Արարատի մարզում ունենք կորոնավիրուսով 173 վարակակիր, երեկ հա... ՀԱՍԱՐԱԿՈՒԹՅՈՒՆ
Արցախում հակառակորդի գնդակից ՊԲ զինծառայող է վիրավորվել ՀԱՍԱՐԱԿՈՒԹՅՈՒՆ
331 բուժաշխատող արտակարգ իրավիճակում մասնակցել է արտակարգ վե... ՀԱՍԱՐԱԿՈՒԹՅՈՒՆ
Ադրբեջանի հատուկ ծառայությունների տակ աշխատող էջում հայերեն ...
Եղանակն՝ առաջիկա օրերին
Երևան, 06.Ապրիլ,
00
:
00
:
00
Փոխարժեք
478.65
$
560.79
Արարատի մարզում ունենք կորոնավիրուսով 173 վարակակիր, երեկ հաստատված որևէ նոր դեպք չենք ունեցել. Գարիկ Սարգսյան Կորոնավիրուսից մահացած մարալիկցի տղամարդու կինն ու դստեր ընտանիքը մեկուսացած են Սերժ Սարգսյանը հրավիրվել է քննիչ հանձնաժողով` լսումների Պուտինը և Փաշինյանը քննարկել են Հայաստանին գազի մատակարարման և կորոնավիրուսի դեմ պայքարի միջոցներին վերաբերող հարցեր Կարտոֆիլը, սոխը, սխտորը, գազարը եւ մի շարք ապրանքներ ԵՏՄ տարածք կներմուծվեն զրո մաքսատուրքով Ապրանքների թանկացման «անմեղները» կամ պաշտոնյաների պրիմիտիվ առաջարկները Ի՞նչ է կատարվում Մոսկվայի «Դոմոդեդովո» օդանավակայանում (տեսանյութեր) Արագածոտնի մարզի ավելի քան 500 ընտանիք «Գ.Ծառուկյան» հիմնադրամից աջակցություն է ստացել Ուշադրություն. Հանրապետության հովտային և նախալեռնային գոտում կա ցրտահարության վտանգ Ինչու է հարկավոր հաճախակի լոգանք ընդունել. Ահա թե ինչ է կատարվում 2 օր լոգանք չընդունած մարդու մարմնի հետ Արցախում հակառակորդի գնդակից ՊԲ զինծառայող է վիրավորվել

Իմ խոսքը վերաբերում էր քաղաքական էլիտային. Ռուբեն Հախվերդյանը՝ իր սկանդալային հայտարարության մասին

Երգիչ-երգահան Ռուբեն Հախվերդյանն, անդրադառնալով իր հասցեին հնչող քննադատություններին: Հիշեցնենք՝ Ռուբեն Հախվերդյանը, հյուրընկալվելով Համլետ Ղուշչյանի «Բաց օրը» հաղորդմանը, արցախցիների մասին ասել էր․ «Վաբշե մաքրվեք ստեղից, վեկալեք, գնացեք ձեր մշակույթով, ձեր մուղամներով, ձեր նամազներով։ Հազիվ Երևանը մի քիչ մաքրվել, քաղաք էր դարձել էս քաղաքը, բայց Ղարաբաղից թուրքական երաժշտությունը եկավ ու արմատակալեց»։ Երգահանի սկանդալայյին հարցազրույցին արձագանքել էր Արցախի Մարդու իրավունքների պաշտպան Արտակ Բեգլարյանը, ով իր ֆեյսբուքի էջում գրել էր. «Ամոթ Ռուբեն Հախվերդյանին ու որոշ չափով Համլետ Ղուշյանին՝ հայության արցախյան հատվածի մասին խիստ խտրական ու վիրավորական արտահայտությունների համար։ Ցավում եմ, որ մեր ազգի մեջ այդպես մտածող «մտավորականներ» կան, որոնք ի վիճակի են հայության շրջանում տարանջատում մտցնել այդ կարգի վիրավորական ընդհանրացումներով: Հուսամ՝ նրանք վաղ թե ուշ կգիտակցեն իրենց արտահայտությունների վտանգավորությունն ու դատարկությունը»: Առավել խիստ էր արտահայտվել Արցախի նախագահի խոսնակ Դավիթ Բաբայանը, ով իր ֆեյսբուքի էջում գրել էր. «Բարոյապես և ստեղծագործական առումով լինելով վաղուց սպառված՝ նախկին երգահան ու երգիչ ռուբեն հախվերդյանը, ով արդեն վաղուց որեւէ արժեքավոր գործ ստեղծելու ունակ չէ, կրկին վիրավորանքների հեղեղ է թափում հայ ժողովրդի վրա՝ հայհոյելով արցախահայությանը: Այս ամենից ապշերոնյան էժանագին խավիարի գարշելի հոտ է փչում: Նրա նմաններով պետք է զբաղվեն համապատասխան կառույցները՝ ԱԱԾ-ն, Առողջապահության նախարարությունը, ավելի կոնկրետ՝ որեւէ հոգեբուժարան»,– գրել է նա: Ռուբեն Հախվերդյանը, մեկնաբանելով իր հանդեպ հնչող քննադատություններն, ասաց, որ եթե որևէ մեկն իր ձևով է մեկնաբանում իր խոսքերը, ապա դա նրանց պրոբլեմն է, ինքը ժողովրդի մասին չէ, որ խոսել էր։ «Եթե Ղարաբաղում ինչ- որ դերասանուհի ասում է, որ ինքն էլ է Ռոբերտ Քոչարյանի նման իրեն բանտարկյալ համարում և ինքն էլ Ռոբերտ Քոչարյան է, որը, ի դեպ,պետական հանցագործ է և նստած է բանտում, ապա ես նրան ասելիք չունեմ։ Եթե Զորի Բալայանը կրկնում է Արկադի Ղուկասյանի խոսքը, որ Բաքուն գրավելուց առաջ պետք է գրավել Երևանը, ես դրան ավելացնելու ոչ մի բան չունեմ։ Եթե Մարտի 1-ին Երևան Ղարաբաղից հատուկ նշանակության զորք են բերել, ապա այստեղ էլի ես ասելիք չունեմ։ Ավելացնել կարող եմ միայն հետևյալը. Մարտի 1-ից հետո միայն ես եմ Քոչարյանին մարդասպան անվանել, մինչդեռ բոլոր քաղաքական կուսակցությունները լռում էին։ Ինչ վերաբերում է ռուսներին, ապա Մարտունաշենում ու Գետաշենում ռուսական զինվորներն են կոտորել հայերին և դրա մասին ոչ մի քաղաքական չակերտավոր գործիչ չի բարձրաձայնել։ Ես շարունակում եմ մնալ էն կարծիքին, որ ռուսները միշտ ստեղծել են ազգամիջյան պատերազմներ, վերցնեն օրինակ ռուս-թուրքական պայմանագիրը, որտեղ հայերի ստորագրություն չկա»,-ասաց Հախվերդյանը։ Անդրադառնալով հնչող տեսակետին թե ինքը ոչ սթափ վիճակում է հարցազրույց տվել, երգահանը նշեց, որ ինքը երբեք ոչ սթափ վիճակում հարցազրույց չի տվել։ «Նման դեպք առ այսօր չի եղել, եթե ես ոչ սթափ վիճակում են լինում, էդ վիճակը շարունակվում է մեր տանը, ոչ թե հեռուստաընկերությունների ստուդիաներում»,-նշեց նա։


website by Sargssyan