Ի վեր­ջո, քա­նի՞ մարդ կմնա գործազուրկ «նոր Հայաստանում» ՎԵՐԼՈՒԾԱԿԱՆ
«Հեղափոխություն» նաև հեռուստահեռարձակման ոլորտո՞ւմ ՔԱՂԱՔԱԿԱՆ
Գրոհում է իշխանության «սորոսական» գվարդիան ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (24 ԱՊՐԻԼԻ). Հա­յոց ցե­ղաս­պա­նու­թյան զո... ՀԱՍԱՐԱԿՈՒԹՅՈՒՆ
Որքանո՞վ են ավելացել ԶՈՒ գլխավոր շտաբի պետի դրամական միջոցները ՀԱՍԱՐԱԿՈՒԹՅՈՒՆ
Երևան, 25.Ապրիլ,
00
:
00
:
00
Փոխարժեք
478.65
$
560.79
Հայկ Մալխասյանն ազատվել է վարչապետի աշխատակազմի իրավաբանական վարչության պետի պաշտոնից ԵԶԲ-ն դադարեցնում է «Սպայկա» ընկերությանը վարկ տրամադրելու գործընթացը «Արարատցեմենտ» ՓԲԸ հայտարարություն է տարածել ՊՎԾ պաշտոնյա Սամվել Ադյանն ազատ արձակվեց «Կենտրոն» ՔԿՀ-ից Հայոց ցեղասպանության անմեղ զոհերի հիշատակին նվիրված միջոցառում` «Նարեկացի» արվեստի միությունում ԱԱԾ տնօրենը, ոստիկանապետը, Երեւանի քաղաքապետը ԱԺ-ում ակտիվ կմասնակցեն բյուջեի քննարկումներին. Փաշինյան «Արարատցեմենտ»-ի խնդիրը ոչ թե բիզնես շահն է, այլ աշխատատեղերի հարցը. Իվետա Տոնոյան (տեսանյութ) ՀԱՕԿ գլխավոր քարտուղար Հրաչյա Ռոստոմյանի անդրադարձը Կոտայքի մարզպետ Ռոմանոս Պետրոսյանի արած հայտարարությանը Միհրան Պողոսյանը քաղհալածյալ չէ, Հայաստանում քաղհալածյալներ չկան․ Միքայել Մելքումյան Մեր համալսարաններն այլևս չպետք է լինեն քաղաքական գործիք. Փաշինյան (տեսանյութ)

Ավիաընկերության սնանկության պատճառով մոտ 260 հազար մարդ է տուժել, այդ թվում՝ հայեր

Հունիսին հայաստանյան ավիաշուկա մուտք գործած գերմանական «Germania Airlines» ընկերությունն այս տարվա փետրվարի 5–ին հայտարարեց սնանկության մասին: Դրա արդյունքում ողջ աշխարհում չեղարկվեցին ավիաընկերության կողմից իրականացվող բոլոր չվերթները, իսկ ուղևորները հայտնվեցին անորոշության մեջ:

Այս հայտարարությունից հետո պարզ էր, որ չեղարկվելու էին նաև Բեռլին–Երևան ավիաչվերթները, որի պատճառով ավելի վաղ ավիատոմս ձեռք բերած մեր քաղաքացիները նույնպես կանգնեցին փաստի առաջ: Ընկերության հայաստանյան պաշտոնական գործընկեր «Sidon Travel» ընկերությունը սնանկության հայտարարությունից հետո իր ֆեյսբուքյան էջում պաշտոնապես հայտարարել էր, որ այն ավիատոմսերի համար, որոնք գնվել են անմիջապես իրենց գրասենյակից կամ իրենց գործընկեր (ենթագործակալ) ընկերություններից, ընկերության միջոցների հաշվին հետ են վերադարձնելու տոմսի ողջ գումարը։ 

«Sidon Travel»–ի կողմից տարածած հայտարարության մեջ ասվում էր, որ այն ուղևորները, որոնք օնլայն կայքերից և գերմանական տուրիստական ընկերություններից են գնել ավիատոմսերը, պետք է դիմեն այդ նույն ընկերություններին: 

«Օնլայն գնորդներին խորհուրդ ենք տալիս նաև դիմել այն բանկերին, որոնց քարտով են վճարումը կատարել: Ներկայացնելով սնանկության փաստարկը՝ նրանք բանկից կարող են պահանջել, որպեսզի իրենց գումարը հետ կանչվի բանկի կողմից»,– ասված էր պարզաբանման մեջ:

Պարզելու համար, թե «Germania Airlines» ընկերության սնանկության մասին հայտարարությունից օրեր անց արդեն պա՞րզ է դարձել, թե ո՞վ ինչքա՞ն է տուժել, կամ արդյո՞ք բոլոր ուղևորների տոմսերի գումարներն են հետ վերադարձվել, «Փաստը» զրուցեց «Sidon Travel»–ի տնօրեն Լիլիթ Գևորգյանի հետ:

«Այդ ամեն ինչի արդյունքում տուժել է նաև մեր ընկերությունը, բայց որոշում ենք կայացրել, որ ընկերության սեփական միջոցների հաշվին վերադարձնենք այն մարդկանց գումարները, որոնք տոմսերը գնել են մեզ մոտից կամ մեր գործընկեր հայկական տուրիստական ընկերությունների կողմից: Այսինքն, ովքեր հայկական ընկերություններից են տոմս գնել, իրենց տոմսի գումարը հետ են ստանալու և այդ ամենն արվելու է մեր ընկերության ֆինանսական միջոցների հաշվին»,– ասաց Լ. Գևորգյանը:

Նա նաև նշեց, որ իրենք որևէ փոխհատուցում դրա դիմաց չեն ստացել «Germania Airlines» ավիաընկերության կողմից և, մեծ հաշվով, հույս էլ չունեն, որ ինչ–որ բան կստանան: Ինչ վերաբերում է կոնկրետ թվաքանակին, ապա նա դժվարացավ ասել, թե այս պահին արդեն քանի ուղևոր է իր գումարը հետ ստացել, քանի որ գործընթացը դեռևս ավարտված չէ և դժվար է ասել, թե ևս քանի օր կշարունակվի:

«Այդ պրոցեսը գրեթե մոտենում է ավարտին, սակայն այս պահին կոնկրետ ինֆորմացիա տրամադրել չեմ կարող, քանի որ դեռ վերջնական հաշվարկներ չեն կատարվել: Մեր հաշվարկներով, մեծ մասն արդեն դիմել և ստացել է իր գումարը: Ուղևորների մի մասի էլ տոմսն ենք փոխել: Ինչ վերաբերում է ընդհանուր տուժածներին, ապա գիտեմ միայն, որ «Germania Airlines» ավիաընկերության սնանկության պատճառով ողջ աշխարհում ընդհանուր առմամբ մոտ 260 հազար մարդ է տուժել»,– ասաց Լ. Գևորգյանը: 

Նա նշեց նաև, որ թեև «Germania Airlines» ավիաընկերությունն արդեն իսկ հայտարարել է, որ որևէ ուղևորի փոխհատուցում չի տրամադրելու, սակայն ավիաընկերության հայաստանյան գործընկեր «Sidon Travel»–ի տնօրեն Լ. Գևորգյանը վստահեցրեց, որ իրենց հաճախորդներին վերադարձվող գումարից իրենք պահումներ չեն արել, այլ ամբողջությամբ հետ են վերադարձրել: 

«Ի դեպ, վերադարձվում են ոչ միայն հաճախորդների, այլև մեր գործընկեր հայկական տուրիստական ընկերությունների գումարները, որոնք մեր ընկերությունից էին Գերմանիայի տոմս գնում: Այդ ընկերությունների գումարի վերադարձը ևս մենք արդեն սկսել ենք: Ինչ վերաբերում է օնլայն տարբերակով ձեռք բերված տոմսերին, ապա այդ գումարի վերադարձի համար հարկավոր է դեռ սպասել, քանի որ մեր բանկային համակարգում թեև նման գործառույթ կա, սակայն գործընթացը Հայաստանում 45–ից 60 օր է տևում: Արտերկրի բանկերից գումարի հետ վերադարձի մասին մենք հստակ տեղեկություն ունենք: Գերմանիայում բնակվողներն, ովքեր գերմանական բանկային քարտերով են օնլայն տոմս գնել, կարողացել են գումարի մի մասը հետ կանչել: Սակայն նշեմ, որ դրական արդյունքը կախված է մի շարք գործոններից, թե ե՞րբ է տոմսը գնվել, ի՞նչ տեսակի բանկային քարտով, դրանից քանի՞ օր է անցել և այլն: Այսինքն, մենք միանշանակ չենք կարող ասել, որ այս տարբերակով գնված ավիատոմսերի բոլոր գումարները հետ կվերադարձվեն: Բայց դա միջոց է, որը կարելի է փորձել, որը միգուցե ստացվի, միգուցե՝ չստացվի: Ուստի, ովքեր դիմել են մեզ, անկախ նրանից, թե որտեղից են տոմսը ձեռք բերել, բոլորին փորձել ենք օգնել»,– ասաց Լ. Գևորգյանը:

«Sidon Travel»–ի տնօրենը նշեց նաև, որ «Germania Airlines» ավիաընկերության հետ իրենց շփումներն այսքանով չեն ավարտվելու: Դեռ առջևում դատական պրոցեսներ կան, որոնք, անկախ ելքային արդյունքներից, պետք է անպայման իրականացվեն: Ու թեև քիչ հույս ունեն, որ կկարողանան իրենց կորցրած գումարները հետ ստանալ, սակայն դա քայլ է, որը պետք է իրականացնեն:

Ինչ վերաբերում է Հայաստանից Գերմանիա և հակառակ ուղղությամբ ուղիղ չվերթներ իրականացնելուն, ապա Լ. Գևորգյանը նշեց, որ այդ ուղղությունը բավականին հետաքրքրություն էր առաջացրել ուղևորների շրջանում: Ուստի, հաշվի առնելով դա, միանշանակ փորձելու են նույն ուղղությունը սպասարկող մեկ այլ գործընկեր գտնել:

 

ԱՐՄԻՆԵ ԳՐԻԳՈՐՅԱՆ

website by Sargssyan