Ծաղկաձորում հանգիստը մի քանի անգամ ավելի էժան է
ՀԱՍԱՐԱԿՈՒԹՅՈՒՆmir24.tv–ն «Էքստրիմ բարձրության վրա. Ծաղկաձորում բացվել են դահուկուղիները» վերնագրով հոդվածում գրում է, որ Հայաստանը զբոսաշրջիկների համար հայտնություն է ոչ միայն ամռանը, այլ նաև ձմռանը: Օրինակ, ձմռանը Ծաղկաձոր են գնում ադրենալինի և էքստրեմալ սպորտի սիրահարները: Առողջարանային քաղաքը գտնվում է մայրաքաղաքից ընդամենը 60 կմ հեռավորության վրա՝ Թեղենիս լեռան ստորոտում: Լեռան բարձրությունը մոտավորապես երեք հազար (2819) մետր է, իսկ նրա լանջերին էքստրեմալ դահուկուղիներ են: Զբոսաշրջիկները գալիս են այստեղ լեռնադահուկային սպորտով և սնոուբորդով զբաղվելու համար: Այստեղ հանգիստը մի քանի անգամ ավելի էժան է, քան եվրոպական հանգստավայրերում: Մեկ զբոսաշրջիկի համար լանջի վրա օրն արժենում է 50 դոլար: Այդ գինը իր մեջ ներառում է ճոպանուղուց օգտվելը, լեռնադահուկային գույքի և սարքավորումների համար վարձույթի արժեքը: Չպետք է մոռանալ նաև հրաշալի բնության և մաքուր օդի մասին: Այստեղ հեշտ է նաև կազմակերպել հանգիստ երեխաների հետ: Ծաղկաձորում կարելի է հանդիպել նաև հայտնի մարդկանց: Ծաղկաձորի լեռնադահուկային սեզոնը տևում է մինչև փետրվարի վերջը:
Կամո Խաչիկյան