«Կա­ռա­վա­րու­թյու­նը ներդ­րու­մա­յին ծրագ­րեր ու դրանք սպա­... ՀԱՐՑԱԶՐՈՒՅՑ
«Այս­պես մենք ակն­հայտ քա­ղա­քա­կան ճգնա­ժա­մի ճա­նա­պար­հով... ՔԱՂԱՔԱԿԱՆ
Վար­չա­պե­տի աշ­խա­տա­կազ­մում որո­շա­կի լար­վա­ծու­թյուն կա ՔԱՂԱՔԱԿԱՆ
Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
Քա­ղա­քա­կան դաշ­տի «դա­վադ­րա­պաշ­տա­կան» էլե­մենտ­նե­րը ՎԵՐԼՈՒԾԱԿԱՆ
Երևան, 23.Ապրիլ,
00
:
00
:
00
Փոխարժեք
478.65
$
560.79

«Ձեռքերդ հեռո՛ւ Վենեսուելայից, անհապա՛ղ»

ԱՄՆ-ն այս շաբաթը սկսեց Նիկոլաս Մադուրոյի կառավարության վրա ճնշումը մեծացնելով: Բացի Վենեսուելայի պետական նավթային PDVSA ընկերության վրա պատժամիջոցներ սահմանելը, Վաշինգտնոը հայտարարեց, որ քննարկվում են երկիրը ճգնաժամից հանելու բոլո րտարբերակները: Հայտնի դարձավ ազգային անվտանգության հարցերով ԱՄՆ նախագահի խորհրդականի Բոլթոնի նոթատետրի գրառումը՝  «5000 զինծառայող` Կոլումբիա», ինչն իհարկել  բազում մեկնաբանությունների առիթ է դարձել: 

Ահա, թե ինչ է տեղի ունեցել. Ջոն Բոլթոնը չի բարեհաճել նորթատետրը  փակել, երբ հանդիպում է ունեցել մամուլի ներկայացուցիչների հետ, որ հայտարարի Վենեսուելայի նկատմամբ նոր պատժամիջոցների մասին: Այն պահին, երբ ԱՄՆ-ը ոչ լեգիտիմ է անվանում Մադուրոյի կառավարությունը և ճանաչում է իրեն նախագահի ժամանակավոր պաշտոնակատար հայտարարած Ազգային ժողովի նախագահ Խուան Գուայդոյի օրավասությունները, Բոլթոնի նոթատետրում հայտնվում է թիվ` «5000 զինծառայող` Կոլումբիա»:

Ֆրանս Պրեսի հարցմանը, թե ինչ է նշանակում ադ գրառումը, ԱՄՆ մի բարձրաստիճան պաշտոնյա ասել է, որ բավականաչափ տեղեկություններ չունի` թիվը հաստատելու համար: Ասուլիսի ժամանակ պատասխանելով Վենեսուեալայում ԱՄՆ հնարավոր ռազմական ներխուժման հարցին, Բոլթոնը հաստատել է անցյալ շաբաթ արված հայտարարությունը` բոլոր տարբերակները քննարկվում են:

Ասուլիսում ԱՄՆ նեերկայացուցիչը վենեսուելացի զինծառայողներին կոչ է արել խաղաղ ընդունել Մադուրոյի հեռանալը: Բոլթոնն օրինակ է բերել Վաշինգտոնում Վենեսուելայի ռազմական ատաշե, գնադապետ Խոսե Լուիս Սիլվային, որ կապերը խզել է Մադուրոյի կառավարության հետ և Մայամիում Վենեսուելայի փոխհյուպատոս Սկառլետ Սալասարին, որ հայտնել է իր աջակցությունը Խուան Գուայդոյին տեսաուղերձով: Մադուրոն մեղադրեց Բոլթոնին պետական հեղաշրջման դրդման մեջ:

ԱՄՆ-ի Հարավային բանակի հրամանատար, գեներալՄարկ Ստամերը Բոգոտա էր ժամանել` Կոլումբիայի հետ բարեկամությունն ու համագործակցությունն ամրապնդելու համար: Բացի այդ` նա հանդիպել է զինված ուժերի ու ոստիկանության նոր ղեկավարության հետ, քննարկել սահմանային իրավիճակի հարցերը: Գեներալի գալուստը կապված է քաղաքականության ու մարդու իրավունքների ոլորտում, միջազգային մարդասիրական իրավունքի ու օպերատիվ իրավունքի ոլորտում իրականացվող ծրագրի հետ, որ իրականացնելու է Կոլումբիայի զինված ուժերի հրամանատար Նիկասիո Մարտինեսը ռազմական հրամանատարների, բարձրագույն պաշտոնյաների ու ՊՆ նախարարի ներկայությամբ: Նիկասիո Մարտինեսի իրավասությունների շրջանակում են դաշնակից երկրների հետ համագործակցության ամրապնդման հարցերը և անվտանգության ու հավանական սպառնալիքներին դիմակայության հարցերում տարածաշրջանային քաղաքականության իրականացումը:

Վենեսուելայի նախագահ Նիկոլաս Մադուրոն ԱՄՆ նախագահ Դոնալդ Թրամփից պահանջել է «հանգիստ թողնել» իր երկիրը: ԱՄՆ-ից վերադարձած վենեսուելացի դիվանագետների հետ հանդիպման ժամանակ նա անցել է անգլերենի ու հատուկ ուղերձ հղել Թրամփին: «Դոնալդ Թրամփ, հեղաշրջում Վենեսուելայո՞ւմ: Ո՛չ: Not that way! ...Մի՛ խառնվիր Վենեսուելայի գործերին, hands off Venezuela! Immediately! (Ձեռքերդ հեռո՛ւ Վենեսուելայից, անհապա՛ղ)», - ասել է նա:

Մադուրոն PDVSA պետական նավթագազային ընկերության դեմ սահմանված ամերիկյան պատժամիջոցներն անվանել է անօրինական և հայտարարել. «Մենք կձեռնարկենք իրավական, քաղաքական, օպերատիվ, տեխնիկական, կոմերցիոն միջոցներ ԱՄՆ-ում և մեր հայրենիքում Վենեսուելայի շահերի պաշտպանության նպատակով»: Իրեն Վենեսուելայի ժամանակավոր նախագահ հռչակած Խուան Գուաիդոն հարցազրույցներից մեկում նշել է, որ արդեն զրուցել է ԱՄՆ նախագահի հետ: Ի պատասխան այն հարցի` քննարկել են Վենեսուելայում ստեղծված իրավիճակի ռազմական ճանապարհով լուծման տարբերակը, Գուաիդոն նշել է, որ ինքն այժմ կենտրոնացած է հումանիտար ծանր վիճակում գտնվող մարդկանց խնդրի վրա:

Անդրանիկ Հարությունյան

website by Sargssyan