3 միլիոն ՀՀ դրամ, «MERCEDES–BENZ E 220». Հերիքնազ Տիգրանյանի... ՔԱՂԱՔԱԿԱՆ
Արդյո՞ք միայն Սաշիկը... ՎԵՐԼՈՒԾԱԿԱՆ
«Մեր եկեղեցու դեմ աղմուկ բարձրացնողները դեմ են նաև բարոյական... ՀԱՐՑԱԶՐՈՒՅՑ
Արմեն Սարգսյանի երկակի կարգավիճակը. իրականության մեջ դերակատ... ՎԵՐԼՈՒԾԱԿԱՆ
Տասն ամիս անց. քայլե՞ր, թե՞ արդարացումներ ՎԵՐԼՈՒԾԱԿԱՆ
Երևան, 21.Փետրվար,
00
:
00
:
00
Փոխարժեք
478.65
$
560.79
Ջրային սկանդալ է հասունանում Նիկոլ Փաշինյանը նոր նշանակում է արել 3 միլիոն ՀՀ դրամ, «MERCEDES–BENZ E 220». Հերիքնազ Տիգրանյանի հայտարարագիրը Կիևում կայացել է Ուկրաինայի հայերի միության նախագահի և Հայաստանի նոր դեսպանի հանդիպումը Օճառի օգնում է գիշերը հանգիստ քնելուն ահա թե ինչպես.... «Հավանաբար դեռ բավական ժամանակ երկար փողերի ինստիտուտ չենք կարողանա ձևավորել» Դահուկասպորտը՝ ՀԱՕԿ-ի մշտական ուշադրության կենտրոնում Հարսանիքից հետո տղամարդը շոկի մեջ էր Ամեն մի նորը վաղուց մոռացված հինն է Կառավարության նիստի օրակարգում 30 հարց է, որից 19-ը՝ չզեկուցվող (ուղիղ) Արդյո՞ք միայն Սաշիկը... Նոր իրավիճակ, նոր կուսակցություններ. քաղաքական տրամադրությունների գեներացման վակուումի արդյունքները Կոկա կոլան և նրա արատասովոր հատկությունները «Մեր եկեղեցու դեմ աղմուկ բարձրացնողները դեմ են նաև բարոյական արժեքներին ու օրենքներին» Նոր Հաճնի կամրջի տակ 25-ամյա երիտասարդի դի է հայտնաբերվել Բուհերի խորհուրդների՝ ձևական բնույթից բովանդակային դաշտ անցնելու ճանապարհը Արմեն Սարգսյանի երկակի կարգավիճակը. իրականության մեջ դերակատարությունը սիմվոլիկ չէ Ռուբլին վաճառվում է 7.70 դրամ, եվրոն՝ 561 դրամ առավելագույն փոխարժեքով Հարցաքննությունների կուլիսային «կուրատորը» Թունավորվել են գազի կաթսայից շմոլ գազի արտահոսքի հետևանքով

Կարեն Սարգսյան. «Սխալ մարդիկ են նշանակված, որոնք սխալ քայլեր են անում»

Կառավարության ճանապարհային քարտեզը, որպես այդպիսին, արդեն հաստատվել է: Պարզ է նաև, որ այն իներցիոն է: Կառավարությունն այստեղ առանձնապես մանևրելու տեղ չունի՝ ինչ կա, դա է: Այսինքն՝ բյուջեն կա և այդ բյուջեի շրջանակներում պետք է տեղավորվի: Ներքաղաքական մի շարք հարցերի, իշխանության աշխատանքի ու կառավարության ծրագրի շուրջ խոսելով՝ մեզ հետ զրույցում նման տեսակետ հայտնեց սոցիոլոգ Կարեն Սարգսյանը: Նա շեշտեց, որ այլ հարց է այն, որ ապագայում կառավարությունը գործընկերներից կարող է ինչ–որ աջակցություն ստանալ, որը թույլ կտա որոշ հարցեր մի քիչ ավելի ակտիվ լուծել:

Ըստ Կարեն Սարգսյանի, կառավարության կառուցվածքի փոփոխության նախագծին դրական կամ բացասական վերաբերվելու ոչ մի իմաստ չկա, որովհետև նման փոփոխության գնալու հանգամանքը հայտարարված է եղել: Սակայն, նրա խոսքով, բացի դժգոհություններից, մեկ այլ հարց կա. «Արդյո՞ք բավականաչափ պրոֆեսիոնալ են կառավարության այն անդամները, որոնք հիմա զբաղվելու են այդ ոլորտներով»:

Սոցիոլոգը շեշտեց՝ ընդհանուր առմամբ, բազմաթիվ հարցեր կան. «Իրենք ունեն ինչ– որ իդեաներ և դրանք փորձում են իրականացնել, բայց այս պահին գնահատականը 3 է: Այն, ինչ ասում էի ամիսներ առաջ, մինչև հիմա շարունակվում է: Այսինքն՝ պատրաստ չեն այս ծանրության բեռը վերցնել: Լավ չեն պատկերացնում: 2019թ. ավարտին բավականին ժամանակ կա, բնականաբար, իրենք դաշտում փորձ են հավաքելու՝ մեր հաշվին»: Այդ համատեքստում սոցիոլոգը խնդրահարույց է համարում մի շարք որոշումներ: Նա ԵՊՀ գիտաշխատողների օրինակը բերեց, որոնք ծանուցումներ էին ստացել, որ լուծվելու է իրենց հետ կնքված աշխատանքային պայմանագիրը. «Այս հարցը վարչապետի մակարդակի հարց է, որովհետև գիտությունից այդքան մարդ հեռացնելը հսկայական արձագանք է ենթադրում ուղեղների արտահոսքի համատեքստում: Կրթության և գիտության ոլորտը վստահել մի մարդու, որն ընդհանրապես հեղինակություն չունի այդ ոլորտում, արդեն վատ էր: Իսկ հետո թույլ տալ, որ այդ ոլորտում նմանատիպ մեծ արձագանք ունեցող երևույթներ լինեն, դա էլ է խայտառակություն: Մեծ հաշվով՝ կառավարությունը դեռևս պոզիտիվ բաներ չի անում: Հասարակական կարծիքի տեսանկյունից որևիցե պոզիտիվ բան չկա: Թիրախային նեգատիվ բաներ են արվում ու ոչ թիրախային ինչ–որ բաներ՝ բոլորի համար, իբրև թե պրոլետարիատի համար լավ է»:

Ինչ վերաբերում է վերջին շրջանում կադրային մի քանի փոփոխություններին, աշխատանքից ազատվող պաշտոնյաներին ու կադրային քաղաքականության վերանայման հնարավորությանը, Կ. Սարգսյանը նշեց. «Խնդիրը հետևյալն է. քանի որ ի սկզբանե ինչ–որ կորիզ չի եղել, որը տնտեսական և սոցիալական բլոկը ունակ է կառավարել, պարզ է, որ ինչ–որ մարդիկ գնալու, ինչ–որ մարդիկ գալու են: Իհարկե, խնդիրներ կան նաև ներսում և այդ ներքին կոնֆլիկտները շարունակվելու են: Օրինակ՝ տնտեսական զարգացման նախարարությունն ու գյուղատնտեսության նախարարությունը իրար միացնելը ինքնին ֆանտաստիկ բան է, որովհետև գյուղնախը, որպես այդպիսին, հնից, սովետից մնացած ինչ–որ ստրուկտուրա է: Եթե այդ տրամաբանության մեջ ենք դիտարկում, ապա գյուղնախն այդ նախարարության մեջ զբաղվելու է ներդրումներով: Որպեսզի հիմա գյուղատնտեսության ոլորտը կառավարությունը սարքի նեդրումային, ստացվում է, որ կոնֆլիկտի մեջ են մտնում բազմաթիվ մարդկանց հետ, որոնք գյուղատնտեսության ոլորտը սուբսիդավորված են տեսնում: Նրանք ունեն հետևյալ մոտեցումը՝ «այս գյուղում կարկուտը 10 ծառ է ծեծել, եկեք 10 միլիոն հատկացնենք այս գյուղին», բայց հետո պարզվում է, որ գյուղին 10 հազար դրամ է հատկացվել»:

Նրա խոսքով, այս ներքին կոնֆլիկտների հնարավորությունը վերաբերում է բոլոր ոլորտներին. «Կառավարությանն առաջին իսկ օրվանից ասել եմ՝ չի կարելի այդ դիլետանտ ճանապարհով գնալ: Պետք է մտածես՝ ինչ ես անում, հարցը կոնտեքստի մեջ նայես, բայց չեն նայել: Որոշումները կետային են, առանց ընդհանուր իրավիճակի վերլուծության: Յուրաքանչյուրը մի որոշում է կայացնում, կոնֆլիկտներ են առաջանում, ու մարդիկ սկսում են դուրս գալ աշխատանքից, և վստահությունը կորչում է, ո՛չ այն է լավ ստացվում, ո՛չ այս: Ժողովրդավարական ինստիտուտների տեսանկյունից սա նորմալ պրոցեդուրա է: Դա նշանակում է, որ մյուս ընտրություններին «Իմ քայլը» դաշինքն ինչքան էլ կաշի փոխի, չպետք է 30 տոկոսից ավելի հավաքի»:

Ինչ վերաբերում է ժամանակին, Կարեն Սարգսյանը նկատում է. «Եթե մարդը ոչ պրոֆեսիոնալ դիլետանտ է, իր համար ինչքան էլ ժամանակ լինի, միևնույն է, այն քիչ է լինելու: Ես նաև պետական համակարգում աշխատելու իմ փորձից եմ ասում՝ ամեն ինչ կարելի է երկու ամսվա ընթացքում անել: Ամենակարևորը քաղաքական կամքի, ինչպես նաև մասնագետներին կանչելու խնդիրն է: Օրենսդրական փոփոխությունները կարող են և երկար տևել, բայց կետային ցանկացած կոնկրետ խնդիր 2–3 ամսվա մեջ կարելի է լուծել: Այնպես որ, հարցն այստեղ ժամանակը չէ, հարցն այն է, որ հումանիտար կրթություն ունեցող մարդիկ փորձում են կառավարել ամեն ինչ: Սա է դժվարը, և սա գրեթե անհնար է»:

Նրա խոսքով՝ կարող էին ժամանակին հաշվարկել և չանել այն սխալները, որոնք հիմա են անում: «Հիմա սխալներ կատարելով՝ առաջ են գնում: Խնդիրն այն է, որ այժմ իրենք ժամանակ, փող, վարկանիշ, վստահություն են կորցնում, ընդ որում՝ ոչ միայն այստեղ, այլևս՝ դրսում: Խոսքը հայտարարված հիմնական ուղղու՝ ժողովրդավարական ինչ–որ բարեփոխումների, տնտեսական արդարության, կոռուցպիայի դեմ պայքարի մասին չէ: Սրանք ամբողջովին իրականացվելիք հանգամանքներ են: Խնդիրն այն է, որ կետային ոլորտներում սխալ մարդիկ են նշանակված, և այդ սխալ մարդիկ սխալ քայլեր են անում: Եվ, չգիտես ինչու, այդ մարդկանց դիմաց ոչ ոք չի դնում այդ սխալները: Կամ էլ դրվում է ինչ–որ փակ ժողովներում, ինչը վերածվում է հանրապետականի հին մոդելի: Այսինքն, երբ մեկն ինչ–որ սխալ, վատ բան է արել, հնարավոր է՝ իրեն կուսակցության ներսում կանչում, հաթաթա են տալիս, բայց մարդկանց չեն ասում, որ տվել են: Այստեղ ուրիշ հարց էլ կա, այնտեղ, երևի, բացի Նիկոլից, ոչ ոք չի հասկանում, որ իրենք, կոպիտ ասած, պատասխանատու են մեր առջև»,–եզրափակեց Կարեն Սարգսյանը:

 

ԱՆՆԱ ԲԱԴԱԼՅԱՆ

website by Sargssyan