Միրգն ու բանջարեղենը թանկացել են, անմասն չեն մնացել նաև առաջ... ՀԱՍԱՐԱԿՈՒԹՅՈՒՆ
Քանի դեռ ապավինում են պոպուլիզմին, վարկանիշն էլ շարունակաբար... ՎԵՐԼՈՒԾԱԿԱՆ
Երբ քաղաքականությունն իրավիճակային է և դեկլարատիվ հայտարարու... ՎԵՐԼՈՒԾԱԿԱՆ
«Իրավիճակը կարող է որոշակի ճգնաժամի հանգեցնել». վիրտուալ իր... ՀԱՐՑԱԶՐՈՒՅՑ
Ավելի շատ պաշտոնյաներ պարտավորված կլինեն հայտարարագրել. ՔԱՂԱՔԱԿԱՆ
Երևան, 22.Նոյեմբեր,
00
:
00
:
00
Փոխարժեք
478.65
$
560.79
Երկար ժամանակով լույս չի լինելու Երեւանում եւ 8 մարզերում Միրգն ու բանջարեղենը թանկացել են, անմասն չեն մնացել նաև առաջին անհրաժեշտության մի շարք ապրանքներ Նավթի համաշխարհային գները նվազում են Քանի դեռ ապավինում են պոպուլիզմին, վարկանիշն էլ շարունակաբար անկում է գրանցելու Հանրապետությունում կան փակ և դժվարանցանելի ավտոճանապարհներ Երբ քաղաքականությունն իրավիճակային է և դեկլարատիվ հայտարարությունների վրա հիմնված «Իրավիճակը կարող է որոշակի ճգնաժամի հանգեցնել». վիրտուալ իրականության վտանգը Խոշոր ու ողբերգական ավտովթար Երևանում. BMW-ն դուրս է եկել հանդիպակաց և հայտնվել բեռնատար ЗИЛ-ի տակ Ավելի շատ պաշտոնյաներ պարտավորված կլինեն հայտարարագրել. Նոր գաղտնի «քաղաքական» շարժում Ելույթ, որը շարունակություն կունենա Պուտինը կհանդիպի Ալիեւի կնոջ հետ Ազգային պատկերասրահն ու Ռումինիայի հայոց թեմի առաջնորդարանը համատեղ ծրագրեր կիրականացնեն Եղանակը Հայաստանում 2010-2019 թթ համեմատությամբ բանակում ինքնասպանությունների թիվը նվազման միտում չունի (ինֆոգրաֆիկա) Սահմանին ակտիվության սեզոնն ավարտին է մոտենում. փորձագետ

Բումերանգը վերադարձել է, իշխանությունն էլ՝ զարմացել

Ապատեղեկատվության և մեդիամանիպուլ յացիաների թեման իշխանությունների թեթև ձեռամբ արդեն քանի օր է՝ դարձել է տարատեսակ քննարկումների առարկա: Մեկնարկը տվեց վարչապետ Փաշինյանը, երբ խոսեց իշխանության դեմ տարվող մեդիապատերազմի մասին: Այնուհետ նրան միացան նաև իր գործընկերները, ԱԺ փոխխոսնակները, տարբեր պատգամավորներ. մի խոսքով, իշխանությունն ընդհանրապես բավական ներկայացուցչական կազմով:

Մեր նախորդ համարներում քանիցս խոսել ենք այն մասին, թե ինչ է իրենից ներկայացնում ապատեղեկատվությունը ժամանակակից աշխարհում, և ժամանակակից տեխնոլոգիաների պարագայում ինչքան անիմաստ է դրա դեմ դիմահար պայքարը: Միաժամանակ քանիցս նշել ենք, որ բնական ու ենթադրելի է, որ նախկին իշխանությունները փորձելու են հենց տեղեկատվության դաշտում պայքարել իշխանությունների դեմ, ու զարմանալ պետք չէ: 

Սակայն ինչպես նախորդ, այդպես էլ այս անգամ հարկ ենք համարում կրկնել, որ ընդհանրացնել և բացառապես մեկ դիտանկյունից տեսնել դաշտը մեթոդական սխալ է, որի վնասները կրելու է հենց իշխանությունը: Բացի այդ, այն, որ կա ապատեղեկատվություն, չի նշանակում, թե չպետք է կոնստրուկտիվ աշխատանք տանել տեղեկատվական դաշտի հետ: Ապատեղեկատվությունն ու մեդիամանիպուլ յացիաները օդից չեն սնվում: Նրանք ստեղծվում, միս ու արյուն են ստանում այն ժամանակ, երբ, դիցուք, իշխանությունը փակ նիստ է անում ԱԺ շենքում, այդ մասին որևէ մեկին չի ծանուցում, լրագրողներին շենք ներս չի թողնում, իսկ այնուհետ էլ չի ստեղծում որևէ պատշաճ ֆորմատ, որպեսզի նիստի մասնակիցներից մեկը լրագրողների հարցերին պատասխանի: Սա խնդրի տեխնիկական մասն է, ոչ պակաս կարևոր: Կարևոր այնքանով, որքանով որ նույնիսկ այս տեխնիկական պարզ թվացող մանրուքները անտեսվում են:

Բայց խնդիրն, իհարկե, ունի նաև ավելի ընդհանուր, քաղաքական կողմ: Ապատեղեկատվությունը, մեդիամանիպուլ յացիաները, իսկ ընդհանուր առմամբ դավադրության տեսությունները, միֆերը եղել են հայաստանյան ընդդիմադիր դիսկուրսի սիրելի զբաղմունքը բավական երկար տարիներ: Դրանք արտահայտվել են Ալեքսանդր Սարգսյանի ամենազորության մասին պատումներով, տնտեսության մեջ 70 տոկոսից ավելի եղած ստվերի մասին անդադար հայտարարություններով, ապրիլ յան պատերազմում հայկական կողմին պարտություն վերագրելով: Մի խոսքով՝ հիմնվելով այն հանգամանքի վրա, որ նախորդ իշխանությունը մի կողմից լեգիտիմության դեֆիցիտ ուներ, մյուս կողմից էլ արդյունավետ չէր, նրա ընդդիմախոսները, այսինքն նաև ներկայիս իշխանությունները տարատեսակ մեծ և փոքր խնդիրներ ուռճացրել են, դարձրել իռացիոնալ, հասցրել ժողովրդական ֆոլկլ յորի, միֆի և դավադրապաշտության մակարդակի և դրանով ողողել մեդիադաշտը, ավելին՝ դա դարձրել քաղաքական հռետորաբանության հիմնական ուղղություն:

Եվ հիմա, այդ բումերանգը հետ է եկել: Ու իշխանությունները զարմացել են, որ հետ է եկել, որ իրենց դեմ մարդիկ խոսում են նույն լեզվով, որով իրենք էին խոսում տարիներ շարունակ: Իսկ զարմանալու բան չկա: Ավելին՝ եթե նախկինում այդ մանիպուլ յացիոն և իռացիոնալ ոճը դիտվում էր բացառապես որպես ընդդիմության «փեշակ», ապա հիմա այն համարվում է հաջողության գրավական, քանի որ «փեշակի» կրողները եկել են իշխանության: Ու ենթադրելի է, որ նրանց մրցակիցները օգտվելու են այն խաղի կանոններից, որոնք սահմանել է իշխանությունը, և որոնք դուր են եկել նաև հասարակությանը: Պատահական չէ, որ, օրինակ, «Լուսավոր Հայաստանի» պատգամավորներն այցելում և իրենց աջակցությունն են հայտնում Արայիկ Հարությունյանի հետ լեզվակռվի մեջ մտած քահանային: Դա նրանք վստահաբար չեն անում գաղափարական մղումներից ելնելով: Պարզապես, ինչպես նախկինում, այդպես էլ հիմա ընդդիմությունը հայտնվում է այնտեղ, որտեղ կա իշխանության դեմ բողոք, ցանկացած տիպի և որակի բողոք: 

ԼԵՎՈՆ ՄԱՐԳԱՐՅԱՆ

 

website by Sargssyan