Հա­յաս­տանն այժմ կա­րող է տե­սա­կա­նո­րեն ամ­րապն­դել իր դիր... ՄԻՋԱԶԳԱՅԻՆ
Առնետները շատացել են, իսկ պայքար չի երևում ՀԱՍԱՐԱԿՈՒԹՅՈՒՆ
Ազդեցությունների պայքար խորհրդարանական հանձնաժողովներում ՔԱՂԱՔԱԿԱՆ
Ապրիլի 7-ն՝ առանց պարգևավճարի ՔԱՂԱՔԱԿԱՆ
Ի՞նչ արժողության ավտոմեքենա և բնակարան է ձեռք բերել գնումներ... ՀԱՍԱՐԱԿՈՒԹՅՈՒՆ
Երևան, 23.Մարտ,
00
:
00
:
00
Փոխարժեք
478.65
$
560.79

Արցախի հիմնախնդրի շուրջ բանակցությունները կսկսվեն առնվազն ԼՂՀ-ի տեսակետը լսելի դարձնելով, եթե նույնիսկ նրանց ներկայացուցիչները միանգամից ֆիզիկապես ներկա չլինեն. Հ. Իգիթյան (տեսանյութ)

Ինձ համար կարևոր է մի հարց՝ Արցախի Հանրապետությունը տալի՞ս է Հայաստանին մանդատը՝ պայքարել Արցախի բանակցային կողմ լինելու ֆորմատը վերականգնելու համար։ Tert.am-ի հետ զրույցում այս մասին ասաց ԱԺ «Իմ քայլը» խմբակցության պատգամավոր Հովհաննես Իգիթյանը։

«Ես անձամբ զրույցներ եմ ունեցել Արցախի պաշտոնյաների հետ, և նրանք ընդունում են դա։ Եվ ոչ միայն ընդունում են, նրանք շատ անհրաժեշտ են համարում։ Ինձ համար դա է կարևորը»,-ընդգծեց պատգամավորը։

Նրա խոսքով՝ պարզապես քայլ չէ՝ դարձնել Լեռնային Ղարաբաղը բանակցային կողմ. կա հայեցակարգ։ «Մինսկի խմբի կողմից ընկալվում են այս հայտարարությունները։ Գոնե եթե չեն ընդդիմանում, մեզ չեն մեղադրում, դիվանագիտական լեզվով կարելի է ասել՝ ընկալելի է, եթե ոչ ընդունելի։ Ադրբեջանն էլ կտրուկ քայլեր չի անում»։

Հովհաննես Իգիթյանը նաև շեշտում է՝ մենք գտնվում ենք ոչ թե բանակցությունների փուլում, այլ բանակցությունների պատրաստման փուլում. «Այս ընթացքում, երբ կողմերը պատրաստվում են բանակցությունների, լրիվ տրամաբանական է, որ այս նոր ձևաչափի մեջ Լեռնային Ղարաբաղի Հանրապետությունը լինի բանակցային սեղանի շուրջ»։

Պատգամավորը նաև նշում է՝ Ադրբեջանը, համաձայնելով մասնակցել Մինսկի խմբի բանակցություններին, ընդունում է Արցախի բանակցային կողմ լինելը. «Ի վերջո, ինչքան էլ Ադրբեջանը փորձում էր ցույց տալ, որ Լեռնային Ղարաբաղի կոնֆլիկտը Հայաստանի հարձակման հետևանքով եղած իրավիճակ է, չհաջողվեց»։

Հովհաննես Իգիթյանի կարծիքով՝ Արցախի հիմնախնդրի շուրջ բանակցությունները կսկսվեն առնվազն ԼՂՀ-ի տեսակետը լսելի դարձնելով, եթե նույնիսկ նրանք միանգամից ֆիզիկապես ներկա չլինեն։

Մանրամասները՝ տեսանյութում։

website by Sargssyan