ԱԻՆ–ի 1 աշխատակցի մոտ կորոնավիրուս է հաստատվել. ևս 11 աշխատա... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (27 ՄԱՐՏԻ). Բոլ­շև­իկ­ներն սկսել են հա­կա... ՀԱՍԱՐԱԿՈՒԹՅՈՒՆ
Ինչ­պե՞ս տար­բե­րել կեղծ­ված կո­նյա­կը ՄԻՋԱԶԳԱՅԻՆ
Իրա­վի­ճա­կն իրոք բարդ է, կա՛մ պետք է հի­մա օգ­նել բիզ­նե­սի... ՄԻՋԱԶԳԱՅԻՆ
Մեր կրթա­կան հա­մա­կար­գը պատ­րա՞ստ էր հե­ռա­վար ուսուց­մա­ն... ՀԱՐՑԱԶՐՈՒՅՑ
Երևան, 29.Մարտ,
00
:
00
:
00
Փոխարժեք
478.65
$
560.79
ՀՎԿ ազ­գա­յին կենտ­րո­նի 14 աշ­խա­տա­կից­նե­րի մոտ հաս­տատ­վել է կո­րո­նա­վի­րու­սա­յին հի­վան­դու­թյուն․ՊԱՇ­ՏՈ­ՆԱ­ԿԱՆ Ռոբերտ Քոչարյանը ուղերձ է հղել Արցախի Հանրապետության ժողովրդին «Գագիկ Ծառուկյան» հիմնադրամը Երևանի համայնքներում շարունակում է ախտահանման աշխատանքները Նիկոլ Փաշինյանը հեռախոսազրույց է ունեցել Միխայիլ Միշուստինի հետ «Բաքվում այսօր ամեն քայլափոխի սատկած վայրի աղունիկներ են». Կարեն Հովհաննիսյան Մի շարք արտադրամասերում և խանութներում հայտնաբերվել են պարետի ուղեցույցի պահանջների խախտումներ ՁԻԱՀ-ի կենտրոնի նախկին աշխատակիցները մասնակցում են կորոնավիրուսի դեմ պայքարին Խորհուրդ եմ տալիս` անպայման գնալ համարձակ քայլերի. Աշոտ Ղուլյան Ռուսաստանի կողմից սահմանների նոր սահմանափակումները չեն ազդելու հայկական բեռների վրա. Փաշինյան «Սրան պետք ա ստորացնենք, տարեք զուգարան». Մալաթիայի բաժնում խոշտանգել ու ստորացրել են բերման ենթարկվածին Ադրբեջանում գրանցվել է կորոնավիրուսից մահվան 4-րդ դեպքը. Ռիա Նովստի Կորոնավիրուսով հաստատված դեպքերի թիվը հասել է 407-ի Ոստիկանության ծառայողին բռունցքով հարվածած 48-ամյա վարորդը ձերբակալվել է «Նորք» ինֆեկցիոն հիվանդանոցում կա թոքաբորբով 13 պացիենտ, որոնցից 2-ի վիճակը ծայրահեղ ծանր է. ԱՆ խոսնակ

Կադրային բանկը՝ սնանկության շեմին

Օրերս լրատվամիջոցները տեղեկացրեցին, որ 2018 թվականի նոյեմբերի 19–ից առ այսօր կառավարության կադրային բանկը ստացել է երկու հազար երեք հարյուր հիսուն (2350) ինքնակենսագրական (CV): Կադրային բանկում ընդգրկվել է 50 մասնագետ, ըստ ոլորտային ճյուղերի դասակարգում դեռևս չի իրականացվել: Factor.am կայքը հայտնում է, որ նշյալ երկու հազար երեք հարյուր հիսուն անձանցից որևէ մեկը կառավարությունում կամ այլ պետական գերատեսչությունում աշխատանքի դեռևս չի անցել:

Կադրային քաղաքականությանը մենք անդրադառնալու առիթներ ունեցել ենք՝ համարելով այն հետհեղափոխական Հայաստանի հիմնական խնդիրներից մեկը: Վերոնշյալ տեղեկությունները թույլ են տալիս ենթադրել, որ խնդրի լուծման բանալի այժմ կառավարությունը չի գտել: Կամ այդ երկու հազարից ավելի ինքնակենսագրականներն են եղել անպիտան, կամ էլ կառավարության չափանիշներն են շատ բարձր: Այլապես դժվար կադրային բանկում ընդգրկվեր 50 մասնագետ: 

Կա մեկ այլ հարց ևս, թե որոնք են կադրային բանկով զբաղվող խմբի առաջնահերթությունները, ընդհանրապես ինչ կազմ ունի այդ խումբը: Եթե խմբի կազմը քաղաքական է, ապա բնական է, որ բազմաքանակ ինքնակենսագրականներից ընտրվում է չնչին տոկոսը: Կամ եթե խումբը քաղաքական է, ապա այդ դեպքում կարիք կա՞ արդյոք մասնագիտական ինքնակենսագրական ուղարկելու: Քաղաքական խմբի դեպքում ավելի ազնիվ կլինի կադրային սելեկցիա անել «Քաղաքացիական պայմանագրի» կուսակցականների ցանկից: 

Ընդհանրապես, դժվար է պատկերացնել, թե բազմաոլորտ, բազմաբևեռ կառավարության համար ինչպես է կադրային ընտրություն անցկացնում մեկ հանձնաժողով: Ամենայն հարգանքով հանձնաժողովի կազմի հանդեպ՝ դժվար է պատկերացնել, որ այդ կազմը տիրապետում է պետական աշխատանքի բոլոր ոլորտներին միանգամից: 

Իրավիճակի մեկ այլ պարադոքսը ինքնին նման հանձնաժողովի գոյությունն է: Սա շատ նման է, օրինակ, արտաքին գործերի նախարարությանը կից գործող Դիվանագիտական ակադեմիայի պատմությանը: Հայաստանյան մի շարք բուհեր ունեն միջազգային հարաբերությունների ֆակուլտետներ, բայց այդ ֆակուլտետները բավարար կոմպետենտության ու քանակի կադրեր չեն կարողանում ապահովել արտաքին գերատեսչությանը: ԱԳՆ–ն էլ ստիպված ստեղծում է առանձին կառույց այդ խնդիրը լուծելու համար: Հիմա նույն իրավիճակն է հանձնաժողովի պարագայում: Փաստացի Հայաստանն ունի կրթական և գիտական հիմնարկների ահռելի քանակություն, բայց այդ հիմնարկներից դեպի պետական աշխատանքի անցումը կազմակերպելու համար կարիք կա ԿԳՆ–ից զատ հավել յալ այլ հանձնաժողովի: 

Հանձնաժողովի գոյության նպատակահարմարությունը, սակայն, երկրորդական հարց է: Առաջնային է կադրային քաղաքականության հստակ կոնցեպտի հարցը, որն այդպես էլ բաց է մնում: Որպես այդ կոնցեպտի հիմնասյուն, կառավարությունը ներկայացնում է բարձր աշխատավարձը: Ըստ իշխանության, այդ բարձր աշխատավարձի առկայության դեպքում միայն որակյալ կադրերը կաշխատեն պետական ապարատում: Բարձր աշխատավարձը, սակայն, կարևոր, բայց ոչ առաջնային հանգամանք է: Ավելի էական է գործունեության բովանդակությունը, որի տակ, այսպես ասած, պետք է ստորագրեն այդ կադրերը: Ոչ պակաս կարևոր է նաև կադրային շարժունակության կամ արդար ու հստակ խաղի կանոններով կարիերային աճի երաշխիքները: 

Թերևս բովանդակության խնդիրն է, որ էականորեն նվազեցրել է կառավարության հետ աշխատել ցանկացողների թիվը վերջին շրջանում: Մարդիկ չեն ցանկանում ստորագրել մի բանի տակ, որն, ըստ իրենց, կամ խնդրահարույց է, կամ անարդյունավետ: Վերջին շրջանում մի շարք պաշտոնյաների ազատման դիմումներում այս հիմնավորումները հաճախ էին հանդիպում, ինչը գալիս է ապացուցելու, որ բարձր աշխատավարձը չէ, որ առաջնային խնդիր է հիմա, այլ իշխանության քաղաքական բովանդակության հարցը, որ շարունակում է մնալ օդում կախված: 

 

ԼԵՎՈՆ ՄԱՐԳԱՐՅԱՆ

website by Sargssyan