2019 թվականի առաջին կիսամյակում 98 վարորդներ ոչ սթափ վիճակու... ՀԱՍԱՐԱԿՈՒԹՅՈՒՆ
ՀՀ քաղաքացու համար վերացվել է ՌԴ մուտք գործելու արգելքը․ ՄԻՊ... ՔԱՂԱՔԱԿԱՆ
Հակառակորդը հրադադարի ռեժիմը մեկ շաբաթվա ընթացքում խախտել է ... ՀԱՍԱՐԱԿՈՒԹՅՈՒՆ
ՌԴ-ն չի հանձնի Միհրան Պողոսյանին. Դատախազություն ՔԱՂԱՔԱԿԱՆ
Վանաձոր-Ալավերդի-Բագրատաշեն ճանապարհահատվածը բեռնատարների հա... ՀԱՍԱՐԱԿՈՒԹՅՈՒՆ
Երևան, 17.Օգոստոս,
00
:
00
:
00
Փոխարժեք
478.65
$
560.79
Արայիկ Ղազարյանի զորամասում քննություն է իրականացվում. Արծրուն Հովհաննիսյան Եղանակը Հայաստանում. ջերմաստիճանը կայուն է 2019 թվականի առաջին կիսամյակում 98 վարորդներ ոչ սթափ վիճակում վարելու համար զրկվել են վարորդական իրավունքից Ոսկեպար-Բաղանիս ճանապարհը փակ է լինելու. իրականացվելու են պայթեցման աշխատանքներ Ցավոք, շատ դեպքերում մենք կորցնում ենք ռացիոնալությունը. Նիկոլ Փաշինյան Բացվել է ՀՀ վաստակավոր նկարիչ Վլադիմիր Աբրահամյանի ստեղծագործությունների ցուցահանդեսը Հայ գործարարը մտադիր է Հայաստանում թանկարժեք՝ ամսական 2000 դոլարանոց ծերանոց բացել Վարչապետի նշած երկու՝ «եթե՝ ապա» տարբերակները ոգևորել են որոշ անձանց «Չարը խափանվեց». Փաշինյանը թափեց խնձորի չիպսը Սերժը պատրաստ է նստել. Սերժը նստելու է ժողովրդի խաթր. Արմեն Աշոտյան Թուրքիայում հայտարարել են, որ հավանաբար գտել են Վրաստանի Թամար թագուհու թոռնուհու գերեզմանը Նյու Յորքում աշխատանքից ազատել են օդանավակայանի անվտանգության աշխատակցին, որը ճանապարհորդին այլանդակ է անվանել

Վիճակագրության դառը լեզուն

Նիկոլ Փաշինյանը հաճախ է սկսել ֆեյսբուքյան իր էջում հրապարակել վիճակագրական տվյալներ, որոնց միջոցով փորձում է արձանագրել նոր իշխանությունների՝ այս կամ այն ոլորտում ունեցած ձեռքբերումները: Վիճակագրությունն, անշուշտ, կարևոր չափանիշ է կառավարությունների արդյունավետությունը ստուգելու համար: Բայց միաժամանակ նույն վիճակագրական տվյալները բավական հեշտ կարելի է մանիպուլացնել, ինչ–որ թիվ ներկայացնել այլ կերպ, մեկ այլ թիվ՝ բոլորովին այլ: Միաժամանակ շատ կարևոր է վիճակագրության կոնտեքստը: Եվ հենց այստեղ է, որ Փաշինյանի վիճակագրական հրապարակումները բավական դառը տպավորություն են թողնում: Հասարակությունը դրանք կա՛մ չի ընկալում, կա՛մ ընկալում է բոլորովին այլ կերպ, քան հրապարակողը կցանկանար: 

Այդ ընկալման պատճառը պարզ է: Հասարակությունը սովորել է, որ նախորդ իշխանություններն էին խոսում վիճակագրության ու բարդ տերմինների լեզվով, այնինչ իրական կյանքում շոշափելի փոփոխություններ չէին զգացվում: Ցանկացած հասարակական դժգոհություն ու բողոք հանդիպում էր վիճակագրական ինչ–որ տվյալների մեջբերման, արդյունքում այդ վիճակագրական լեզուն ասոցացվում էր իշխանության հռետորաբանության հետ: Մյուս կողմից՝ տարիներ շարունակ ընդդիմությունները պնդում են, որ իշխանությունները կեղծում կամ մանիպուլացնում են վիճակագրական տվյալները: Իշխանափոխությունից հետո, կարծես թե, չկա վիճակագրությանը չվստահելու առիթ: Բայց անփոփոխ մնացած վիճակագրական ծառայության կազմը, ինչպես նաև փորձագետներից շատերի ահազանգերը, որ հնչեցվող տվյալներն առնվազն կիսատ են, թույլ են տալիս ենթադրել, որ այս հարցում դեռևս խնդիր կա, վստահության խնդիր:

Պատահական չէ, որ Փաշինյանի վիճակագրական հրապարակումների մեկնաբանությունները բավական նեգատիվ տոնայնությամբ են: Հետաքրքիր է նաև այդ մեկնաբանությունների բովանդակությունը, որի հիմնական առանցքն այն է, թե քաղաքացիները վիճակագրության և իրականության մեջ կապ չեն տեսնում: Հետևաբար վիճակագրությունը, որպես պաշտոնական հռետորաբանություն, լավ կլիներ համապատասխաներ իրականությանը: Կամ էլ իշխանությունը պետք է հրաժարվի այս լեզվամտածողությամբ հաղորդակցվելուց, այլապես ոչ միայն կարող է ասոցացվել նախկինների հետ, այլ հայտնվել աններդաշնակության տիրույթում, երբ իշխանությունը մի բան է տեսնում ու խոսում, հասարակությունը՝ լրիվ այլ: 

website by Sargssyan