Երևանի մանկապարտեզների աշխատակիցների աշխատավարձը 20 տոկոսով կբարձրանա. Հայկ Մարության
ՔԱՂԱՔԱԿԱՆԵրևանի մանկապարտեզների աշխատակիցների աշխատավարձը 20 տոկոսով կբարձրանա։ Այսօր լրագրողների հետ զրույցում հայտարարեց Երևանի քաղաքապետ Հայկ Մարությանը։
«Երևի մարտի վերջին կամ ապրիլի վերջին դա կիրականացնենք: Ծրագրից առայժմ դուրս են մնում տնօրեններն ու փոխտնօրենները», - ասաց Մարությանը:
Հայկ Մարությանը նշեց նաև, որ Երևանի քաղաքապետարանը հայտարարում է քաղաքի զարգացմանն ուղղված բաց մրցույթ, ընդհանուր ֆոնդը՝ 1 մլն ԱՄՆ դոլարին համարժեք դրամ:
«Հանձնարարել եմ, որպեսզի քաղաքապետարանի աշխատակազմը ստեղծի օնլայն հարթակ այդ մրցույթի համար: Քաղաքապետարանը տրամադրում է 1 մլն դոլարին համարժեք դրամ՝ ուղղված այն ծրագրերին, որոնք կմտածեն հենց Երևանի բնակիչները: Իրենք կմտածեն այդ ծրագրերը, իրենք կներկայացնեն դրանք ու իրենք էլ կքվեարկեն: Ամենաշատ ձայն ստացած ծրագրերը կիրականացվեն՝ դրանք կարող են լինել մեկից մինչև տասը: Օնլայն քվեարկությունները կվերահսկվեն, որ կեղծ քվեարկություններ չլինեն», - նշեց Երևանի քաղաքապետ Հայկ Մարությանը: