ՊԱՏՄՈՒԹՅԱՆ ԱՅՍ ՕՐԸ (23 ՀՈՒԼԻՍԻ). «Փաշինյանը փորձում է օգտագո... ՀԱՍԱՐԱԿՈՒԹՅՈՒՆ
Սահյանական օրերն այսուհետ կդառնան ամենամյա ՄՇԱԿՈՒՅԹ
Թեհրանի «տնային աշխատանքները» ՄԻՋԱԶԳԱՅԻՆ
«Երբ արածդ աշխատանքը գնահատվում է, մեծ ուժ է տալիս առաջ շարժ... ՀԱՐՑԱԶՐՈՒՅՑ
Ի՞նչ եկամուտ ու դրամական միջոց ունի ԱՆ քրեակատարողական ծառայ... ՀԱՍԱՐԱԿՈՒԹՅՈՒՆ
Երևան, 23.Հուլիս,
00
:
00
:
00
Փոխարժեք
478.65
$
560.79
ՊԱՏՄՈՒԹՅԱՆ ԱՅՍ ՕՐԸ (23 ՀՈՒԼԻՍԻ). «Փաշինյանը փորձում է օգտագործել բարձրացող ժողովրդական շարժումը իր անձնական, կուսակցական նեղ շահերը սպասարկելու համար» Սահյանական օրերն այսուհետ կդառնան ամենամյա Թեհրանի «տնային աշխատանքները» «Երբ արածդ աշխատանքը գնահատվում է, մեծ ուժ է տալիս առաջ շարժվելու համար» Ի՞նչ եկամուտ ու դրամական միջոց ունի ԱՆ քրեակատարողական ծառայության նորանշանակ պետը Ռոզա Ծառուկյանի ղեկավարած ընկերությունը տասնամյակներ շարունակ օրինակելի տնտեսություն է համարվել գյուղատնտեսության ու մեղվաբուծության զարգացման գործում իրականացրած ահռելի գործունեության առումով Կյանքը հեշտ չէ, բայց պետք է սիրել հողը. մեռնող գյուղի տներից մեկի վրա երբեք կողպեք չի լինի Անտառը հատող գյուղացուն պետք է իրական այլընտրանք առաջարկել, որպեսզի նա հասկանա՝ պետությունը հոգում է իր մասին Ռոզա Ծառուկյանի գլխավորած «Մուլտի Ագրո»-ն աշխատատեղեր է ապահովում 100-ավոր վարդենիսցիների համար ՍԴ-ն դեմ է մեկ անձի բացարձակ իշխանությանը Բացառիկ փաստեր Պարազյանների մասին. Նորիկ Դավթյանը պատրաստ է նոր տվյալներ ներկայացնել ՌԴ և ՀՀ իրավապահներին (տեսանյութ) Փաշինյանի տոնը փչացնում եք, որ ի՞նչ անեք Ինչո՞ւ իշխանությունը շատ արագ կտրվեց հասարակությունից, կամ՝ բռնապետության վտանգները

Տիկի՛ն Հակոբյան «կռուտիտներ» անելու փոխարեն պարզապես զսպեք Ձեր ամբիցիաները

Կոնստանտին Տեր-Նակալյանը ֆեյսբուքյան իր էջում գրում է՝

Բերեք մատների վրա բացատրեմ, թե քանի հատ մանիպուլյացիոն հնարք կիրառեց Աննա Հակոբյանը մեկ հարցազրույցում։

Հիմնական շեշտը զգացմունքայնության ու սենտիմենտների վրա էր, թե բա՝ մարդուս համարյա չեմ տեսնում, գոնե ինքնաթիռում շփվենք։ Նախ՝ դա Աննա Հակոբյանի ու իր ամուսնու խնդիրն է, ոչ թե հասարակության, իսկ եթե դա այդ աստիճան անհաղթահարելի է, թող ամուսնուն հորդորի այլ աշխատանք գտնել, որի դեպքում ավելի շատ կտեսնեն իրար։ Հետո՝ սա մանիպուլյացիա է։ Աննա Հակոբյանն իր ամուսնուն տեսնում է պարբերաբար, միայն վերջին երկու շաբաթում առնվազն մի քանի հրապարակային դրվագ կա, երբ նրանք միասին թատրոն են գնացել, միտինգի են գնացել, էլ չասեմ այն մասին, որ Աննա Հակոբյանը Կառավարությունում կաբինետ ունի։ Շատ կներեք, իհարկե, բայց, դատելով այն բաց տեղեկատվությունից, որ կա դաշտում, իմ կինը երևի ավելի քիչ է տեսնում ինձ, քան Աննա Հակոբյանն իր ամուսնուն։

Անցնենք առաջ ու անդրադառնանք ինքնաթիռի դատարկ աթոռի հանճարեղ թեզին։ Ես չեմ մանրանա ու չեմ ասի, որ եթե արարողակարգով առաջին տիկնոջ այց նախատեսված չէ, ապա Աննա Հակոբյանն ավելորդ էր ինքնաթիռում։ Քավ լիցի, այր ու կին՝ մի մարմին, բայց ոչ մի արարողակարգով ու ինքնաթիռում առկա առաջին տիկնոջ բազկաթոռի մասին լոլոյով չի կարելի բացատրել Մարիամ Փաշինյանի առկայությունն ինքնաթիռում։ Դա որևէ կերպ հիմնավորված ու արդարացված չէ։ Եթե փաստարկն այն է, որ, միևնույն է, ինքնաթիռում տեղ կար, ապա նշանակում է, որ տեղ կար ցանկացած քաղաքացու համար, ով չուներ վիզայի խնդիր, որովհետև Մարիամ Փաշինյանը որևէ հավելյալ արտոնություններ չունի այս տեսանկյունից, քան Փեփռուշյան Նունուֆարն ու Պողոսյան Պետրոսը։ Տենց ազատ տեղերով լիներ՝ ինչո՞ւ է միայն աղջկան տանում, թող ողջ գերդաստանին հերթով վոյաժների տանի։

Հարցի ֆինանսական կողմին էլ անդրադառնանք։ Աննա Հակոբյանը հպարտ դեմքով հայտարարում է, որ բոլոր ուղևորությունները, բացի նախատեսված դեպքերից, կատարվել են անձնական միջոցների հաշվին։ Նույնը հայտարարվում էր, երբ նույն Մարիամ Փաշինյանի տարեդարձի խնջույքի ֆինանսական կողմի մասին էր խոսքը, նույնը հայտարարվում է, երբ շոփինգի վերաբերյալ են հարցնում և այլն։ Սա շատ հարմար մարտավարություն է, առավել ևս, որ այս իշխանությունները, ըստ էության, պարալիզացրել են Էթիկայի հանձնաժողովի աշխատանքն ու, մեծ հաշվով, որևէ առումով թափանցիկ չեն ու հաշվետու չեն իրենց միջոցների հայտարարագրման հարցում։ Ես գիտեմ, որ Նիկոլն էլ, Աննան էլ որոշակի լեգալ եկամուտ ունեն, բայց ես եմ ու կասկածամիտ եմ, խնդրում եմ՝ ապացուցե՛ք ինձ, որ ձեր լեգալ եկամուտները բավարար են, որ դուք չբոլորած տարում հա՛մ մի 5 անգամ անձնական միջոցներով վոյաժներ անեք, հա՛մ հյուրանոցների համարների համար վճարեք, հա՛մ շոփինգներ անեք, որոնց արգասիքները, մեղմ ասած, շատ հեռու են Աննա Հակոբյանի այն հավաստիացումից, որ ցանկացած միջին խավի ներկայացուցչի համար մատչելի են, հա՛մ ծննդյան տարեդարձներ անեք, հա՛մ սնվեք, համ էլ մնացած առօրյա ծախսերը հոգաք։

Շարունակելով Աննա Հակոբյանի մանիպուլյացիաների թեման՝ հատուկ ուզում եմ սևեռել ուշադրություններդ նրա հարցազրույցի վերջին մասի վրա, երբ Աննա Հակոբյանն սկսեց լեռան քարոզ կարդալ մեդիաների վրա, գանգատվել ֆեյք նյուզից ու ոչ հիմնավոր քննադատությունից, օդում կախված լուրերից և այլն։ Որպեսզի մանիպուլյացիան պարզ լինի, ես անգամ չեմ անդրադառնա, որ ֆեյք նյուզեր ու օդում կախված խոսակցություններ հանրայնացնելու հարցում մեդիա դաշտի ցանկացած ներկայացուցիչ շատ հաց ու պանիր պետք է ուտի, որպեսզի ոտք գցի Աննա Հակոբյանի ամուսնու ու իրենց ընտանեկան բիզնես հանդիսացող ՀԺ-ի հետ։ Կրկնում եմ՝ ես դրան չեմ անդրադառնում։ Եկեք մի անգամ էլ դիտենք հարցազրույցն ու հաշվենք, թե քանի անգամ է Աննա Հակոբյանը մեղադրանքներ ու ակնարկներ անում նախորդ իշխանություների մասին, որոնք լայաղ չի անում ամրագրել գեթ մեկ փաստով։ Տեսե՛ք, իրեն ձեռքից բռնացրել են արդեն տասնյակին մոտեցող դրվագների վրա, երբ առնվազն հարցեր են առաջանում այն աստիճան, որ ինքը ստիպված է դիմել իշխանության քարոզչամեքենայի լոկոմոտիվ Հանրայինին, էդ փաստերը ծփում են Ֆեյսբուքում ու մամուլում, բայց ինքն անմեղ դեմքով գալիս ու սկսում է մեղադրել նախկիններին՝ չբերելով և ոչ մի փաստ, ոչ մի ապացույց և էդ ամեն ինչը համեմում, որ, видите ли, ես էլ եմ լրագրող ու սրտացավ եմ, թե ինչ թույլ են մեր լրագրողներն, ու ինչ քըխն է մեր մեդիա դաշտը։

Տիկի՛ն Հակոբյան, այդքան սրտացավ եք ֆեյք նյուզերով, մեդիա մանիպուլյացիաներով ու լրագրողական մակարդակով՝ բարի եղեք ու սկսեք սեփական օրինակ ծառայել Ձեր մասով, եթե Ձեզ դիտարկենք որպես լրագրողական համայնքի ներկայացուցիչ, իսկ եթե Ձեզ դիտարկենք որպես վարչապետի կին, ապա խորհուրդ եմ տալիս հաթաթաներ ու, կներեք, բայց կռուտիտներ անելու փոխարեն պարզապես մի քիչ զսպել Ձեզ ու Ձեր ամբիցիաները և գոնե մնացեք Ձեր իսկ ու Ձեր ամուսնու գծած այն սահմաններում, որոնք առկա էին մինչև Ձեր գերդաստանի իշխանության գալը։

website by Sargssyan