ՊԱՏՄՈՒԹՅԱՆ ԱՅՍ ՕՐԸ (18 ՀՈՒԼԻՍԻ)․ Մե­ղադ­րանք է առա­ջադր­վել ... ՀԱՍԱՐԱԿՈՒԹՅՈՒՆ
Հակակոռուպցիոն պայքարի ար­դյունք­նե­րը դեռ շատ սիմ­վո­լիկ են ՄԻՋԱԶԳԱՅԻՆ
Որքանո՞վ են ավելացել փոխնախարարի դրամական միջոցները ՀԱՍԱՐԱԿՈՒԹՅՈՒՆ
«Թե՛ դի­մորդ­նե­րի թվի նվա­զու­մը, թե՛ քննու­թյուն­նե­րի ար­... ՀԱՐՑԱԶՐՈՒՅՑ
«Պետք է կարգավորել ՀԷԿ-երի գործունեությունը, հա­կա­ռակ դեպ­ք... ՀԱՐՑԱԶՐՈՒՅՑ
Երևան, 19.Հուլիս,
00
:
00
:
00
Փոխարժեք
478.65
$
560.79
Եվրոպայի լիգա․ «Ալաշկերտի» ցնծությունը Նոր նախադեպ է, երբ ՌԴ–ն փոխանցում է, Հայաստանը՝ մերժում. ադրբեջանցուն սպանած Արման Առաքելյանի շահերի ներկայացուցիչ Երեխուն ցերեկը քնացնում եմ, որ մի անգամ պակաս հաց ուտի. իջևանցիների բողոքը 7 ոստիկանի ծառայությունից ազատելու առաջարկով կարգապահական հանձնաժողովը դիմել է Վալերի Օսիպյանին Արա լեռան մոտ երկու մոտոցիկլետավար իջել են ձորը եւ չեն կարողացել դուրս գալ․ ահազանգ ԱԻՆ-ին Հրշեջ-փրկարարները մարել են մոտ 60.88 հա խոտածածկ տարածքներում բռնկված հրդեհները Որդին ծեծելով սպանել է 95–ամյա հորը Ողբերգական վրաերթ Երեւանում․ մահացել է 13-ամյա աղջիկ․ մի քանի երիտասարդ փորձել են հաշվեհարդար տեսնել վարորդի հետ Արդեն 22 քաղաքացի են բերման ենթարկվել. Վալերի Օսիպյան Իջևանի դեպքերը հանրությանը ներարկված կեղծ գաղափարների հետևանքն է Կողոպուտի համար հետախուզվող Վրաստանի քաղաքացին հայտնաբերվեց սահմանային անցակետում Սամվել Կարապետյանի եղբորորդին՝ Նարեկ Կարապետյանը, հարցազրույց է տվել ռուսական РБК-ին

Մոսկ­վա-Թեհ­րան-Երև­ան. կա­րև­որ, բայց ոչ ամ­բող­ջա­կան ար­ձա­նագ­րում­ներ

Վարչապետ Փաշինյանի և ԱԺ նախագահ Արարատ Միրզոյանի այցերը՝ համապատասխանաբար Իրան և Ռուսաստան, չնայած առանձին օրակարգերով էին, սակայն թե՛ ժամանակային իմաստով, թե՛ Հայաստանի արտաքին քաղաքական ուղենիշների արձանագրման առումով տեղավորվում են մեկ ամբողջության մեջ: Մանավանդ, եթե համադրենք հնչեցված մի շարք դիտարկումներ: Խոսքը մասնավորապես Իրանում Փաշինյանի այն հայտարարության մասին է, որ Հայաստանը պատրաստ է լինել գազի տարանցիկ ուղի Իրանի համար: Իսկ գազի թեման, ինչպես գիտենք, Հայաստանում անմիջականորեն կապ ունի Ռուսաստանի հետ: Մյուս կողմից էլ՝ Ռուսաստանում գտնվող Միրզոյանն է բավական սուր ելույթով նախատում ռուս գործընկերներին ադրբեջանամետ դիրքորոշումների համար: Մեկ օրվա համար մի քիչ շատ չէ՞, կարող ենք հարցնել: Գուցե շատ է, սակայն, ցավոք կամ բարեբախտաբար, Հայաստանի հարաբերությունները հարևանների ու գերտերությունների հետ փոխկապակցված են: Մի տեղում արված մի հայտարարությունը միանշանակ անարձագանք չի կարող մնալ մեկ այլ տեղ:

Եվ այս իմաստով, իսկապես, կարիք կա հստակեցման: Նախ պետք է արձանագրել, որ գազի տարանցիկ ուղի Հայաստանն ինչոր ժամանակ եղել է Իրանի համար՝ Հովիկ Աբրահամյանի կառավարման տարիներին: Սակայն այդ ժամանակը կարճ էր, ու Կարեն Կարապետյանի վարչապետությամբ այն ավարտվեց: Սա նշանակում է, որ բացառապես մեկ ուղղությամբ արված մեկ փորձարկումը բավարար չէ իրանական գազի հարցով ամբողջական ու հեռանկարային քաղաքականություն մշակելու համար: 

Նույն այս հատվածականությունը կա նաև ԱԺ նախագահի ելույթում: Ելույթն ինքնին դրական է, բայց և միևնույն ժամանակ մատնում է այն քաղաքական կիսատությունը, որն այժմ կա Ռուսաստանի հետ հարաբերություններում: Իսկ այդ հարաբերությունները բազմաշերտ են ու չեն ամփոփվում միայն Վլադիմիր Պուտինի անձով, եթե նույնիսկ բացառապես այդ անձի հետ Հայաստանի իշխանությունն ունի փայլուն հարաբերություններ: Կարիք կա աշխատելու ռուսական քաղաքական-տեղեկատվական դաշտի բոլոր հնարավոր շերտերի հետ: Այլապես հուսալ, թե այդ բազմաշերտ դաշտում չեն գտնվի հակահայկական ու ադրբեջանամետ միջոցառումներին մասնակցողներ, միամտություն է:

Հայաստանի արտաքին քաղաքական և դրա օրգանական շարունակություն՝ ներքին քաղաքական հիմնական խնդիրը շարունակում է մնալ ռազմավարության, հայեցակարգի անհստակությունը: Նախորդ իշխանություններին այս հատվածական, դրվագային քաղաքականությունը հասցրել էր այն վիճակի, որի ականատեսն եղանք: Ավելին՝ այդ հատվածականությունը դարձել էր ինքնին քաղաքական ռազմավարություն, այն ինչ ցանկացած ռազմավարություն ենթադրում է հենց ամբողջականություն, գործողությունների հաջորդականություն: 

Ինչու՞ են նոր իշխանությունները գնում այս ճանապարհով, բարդ է ասել: Կան պնդումներ, որ Հայաստանի որևէ ղեկավարություն չի կարող խուսափել այս քարքարոտ ու հարափոփոխ ճանապարհից: Սա, սակայն, արդարացում է: Խնդիրն առավել խորքային է՝ Հայաստանում չկա համակարգային մտածողության ավանդույթ: Այն չկար ընդդիմության շարքերում, իսկ իշխանության շարքերում եթե կար էլ, պարտադրված էր ադմինիստրացիա լինելու անմիջական պատասխանատվությամբ, որն առավելապես դրսևորվում էր ընթացիկ հարցերում: 

Թե՛ Իրանի, թե՛ Ռուսաստանի հետ Հայաստանը վատ հարաբերությունների տարբերակ չունի: Խնդիրն այն է, թե ինչպիսին կլինեն այդ հարաբերությունները՝ կենացների, բարեմաղթանքների և արարողակարգային կոմպլիմենտների մակարդակո՞ւմ, որ կդրսևորվի առաջին դեմքերի մակարդակով, թե՞ բազմաշերտ ու խորքային, որի առկայության դեպքում նույնիսկ առաջին դեմքերի միջև իրավիճակային անհասկացվածությունները չեն կարողանա խաթարել այդ հարաբերությունները: 

ԼԵՎՈՆ ՄԱՐԳԱՐՅԱՆ

 

website by Sargssyan