Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
Քա­ղա­քա­կան դաշ­տի «դա­վադ­րա­պաշ­տա­կան» էլե­մենտ­նե­րը ՎԵՐԼՈՒԾԱԿԱՆ
Վարչապետը հանդիմանել է Ջանջուղազյանին ՔԱՂԱՔԱԿԱՆ
Բանակի թեմայով հերթական շահարկումը ՔԱՂԱՔԱԿԱՆ
«Իզմ»-եր, այնուամենայնիվ, պետք են ՔԱՂԱՔԱԿԱՆ
Երևան, 22.Ապրիլ,
00
:
00
:
00
Փոխարժեք
478.65
$
560.79

Google-ի, Amazon-ի, Facebook-ի ղեկավարությունը կմասնակցի Երեւանում կայանալիք ՏՏ Համաշխարհային համաժողովին

Հայաստանի փոխվարչապետ Մհեր Գրիգորյանը հայտարարել է, որ Google, Amazon, Facebook  եւ այլ ընկերությունների ղեկավարությունների ներկայացուցիչները հաստատել են իրենց մասնակցությունը Տեղեկատվական տեխնոլոգիաների համաշխարհային համաժողովին, որը կկայանա 2019 թ. հոկտեմբերին Երեւանում, հաղորդում է ՏԱՍՍ-ը: 

Մհեր Գրիգորյանը այս մասին հայտարարել է ուրբաթ՝ «Գլոբալիզացիայի դարաշրջանում թվային օրակարգը 2.0. Եվրասիայի նորարարական էկոհամակարգը» համաժողովին:

Փոխվարչապետը համաժողովի բոլոր մասնակիցներին հրավիրել է մասնակցելու միջոցառմանը, որը տեղի կունենա հոկտեմբերի 6-9-ը:

«Կարծում եմ, սա հետաքրքիր հարթակ է մեր հերթական հանդիպման եւ քննարկումների, կարծիքների փոխանակման համար», – ասել է փոխվարչապետը:

«Գլոբալիզացիայի դարաշրջանում թվային օրակարգը 2.0» ամենաամյա համաժողովն անցկացվում է  Ղազախստանի նախագահ Նուրսուլթան Նազարբաեւի նախաձեռնությամբ:

Համաժողովի գլխավոր նպատակը համատեղ միջոցներ մշակելն է, որոնք կխթանեն Եվրասիական տնտեսական միության երկրների թվային տնտեսությունների զարգացումը` բարձրացնելով նրանց մրցունակությունը:

Միջոցառման ավարտից հետո տեղի կունենա ԵՏՄ միջկառավարական խորհրդի նիստը, որին կմասնակցեն «եվրասիական» հնգյակի վարչապետերը:

website by Sargssyan