Ինչպես է Մհեր Ենոքյանի մասին ոստիկանության տեսանյութը հայտնվել Նարեկ Մալյանի մոտ. ոստիկանության պարզաբանումը
ՎԻԴԵՈՑմահ դատապարտված Մհեր Ենոքյանի կողմից հանցագործություն կատարելու վերաբերյալ ոստիկանության տեսանյութը ոստիկանությունը տրամադրել է փաստաբանին: Այս մասին, այսօր՝ հունվարի 30-ին, լրագրողների հետ հանդիպման ժամանակ նշեց Ոստիկանության հասարակայնության հետ կապի եւ լրատվության վարչության պետ Աշոտ Ահարոնյանը:
Հարցին, թե ինչպե՞ս է այդ տեսանյութը հայտնվել նախկին ոստիկանապետի խորհրդական Նարեկ Մալյանի մոտ, որն էլ հրապարակել է Facebook-ում, արդյո՞ք այդքան հեշտ է ոստիկանությունը տրամադրում տեսանյութեր, Ահարոնյանը պատասխանեց. «Հեշտ է, երբ մեզ դիմում է փաստաբանը: Քաղաքացուն չի տրամադրվում, բայց փաստաբանին տրամադրվում է: Հրապարակումից հետո մենք նայել ենք մեր քարտուղարությունում: Գրությունն ուղարկել է փաստաբանը: Մենք տրամադրել ենք փաստաբանին: Միգուցե Նարեկ Մալյանը վերցրել է փաստաբանից կամ փաստաբանն է տվել»,-ասաց նա: