Երբ քաղաքականությունն իրավիճակային է և դեկլարատիվ հայտարարու... ՎԵՐԼՈՒԾԱԿԱՆ
«Իրավիճակը կարող է որոշակի ճգնաժամի հանգեցնել». վիրտուալ իր... ՀԱՐՑԱԶՐՈՒՅՑ
Ավելի շատ պաշտոնյաներ պարտավորված կլինեն հայտարարագրել. ՔԱՂԱՔԱԿԱՆ
Նոր գաղտնի «քաղաքական» շարժում ՔԱՂԱՔԱԿԱՆ
Ելույթ, որը շարունակություն կունենա ՔԱՂԱՔԱԿԱՆ
Երևան, 22.Նոյեմբեր,
00
:
00
:
00
Փոխարժեք
478.65
$
560.79
Հանրապետությունում կան փակ և դժվարանցանելի ավտոճանապարհներ Երբ քաղաքականությունն իրավիճակային է և դեկլարատիվ հայտարարությունների վրա հիմնված «Իրավիճակը կարող է որոշակի ճգնաժամի հանգեցնել». վիրտուալ իրականության վտանգը Խոշոր ու ողբերգական ավտովթար Երևանում. BMW-ն դուրս է եկել հանդիպակաց և հայտնվել բեռնատար ЗИЛ-ի տակ Ավելի շատ պաշտոնյաներ պարտավորված կլինեն հայտարարագրել. Նոր գաղտնի «քաղաքական» շարժում Ելույթ, որը շարունակություն կունենա Պուտինը կհանդիպի Ալիեւի կնոջ հետ Ազգային պատկերասրահն ու Ռումինիայի հայոց թեմի առաջնորդարանը համատեղ ծրագրեր կիրականացնեն Եղանակը Հայաստանում 2010-2019 թթ համեմատությամբ բանակում ինքնասպանությունների թիվը նվազման միտում չունի (ինֆոգրաֆիկա) Սահմանին ակտիվության սեզոնն ավարտին է մոտենում. փորձագետ 3-րդ զորամիավորումում անցկացվել են սպայական հավաքներ «Ժամանակը կգա և ես անպայման կխոսեմ, կներկայացնեմ իմ տեսակետներն այն ամենի մասին՝ ինչ է կատարվում մեր երկրում այսօր, ինչ է կատարվել և ինչ է լինելու». Արթուր Վանեցյան Կրեմլը Պուտինի դեմ Նավալնու հայցի հարցով դիրքորոշում չունի Նա պարփակվել է իր մեջ. Մերժում է ինչ հնարավոր է, բացարձակ չխորանալով ներկայացվող փաստարկների մեջ. Արփինե Հովհաննիսյան «Ինչպիսի՞ այցով, ինչ օրակարգով, ինչ արդյունքների ակնկալիքով է վարչապետը մեկնել Իտալիա». Հարցում՝ կառավարությանը

Անորոշության պատ Հայաստանի շուրջ. հնարավոր չէ թքած ունենալ հասարակական կարծիքի վրա

Վարչապետ Փաշինյանը նախօրեին հարցազրույց է տվել ռուսական հայտնի «РБК» լրատվամիջոցին, որտեղ, ի թիվս այլ հարցերի, անդրադարձել է նաև Մարտի 1–ի խնդրին ու Քոչարյանի կալանավորմանը: Լրագրողի այն հարցին, թե արդյո՞ք արժեր այսքան տարի անց վերաբացել այս գործը, Փաշինյանը նշել է, որ ժամանակը կապ չունի, օրենքը թույլ է տալիս, և նրանք վերաբացել են, որպեսզի հասկանան, թե ինչ է եղել: Առաջին հայացքից պարզ և սովորական այս պատասխանն իրականում հերթական ցուցիչն է առ այն, որ Մարտի 1–ի գործով առայժմ որևէ տեղաշարժ չկա: Խնդիրը, ընդ որում, ոչ միայն խափանման միջոցի անվերջ փոփոխությունների շուրջ դատական նիստերն են ու բուն դատական պրոցեսի առկախումը: Խնդիրը նաև այն է, որ Մարտի 1–ի, ինչպես նաև այլ աղմկոտ քրեական գործերի մասով միջազգային հանրության մոտ ձևավորվում է որոշակի անորոշություն, անհասկանալիություն: 

Ռուս լրագրողի հարցն այս իմաստով միակը չէր: ԵԽԽՎ–ում Հայաստանի խորհրդարանի արտահերթ ընտրություններից հետո հրապարակված զեկույցում ևս տողատակում ակնհայտ էր եվրոպական կողմի անհանգստությունները Հայաստանում դատական պրոցեսների հանդեպ: Իսկ օրերս էլ հրապարակվել է Եվրոպայի խորհրդի մարդու իրավունքների հանձնակատար Դունյա Միյատովիչի զեկույցը, որտեղ զեկուցողը նշում է, որ Հայաստանի իշխանությունները պետք է ամեն ինչ անեն, որպեսզի բացառվեն հնարավոր քաղաքական վրեժխնդրության կամ ընտրովի արդարադատության վերաբերյալ մեղադրանքները: 

Մեծ հաշվով, իհարկե, կարելի է թքած ունենալ միջազգային կարծիքի վրա, եթե նույնիսկ մի կողմ թողնենք դրա քաղաքական հետևանքները: Բայց նույնիսկ այս դեպքում անորոշության խնդիրը մնում է: Երկրի ներսում էլ, ի վերջո, հնարավոր չէ թքած ունենալ հասարակական կարծիքի վրա, այն կարծիքի, որը հենց իշխանությունն է թեժացրել Մարտի 1–ի և այլ աղմկոտ գործերի բացմամբ կամ վերաբացմամբ: Այսինքն, հեղափոխության հաղթանակի առաջին ամիսներին բացվել են մի շարք քրեական գործեր, որոնց ավարտը չի երևում: 

Սա մի կողմից նշանակում է, որ իշխանությունները մոտ են այն սահմանին, երբ կարելի կլինի տապալված համարել նոր դատաիրավական համակարգ ունենալու հեռանկարը, մյուս կողմից էլ, փաստացի, թե՛ ներքին, թե՛ արտաքին լսարանի կողմից ընկալվելու են որպես ոչ վճռական: Ավելին՝ նաև հաշվի առնելով, որ մի կողմից աղմկոտ գործերով որևէ իրական տեղաշարժ չկա, մյուս կողմից էլ մեղադրյալները ունենալով ահռելի ֆինանսական հնարավորություններ՝ ամեն կերպ փորձում են իրենց քրեական գործերը մատուցել որպես քրեական հետապնդում, հեռու չէ այն օրը, երբ այդ գործերը հենց այդպես էլ կսկսեն ընկալվել: Ավելին, գուցե հենց այդ ընկալումն էլ դառնա քաղաքական գործոն մեղադրյալների համար՝ հեռահար քաղաքական պլաններ ուրվագծելու:

Թե՛ մեղադրյալների պաշտպանական տակտիկան, թե՛ միջազգային տպավորությունը, մեծ հաշվով, կարելի է համարել երկրորդական: Երկրորդական կարելի է համարել նույնիսկ այն, որ իշխանության բարձրագոչ հայտարարություններն ու դրանց ֆոնին վերաբացված քրեական գործերը հանկարծ փակվեն: Հայաստանի համար վերջնարդյունքում ամենացավալին լինելու է դատական համակարգի չկայացվածությունը, դրա կախվածությունը քաղաքական այս կամ այն թրենդից, կախվածությունը քաղաքական հայտարարություններից: Իսկ սա էլ իր հերթին նշանակելու է, որ դատական համակարգում ոչ միայն չեն արվում բարեփոխումներ, այլև կա հետընթացի վտանգ: 

ԼԵՎՈՆ ՄԱՐԳԱՐՅԱՆ

website by Sargssyan