Արդյունավետության և պատասխանատվության սահմանները ՎԵՐԼՈՒԾԱԿԱՆ
3 միլիոն ՀՀ դրամ, «MERCEDES–BENZ E 220». Հերիքնազ Տիգրանյանի... ՔԱՂԱՔԱԿԱՆ
Արդյո՞ք միայն Սաշիկը... ՎԵՐԼՈՒԾԱԿԱՆ
«Մեր եկեղեցու դեմ աղմուկ բարձրացնողները դեմ են նաև բարոյական... ՀԱՐՑԱԶՐՈՒՅՑ
Արմեն Սարգսյանի երկակի կարգավիճակը. իրականության մեջ դերակատ... ՎԵՐԼՈՒԾԱԿԱՆ
Երևան, 21.Փետրվար,
00
:
00
:
00
Փոխարժեք
478.65
$
560.79
Արդյունավետության և պատասխանատվության սահմանները Մահվան գոտի կրող ահաբեկիչն իրեն պայթեցրել է Ջրային սկանդալ է հասունանում Նիկոլ Փաշինյանը նոր նշանակում է արել 3 միլիոն ՀՀ դրամ, «MERCEDES–BENZ E 220». Հերիքնազ Տիգրանյանի հայտարարագիրը Կիևում կայացել է Ուկրաինայի հայերի միության նախագահի և Հայաստանի նոր դեսպանի հանդիպումը Օճառի օգնում է գիշերը հանգիստ քնելուն ահա թե ինչպես.... «Հավանաբար դեռ բավական ժամանակ երկար փողերի ինստիտուտ չենք կարողանա ձևավորել» Դահուկասպորտը՝ ՀԱՕԿ-ի մշտական ուշադրության կենտրոնում Հարսանիքից հետո տղամարդը շոկի մեջ էր Ամեն մի նորը վաղուց մոռացված հինն է Կառավարության նիստի օրակարգում 30 հարց է, որից 19-ը՝ չզեկուցվող (ուղիղ) Արդյո՞ք միայն Սաշիկը... Նոր իրավիճակ, նոր կուսակցություններ. քաղաքական տրամադրությունների գեներացման վակուումի արդյունքները Կոկա կոլան և նրա արատասովոր հատկությունները «Մեր եկեղեցու դեմ աղմուկ բարձրացնողները դեմ են նաև բարոյական արժեքներին ու օրենքներին» Նոր Հաճնի կամրջի տակ 25-ամյա երիտասարդի դի է հայտնաբերվել Բուհերի խորհուրդների՝ ձևական բնույթից բովանդակային դաշտ անցնելու ճանապարհը Արմեն Սարգսյանի երկակի կարգավիճակը. իրականության մեջ դերակատարությունը սիմվոլիկ չէ Ռուբլին վաճառվում է 7.70 դրամ, եվրոն՝ 561 դրամ առավելագույն փոխարժեքով

Անցում ենք կատարում ներառական տնտեսական աճի մոդելին. մեծաթիվ քաղաքացիներ պետք է մասնակից լինեն տնտեսությունում գեներացվող հավելյալ արժեքի ստեղծմանը․ Տ. Ավինյան

ՀՀ կառավարության ծրագիրը հեղափոխական է, իր մեջ ներառականություն է պարունակում։ Այսօր ԱԺ-ում լրագրողների հետ զրույցում նման հայտարարություն արեց փոխվարչապետ Տիգրան Ավինյանը։

Ըստ նրա՝ կառավարության ծրագիրն ամբողջությամբ փոխում է տնտեսական մոդելը: «Անցում ենք կատարում ներառական տնտեսական աճի մոդելին, որը ենթադրում է, որ ՀՀ մեծաթիվ քաղաքացիներ պետք է մասնակից լինեն ՀՀ տնտեսությունում գեներացվող հավելյալ արժեքի ստեղծմանը: Սա է հիմնական փոփոխությունը, որը տեղի է ունեցել նախկին կառավարության ծրագրի համեմատ, ու սա հեղափոխական փոփոխություն է: Կարծում եմ՝ այդ փոփոխությունը չտեսնել ուղղակի հնարավոր չէ»,- ասաց նա։

Ինչ վերաբերում է հարցին, թե գործնականում քաղաքացիների մասնակցությունն ինչպե՞ս են պատկերացնում տնտեսական հեղափոխությանը, քանի որ իշխանության խոսքից ենթադրվում է, որ  քաղաքացիների վրա է մնում տնտեսական հեղափոխություն անելը, Ավինյանը պատասխանեց, թե այս գործում յուրաքանչյուր սուբյեկտ ունի պատասխանատվության իր չափաբաժինը.

«Կառավարության պատասխանատվությունն է, որ ստեղծի այնպիսի մեխանիզմներ, ինստիտուտներ, որ ՀՀ քաղաքացիները հնարավորություն ունենան մասնակցելու տնտեսական աճին, ու այդ հնարավորությունների ինստիտուտների ստեղծումը կառավարության պարտավորությունն է: Երբ զուգահեռներ են տարվում քաղաքական հեղափոխության հետ, այն ժամանակ մենք ի՞նչ էինք ասում, ասում էինք, որ հնարավոր է դա իրականացնել, բայց իրականացնողը մենք չենք, քաղաքական ուժը չի լինելու իրականացնողը»,- շարունակեց Տիգրան Ավինյանը։

Դիտարկմանը, որ օգտվեցին, փողոց փակեցին, մերժեցին նախկին իշխանություններին, այս դեպքում ի՞նչ են անելու, փոխվարչապետն արձագանքեց, թե զբաղվելու են միկրոբիզնեսով, օգտվելու են տարբեր գրասենյակներից, որոնցով իրենց հմտությունները կզարգացնեն, փորձելու են աշխատանք գտնել այն ոլորտներում, որում իրենք ունեն կրթություն.

«Այսինքն՝ կառավարությունը պետք է ամեն ինչ անի, որ համակարգեր ստեղծի, որպեսզի ՀՀ քաղաքացիների մոտ ֆորմալ զբաղվածության աճ լինի առաջին հերթին, երկրորդը՝ աշխատանքի արդյուննավետությունն ու արտադրողականությունը բարձրանան, երրորդ հերթին՝ ներդրումներ ներգրավվեն, որ աշխատատեղեր ստեղծվեն, ու այս ամենն իրականացվի բնապահպանական ստանդարտներին համապատասխան»,- ընդգծեց փոխվարչապետը։

Ավինյանը համակարծիք չէ այն տեսակետի հետ, թե կառավարությունը, թվեր չներկայացնելով, մանևրում է։ Նա վստահեցրեց, որ իրենք որևէ պատասխանատվությունից չեն խուսափելու, ավելին՝ շեշտեց, թե կառավարության ծրագրում գրված թեզերը ֆինանսական մոդելների վրա են հիմնված:

 

 

«Այդ ֆինանսական մոդելները կարտացոլվեն միջնաժամկետ ծրագրերում այլ ֆորմատով: Կառավարության ծրագրում սահմանում չկա, որ պարտադիր բոլոր թվերը պիտի ներառված լինեն: Կառավարության պատասխանատվությունը շատ հստակ է լինելու, ու միջնաժամկետ ծրագրերի քննարկման ժամանակ թվային պատասխանատվությունները, թիրախները, որոնք դրված են, կտեսնեք ու կպահանջեք մեզանից»,- եզրափակեց Տիգրան Ավինյանը։

website by Sargssyan