2019 թվականի առաջին կիսամյակում 98 վարորդներ ոչ սթափ վիճակու... ՀԱՍԱՐԱԿՈՒԹՅՈՒՆ
ՀՀ քաղաքացու համար վերացվել է ՌԴ մուտք գործելու արգելքը․ ՄԻՊ... ՔԱՂԱՔԱԿԱՆ
Հակառակորդը հրադադարի ռեժիմը մեկ շաբաթվա ընթացքում խախտել է ... ՀԱՍԱՐԱԿՈՒԹՅՈՒՆ
ՌԴ-ն չի հանձնի Միհրան Պողոսյանին. Դատախազություն ՔԱՂԱՔԱԿԱՆ
Վանաձոր-Ալավերդի-Բագրատաշեն ճանապարհահատվածը բեռնատարների հա... ՀԱՍԱՐԱԿՈՒԹՅՈՒՆ
Երևան, 20.Օգոստոս,
00
:
00
:
00
Փոխարժեք
478.65
$
560.79
Հետաքրքրություն ներկայացնող ընկերությունների մեծ մասը զգալիորեն ավելացրել է բյուջե վճարված հարկերը. Փաշինյան «Մանչեսթեր Յունայթեդը» միավորներ կորցրեց (տեսանյութ, ֆոտո) Ողջունելի է, որ Կարմիր Խաչի ներկայացուցիչներն այցելել են ռազմագերի Արայիկ Ղազարյանին․ Արցախի ՄԻՊ Մաշտոց-Կորյուն խաչմերուկում «Mercedes»-ը դուրս է եկել երթևեկելի հատվածից և բախվել ծառին․ ուղեւորը հոսպիտալացվել է «Շիրակ» օդանավակայանում «Պոբեդա» ավիաընկերության ինքնաթիռը վայրէջք կատարելիս ետնամասով հպվել է վազքուղուն 64-ամյա կինը խոստովանել է, որ ինքն է խանութի հաճախորդի պայուսակից դրամապանակ գողացել Ծեծկռտուք Բաղրամյան պողոտայում․ կան բերման ենթարկվածներ Ֆրանսիան կողմ է Իրանի միջուկային ճգնաժամի շուրջ լարվածության նվազեցմանը Ոստիկանություն բերված 3 անձ, այդ թվում՝ ԲԿ տեղափոխվածը, ոստիկանների գործողությունների վերաբերյալ հաղորդում են ներկայացրել. ՄԻՊ Զենիթի պաշտպանը տեղափոխվեց Ալաշկերտ «Բնապահպանության շահն էլ պետք է հավասարակշռված լինի». Նիկոլ Փաշինյանն անդրադառնում է Ամուլսարի շահագործման հարցին. ուղիղ ՀՀ պաշտպանության նախարարը մասնակցել է «Միջազգային բանակային խաղեր-2019» մրցաշարի փակման արարողությանը ԱԺ-ի մոտից բերման ենթարկված վեց քաղաքացիներն ազատ արձակվեցին (տեսանյութ) Ոստիկանության պահանջն ապօրինի էր, մենք իրավունք ունեինք փողոց փակելու, ինչպես սովորացրել է ներկայիս վարչապետը. բերման ենթարկված քաղաքացի ՀՀ ԶՈւ գլխավոր շտաբի պետն այցելել է հյուսիսարևելյան սահմանագոտի

Եր­կա­կի վի­ճակ ԵՊՀ-ում. ճա­հիճ՝ ճա­հի­ճի վրա

Նախօրեին ԵՊՀ-ում հոգաբարձուների արտահերթ նիստ էր, որի ժամանակ քննարկվում էր ռեկտոր Արամ Սիմոնյանի լիազորությունների դադարեցման հարցը: Սակայն նիստը չկայացավ, որովհետև խորհրդի օրակարգին կողմ քվեարկողները չկարողացան ապահովել ձայների մեծամասնությունը, չնայած թվով գերազանցում էին հոգաբարձուների խորհրդի այն ներկայացուցիչներին, որոնք դեմ են Սիմոնյանի հրաժարականին: Ինչևէ, այս տեխնիկական դետալները չէ, որ կենսական են հիմա: Առավել խնդրահարույց է այլ բան:

Փաստացի ԵՊՀ-ն դառնում է բազմակողմ քաղաքական շահարկումների թիրախ: Այս փաստը շատ լավ արտացոլվում է կոնկրետ նիստին զուգահեռ տեղի ունեցող զարգացումներում: Մի կողմից՝ սոցցանցային տիրույթում, մեկ այլ կողմից՝ հենց ԵՊՀ-ում ու նրա շրջակայքում ակտիվորեն դիրքորոշում են արտահայտում թե՛ իշխանության կողմնակիցները, թե՛ նախորդ իշխանությունների ներկայացուցիչներն ու ներկայիս իշխանությանը ընդդիմադիր դիրքավորվողները: Ասել, որ բոլոր արտահայտվողներն են ակտիվ համալսարանական, սխալ կլինի: Ակնհայտ է, որ ԵՊՀ-ում տեղի ունեցողն այլևս դուրս է եկել բացառապես մայր բուհի շրջանակներից: 

Քաղաքակա՞ն է արդյոք ԵՊՀ խնդիրը: Բնականաբար, այո: Քաղաքական այնքանով, որ պետական համալսարանը չի կարող գործել ինքնին վակուումի մեջ, ինքնաբավ: Այն նախ լինելով պետական ֆինանսավորմամբ կառույց, հետո էլ անմիջականորեն կապ ունենալով օրվա քաղաքական կուրսի հետ՝ անպայմանորեն կրում է այդ կուրսի ազդեցությունը:

Արդյո՞ք քաղաքական է խնդրի լուծումը: Ոչ: Քաղաքական լուծում չի կարող լինել, քանի որ այն կարող է առանց այդ էլ չափից շատ քաղաքականացված կառույցը մխրճել նոր քաղաքական հոսանքի մեջ, այս անգամ՝ ուղղակի հակառակ ուղղությամբ: ԵՊՀ-ում կուտակված խնդրի լուծման տարբերակը հենց քաղաքականությունից հարցը հեռացնելն է: Սա թույլ կտա ոչ միայն շահարկումներից զերծ պահել հարցը, այլև ստեղծել իրավիճակ, երբ հնարավոր կլինի ավելի վերացարկված ու ամբողջական նայել կրթական համակարգի երբեմնի առաջամարտիկ համարվող այս կառույցին:

Իսկ ԵՊՀ-ի հիմնական խնդիրը ո՛չ Արամ Սիմոնյանն է, ո՛չ ենթադրյալ կոռուպցիան: Այս երկու հանգամանքները այդ խնդրի հետևանքն են պարզապես: Խնդիրն այլ է: ԵՊՀ-ն, որպես պետական բուհ, տապալել է կրթական և գիտական գործառույթը: Այն կորցրել է մրցունակությունը ոչ միայն դրսում, այլև ներսում: Ավելին՝ ԵՊՀ-ն, որ նախկինում համարվում էր պետական համակարգը կադրերով սնուցող հիմնական կառույց, այժմ դադարել է այդպիսին լինել: 

Մեր նախորդ հրապարակումներից մեկում արդեն նշել ենք, որ կարիք կա փոխել այն դիտանկյունը, որով քննարկում ենք մայր բուհում տեղի ունեցողը: Դիտանկյան հիմքում պետք է դրված լինի ոչ թե՝«կոռուպցիա կա՞, թե՞ ոչ» հարցը, այլ՝ «արդյունավե՞տ է ԵՊՀ-ն, թե՞ ոչ»: Դիտանկյունը փոխելու դեպքում խնդիրը զերծ կմնա շահարկումներից, միաժամանակ կթոթափվի այն լարվածության մթնոլորտը, որն այժմ արգելակում է պրոցեսը ու թողնում կիսատ: Գուցե տեխնիկական իմաստով, դիցուք, հրաժարականի հիմքեր ներկայացնելու այս մեթոդը արդարացված չէ: Բայց մյուս կողմից էլ ինքնին հրաժարականը պետք է լինի օբյեկտիվ իրադարձությունների հետևանք, ոչ թե ինքնանպատակ գործողություն: Վստահաբար, եթե ներկայացվեին ԵՊՀ-ի, որպես գիտակրթական հաստատության, անարդյունավետությունը փաստող հիմնավորումներ, հնարավոր կլիներ թեկուզ կարճ ժամանակահատվածում, բայց ի վերջո հասնել հրաժարականի: Այդ դեպքում հավել յալ գերարժևորումից կզրկվեր նաև ինքնին հրաժարականի հանգամանքը: 

Այլապես մենք գնում ենք ոչ թե ճահիճը մաքրելու, այլ ճահիճի վրա ևս մեկ ճահիճ գոյացնելու ճանապարհով, որը արդեն դառնում է ոչ թե ԵՊՀ-ի, այլ քաղաքական հարց՝ ընդդիմություն-իշխանություն դիրքավորումներով: 

ԼԵՎՈՆ ՄԱՐԳԱՐՅԱՆ

website by Sargssyan