Հա­յաս­տանն այժմ կա­րող է տե­սա­կա­նո­րեն ամ­րապն­դել իր դիր... ՄԻՋԱԶԳԱՅԻՆ
Առնետները շատացել են, իսկ պայքար չի երևում ՀԱՍԱՐԱԿՈՒԹՅՈՒՆ
Ազդեցությունների պայքար խորհրդարանական հանձնաժողովներում ՔԱՂԱՔԱԿԱՆ
Ապրիլի 7-ն՝ առանց պարգևավճարի ՔԱՂԱՔԱԿԱՆ
Ի՞նչ արժողության ավտոմեքենա և բնակարան է ձեռք բերել գնումներ... ՀԱՍԱՐԱԿՈՒԹՅՈՒՆ
Երևան, 25.Մարտ,
00
:
00
:
00
Փոխարժեք
478.65
$
560.79
Ռուս զինվորականները 35 տոննա բեռով ժամանել են Վենեսուելա. ԶԼՄ-ներ ՌԴ քննչական մեկուսարանների խցերում կհայտնվեն վճարովի մալուխային ալիքներ Վարդենյաց լեռնանցքը փակ է, Թալին-Լանջիկ-Մաստարա ավտոճանապարհին բուք է Իտալիայում մահացել է տան պայմաններում թլպատված 5 ամսական փոքրիկը Այրվածքներով հոսպիտալացված 12-ամյա աղջկա վիճակը շարունակում է մնալ ծայրահեղ ծանր ՊՆ-ից շուրջ կես միլիոն դոլարի հափշտակության գործով մեղադրյալի առողջական վիճակը պարզելու համար քայլեր չեն ձեռնարկվում Երևանում դանակի հարվածներ ստացած 3 երիտասարդ տեղափոխվել է «Սբ. Գրիգոր Լուսավորիչ» ԲԿ. Shamshyan.com Մարադոնան՝ Արգենտինայի խաղի մասին․ Սարսափ ֆիլմեր չեմ դիտում Բոտսվանայի բնակիչը տիկնոջ հետ վեճից հետո ինքնաթիռով բախվել է իր տանն ու զոհվել ԵՊՀ ուսանողը մեքենայով բախվել է ծառին. նրան հոսպիտալացրել են Կադրեր՝ Նորվեգիայի ափերի մոտ վթարված նավից (տեսանյութ) Երևան-Մեղրի ավտոճանապարհին քաղաքացին փորձել է ավտոմեքենայով ինքնասպանություն գործել Պատճառը գյուղապետի ընտրություններն էին․ նոր մանրամասներ՝ Շենավան գյուղում հնչած կրակոցներից Հ1-ը անտեսում է դատարանի պահանջը՝ օրենքին վերաբերվելով այնպես, ինչպես կրճատվող լրագրողներին․ Լիանա Կարապետյան Հայաստանի մի շարք ավտոճանապարհներին ձյուն է տեղում Երևան-Արմավիր ավտոճանապարհին ՎԱԶ 2106-ը դուրս է եկել երթևեկելի գոտուց և գլխիվայր շրջվել. վարորդը տեղափոխվել է հիվանդանոց. Shamshyan.com Եթե Նիկոլին եք ընդունում իբրև ազգի առաջնորդ ... Թաիլանդում վերջին 8 տարվա մեջ առաջին անգամ համընդհանուր ընտրություններ են անցկացվում

ՀԴՄ–ների հեղափոխությունը. ինչո՞ւ հաջողվեց քաղաքականը, բայց չի հաջողվում տնտեսականը

Նիկոլ Փաշինյանն ասում է, որ ինչպես իրականացրեցին քաղաքական հեղափոխությունը, այդպես էլ իրականացնելու են տնտեսականը: Եթե քաղաքացին դրսևորի գիտակցություն, ըստ Փաշինյանի, տնտեսական հեղափոխությունը կհաջողի, ինչպես որ հաջողեց քաղաքականը: Նույնը կրկնում է Արարատ Միրզոյանը` պատասխանելով էդմոն Մարուքյանին: Ըստ Միրզոյանի, ջրամբարներ կկառուցվեն, թոշակ կբարձրանա, եթե խանութպանը սկսի ՀԴՄ տալ, եթե տեսնի իր եկամուտի և շրջակա միջավայրի միջև կապը, եթե իր տան պարսպից դուրս նայի: Պատմաբան Միրզոյանը իրավացիորեն նշում է, որ պետություն չունենալու և տարիներով այլոց լծի տակ ապրելու հետևանքով մենք այդ պարսպից դուրս չենք նայել, որովհետև մերը եղել է պարսպից ներս գտնվողը: 

Իսկապես ոչ միայն գեղեցիկ, հաճախ գիտականորեն հիմնավորված, համոզիչ, այլև հասարակության խորքային խնդիրները ճիշտ ախտորոշող ձևակերպումներ են: Ավելին ` ճիշտ է նաև համեմատականը քաղաքական և տնտեսական հեղափոխությունների միջև: Իսկապես, եթե քաղաքականը հաջողեց քաղաքացիների կամարտահայտման շնորհիվ, ապա տնտեսականը ևս կհաջողի այդ կամարտահայտման դեպքում: Բայց, համեմատելով այս երկուսը, իշխանությունները մոռանում են նշել տարբերությունը: Քաղաքական հեղափոխության համար քաղաքացիներին մոտիվացնելու տեխնոլոգիաներ, մեխանիզմներ ներկայիս իշխանությունն ուներ: Հանրապետության հյուսիսից սկսված ու Երևանում ավարտված քայլերթը, ապակենտրոնացված փողոցային պայքարը, լոզունգները, միտինգները, ողջ հեղափոխական էսթետիկան, սոցցանցային պայքարի մեխանիզմները ներկա էին հեղափոխության օրերին: Հետաքրքիր է, որ քաղաքական հեղափոխություն իրականացրած ու այդ հեղափոխության կենսական գործոնը ` քաղաքացիների մասնակցությունը, հարուստ տեխնոլոգիական լուծումներով մոտիվացրած իշխանությունն այժմ չունի համարժեք տեխնոլոգիական լուծումների փաթեթ քաղաքացիների տնտեսական մոտիվացման հարցում: 

Վերջին օրերի խորհրդարանական ելույթներից տպավորություն է ստեղծվում, որ քաղաքացիների տնտեսական մոտիվացումը պետք է տեղի ունենա ինքնաբուխ, առանց իշխանության մասնակցության: Իշխանության մասնակցությունն էլ սահմանափակվում է Փաշինյանի, Միրզոյանի, Կարապետյանի, մյուսի, էն մյուսի հուզառատ, պատմահամեմատական ելույթներով, բարոյագիտական հիմնավորումներով:

Հարց է ծագում` արդյոք կհաջողե՞ր քաղաքական հեղափոխությունը, եթե ներկա իշխանությունները այն ժամանակ քաղաքացիներին միայն կոչ անեին ակտիվ լինել ու իշխանափոխություն իրականացնել: Կհաջողե՞ր արդյոք, եթե նմանատիպ կոչերին զուգահեռ չարվեին կոնկրետ քայլեր, չյուրացվեին ու չկիրառվեին հեղափոխությունների, ցանցային պայքարների ու խաղաղ անհնազանդությունների դասագրքային նորմերը: Ամենայն հավանականությամբ, չէր հաջողի: Հաջողեց, սակայն, որովհետև ելույթներից, կշտամբանքներից զատ, կար նաև գործուն տեխնոլոգիական բազա, մեխանիզմների շարք, թե ինչպես այդ գիտակցությունը արթնացնել:

Տնտեսական հեղափոխություն կոչվածի պարագայում իշխանություններն այդ տեխնոլոգիաներն ու մեխանիզմները չունեն: 

Ունեն միայն ելույթներն ու կոչերը, հորդորներն ու կշտամբանքները: Քաղաքական հեղափոխության համար քաղաքացիներին մոտիվացնելու տեխնոլոգիան յուրացրել են, տնտեսականի համար նույն այդ քաղաքացիներին մոտիվացնելու տեխնոլոգիան կա՛մ չեն յուրացրել, կա՛մ էլ այդպիսի տեխնոլոգիա չկա: Արդյունքում ՀԴՄ տպելը դառնում է կառավարության ծրագրի հիմնական տնտեսական առանցքը: Կտպեն հայաստանցիները ՀԴՄ, կամ կպահանջեն ՀԴՄ, տնտեսական հեղափոխությունը տեղի կունենա, չեն տպի` տեղի չի ունենա: Ամեն ինչ այսքան պարզ ու կենցաղային: 

Երկու հարց ամեն դեպքում ծագում է: Հարց առաջին` եթե հայաստանցիները ամեն դեպքում որոշեն չտպել ու չպահանջել ՀԴՄ, ինչպե՞ս է լուծվելու հեղափոխության, ըստ այդմ` իշխանության կարգավիճակի հարցը, նրանք շարունակելու են իշխել հակահեղափոխական ժողովրդի՞ն, հեղափոխությունը հետահայաց կերպով չեղարկվելո՞ւ է, թե՞ ինչ:

Երկրորդ հարցը ` եթե ամեն դեպքում քաղաքացիները սկսեն պահանջել ու տպել ՀԴՄ, բայց դրանից հետո էլ տնտեսական հեղափոխություն չլինի, ինչպես չեղավ կոռուպցիայի ու մենաշնորհների հայտարարված ապամոնտաժումից հետո, ո՞րն է լինելու կառավարության ծրագրային առանցքը: 

 

ԼԵՎՈՆ ՄԱՐԳԱՐՅԱՆ

website by Sargssyan