին առաջնությունը, առաջին հակագազը՝ խաղաղ բնակչության համար ՀՀ քաղաքացին կորոնավիրուսից մեռնելու մատերիալ չէ․ Նիկոլ Փաշինյան Արմեն Սարգսյանի տարբերակը կքննարկեն Նարեկ Բավեյանի ընտանեկան նոր ֆոտոշարքը Վրացական «երեք հրացանակիրներն» ու հաջողության բանաձևը. ինչո՞ւ հարևաններին ոչինչ չի հաջողվում Երկու լավ նորություն հայկական ֆուտբոլի մասին Անվճար իրավաբանական խորհրդատվություն մեր քաղաքացիներին ԴԱՀԿ-ում խախտումներ են արձանագրվել Նոր սանրվածքով ու ոճով Դիանա Գրիգորյանը կարծես իր դստեր տարիքի աղջնակ լինի «Այսօր նոր որակի կրթության կարիք ունենք, մասնակի լուծումներն օգուտ չեն տալիս» Քննարկվում է Արցախ մտնելիս ՊՇՌ թեստի անցկացման հարցը. ի՞նչ կարժենա Արցախ այցը Բացասական ցուցանիշներ՝ անշարժ գույքի գրեթե բոլոր գործարքներում. միայն մայիսին 27,9 տոկոս նվազում կա Հպարտ քաղաքացին՝ այսուհետ «տուգանվելու մատերիալ»

Գյումրու պետական սիմֆոնիկ նվագախումբը տոնեց կազմավորման 25-ամյա հոբելյանը

Գյումրու Վարդան Աճեմյանի անվան դրամատիկական թատրոնում հունվարի 25-ին տեղի ունեցավ Գյումրու պետական սիմֆոնիկ նվագախմբի 25 ամյակին նվիրված հոբելյանական համերգ:

Համերգին ներկա էին ՀՀ նախագահ Արմեն Սարգսյանն իր տիկնոջ՝ Նունե Սարգսյանի հետ միասին, մաեստրո Տիգրան Մանսուրյանը, ՀՀ մշակույթի նախարարի պարտականություններն իրականացնող Նազենի Ղարիբյանը, ԱԺ պատգամավոր Լիլիթ Մակունցը, մշակութային գործիցներ:


Գյումրու պետական սիմֆոնիկ նվագախումբը ստեղծվել է 1988 թվականի երկրաշարժից 4 տարի անց, այն ժամանակ, երբ ոչ ոք չէր կարող պատկերացնել, որ ավերված քաղաքում կարելի է ստեղծել նման կառույց: Նվագախումբն ստեղծվել է Գյումրու համար դժվարին տարիներին՝ այն ժամանակ, երբ շատերը թերահավատորեն էին մոտենում հետերկրաշարժյան քաղաքում մշակույթի գոյության փաստին: Հավատացողներն ու ուժ տվողներն ավելի քիչ էին, սակայն ավելի զորեղ գտնվեցին: Առաջին հավատացողներն ու գյումրեցուն կրկին մշակութային կյանքի հույս տվողները մաեստրո Լորիս Ճգնավորյանն էր , Հասմիկ Կիրակոսյանը և Ռոբերտ Մլքեյանը: Մնում էր աղետյալ քաղաքում գտնել երաժիշտներին եւ երաժշտական գործիքներ: Ստացվեց, եւ ստեղծվեց փոքրիկ նվագախումբ: Ավելի ուշ նվագախումբը, որը ղեկավարում էր Սուրիկ Խաչատրյանը, ստացավ պետականի կարգավիճակ:


Նվագախմբի ստեղծման մասին «Արմենպրես»-ի հետ զրուցելիս՝ ՀՀ մշակույթի վաստակավոր գործիչ Հասմիկ Կիրակոսյանը նշեց, որ դժվարին տարիներն ու առանց աշխատավարձի աշխատելը հենց մշակույթի հանդեպ գյումրեցու սիրո ապացույցն էր: «Նվագախմբի հաջողության գրավականը սերն է քաղաքի ու արվեստի հանդեպ եւ նվիրումը: Հերոսություն էր այդ տարիներին ստեղծել նվագախումբ, իսկ այսօր արդեն այս նվագախումբը մրցունակ է»,- նշեց Հասմիկ Կիրակոսյանը:
Հոբելյանի առթիվ նվագախմբի գեղարվեստական ղեկավար և դիրիժոր Երվանդ Վարոսյանը պարգևատրվեց ՀՀ մշակույթի նախարարության Ոսկե մեդալով, նվագախումբը՝ Գյումրու քաղաքապետարանի Ոսկե հուշամեդալով, եղան նաև այլ անակնկալներ: 


«Այդ տարիներն ամենասարսափելի տարիներն էին՝ չկար լույս, չկար հաց, սարսափելի ձմեռ էր և այդ տարիներին ստեղծել սիմֆոնիկ նվագախումբ իրոք հերոսությունն էր և հերոս էին բոլոր նրանք, ովքեր մասնակից էին՝ երազողներից մինչև կատարողներ»,-նվագախմբին ուղղված շնորհավորական խոսքում նշեց Հայ առաքելական եկեղեցու Շիրակի թեմի առաջնորդ Միքայել եպիսկոպոս Աջապահյանը: 
«Ուզում եմ շնորհավորել բոլորիս և հատկապես գյումրեցիներին այս հոյակապ առիթով:

Երբ մտածում ես երևույթի մասին՝ բացարձակապես ոչ սովորական օր է, քանի որ եթե մտովի հետ գնանք 30 տարի երկրաշարժից հետո հսկայական զոհեր ու ընդամենը 4-5 տարի հետո գյումրեցին որոշեց, որ ինքը պետք է սիմֆոնիկ նվագախումբ ունենա: Դա միայն հատուկ մարդիկ, հատուկ ժողովուրդ, հատուկ կամքի ուժ ու համառություն ունեցող մարդիկ են կարող: Մարդիկ նմանատիպ արհավիրքից հետո տասնյակ տարիներ դեպրեսիայի մեջ են ընկնում, իսկ գյումրեցիները որոշեցին՝ ոչ թե մի փոքր բան անել, այլ գրեթե անհասանելի՝ Օլիմպոս՝ սիմֆոնիկ նվագախումբ ու այդ ցանկությունն իրականացրեցին:

Պետք է շնորհակալություն հայտնել բոլոր նրանց, ովքեր իրենց ներդրումը բերեցին դրան՝ Հասմիկ Կիրակոսյան, Լորիս Ճգնավորյան, Մլքեյան և անշուշտ նաև նվագախմբի բոլոր երաժիշտներին»,-համերգից հետո լրագրողների հետ ունեցած ճեպազրույցի ժամանակ նշեց ՀՀ նախագահ Արմեն Սարգսյանը՝ հույս հայտնելով, որ մշակութային նման ավանդույթներ ունեցող քաղաքն ի վերջո կունենա նաև համերգային դահլիճ:
«Այսօր աշխատանքային օրվա ավարտից հետո իմ և կնոջս համար շատ գեղեցիկ օր էր, երբ ընդամենը 1 ու կես ժամ հետո դու Գյումրիում ես ՝ բարեկամների ու ընկերների հետ ու հոյակապ երեկո ես անցկացնում շատ գեղեցիկ համերգ լսելով: Կարծում եմ՝ և՛ Երևանից, և՛ Հայաստանի մյուս վայրերից մարդիկ հաճախ պետք է գան այս մշակութային քաղաքը՝ երաժշտություն լսելու, թատրոն դիտելու և վայելելու այս հրաշալի քաղաքը»,-հավելեց ՀՀ նախագահ Արմեն Սարգսյանը:

website by Sargssyan