Ռուս-թուրքական հարաբերություններն ու սազոնովյան «դասերը» ՄԻՋԱԶԳԱՅԻՆ
Վարչապետի վարկանիշը նվազել է ՔԱՂԱՔԱԿԱՆ
Կառավարությունում դեռևս «կամուկացի» մեջ են ՔԱՂԱՔԱԿԱՆ
Փոխառություններ, ոչ մի անշարժ և շարժական գույք. ի՞նչ է հայտա... ՀԱՍԱՐԱԿՈՒԹՅՈՒՆ
Հեղափոխական ավտորիտարիզմի վտանգ ՎԵՐԼՈՒԾԱԿԱՆ
Երևան, 20.Մարտ,
00
:
00
:
00
Փոխարժեք
478.65
$
560.79
Հայաստանի հավաքականի մարզումը (տեսանյութ, լուսանկարներ) Վրաերթի հետևանքով հիվանդանոց տեղափոխված 18-ամյա երիտասարդը մահացել է. shamshyan.com Դպրոցներում դրամահավաքների հետ կապված թեժ գծի զանգերի քանակը նվազել է Արայիկ Հարությունյանը՝ Ավշարի դպրոցում լարված իրավիճակի մասին Դատախազությունը պետական շահերի պաշտպանության ուսումնասիրություններով հայտնաբերել է պետությանը պատճառված մոտ 36 մլրդ դրամի վնաս. վերականգնվել է մոտ 2 մլրդ դրամը Իտալիայում տղամարդը 51 դպրոցականներով լի ավտոբուսն այրելու փորձ է արել (լուսանկարներ) Դանակահարություն Չարենցի փողոցում. ոստիկանները բացահայտել են կատարվածը Visa PaySticker-ի առավելությունները Թմրամիջոց ապօրինի իրացնելու համար մեղադրանք է առաջադրվել 34-ամյա տղամարդուն. գործը դատարանում է Նախագահ Սարգսյանը շնորհավորական ուղերձ է հղել Թունիսի նախագահին «Պետության համար սա ոչ այլ ինչ է, քան բացահայտ խայտառակություն» Ողբերգական դեպք Լոռու մարզում. Դեբեդ գետից դուրս է բերվել 18-ամյա աղջկա դի Արարատ Միրզոյանը Գերմանիայում քննարկել է վիզաների ազատականացմանը վերաբերող հարցը Վարդենյաց լեռնանցքը ծանրաքաշ և կցորդիչով մեքենաների համար փակ է

Ադրբեջանական կողմը զորավարժություններն անցկացնում է, որ բանակցությունների սեղանին հայկական կողմը ճնշված լինի. ռազմական փորձագետ

 

 Ադրբեջանում մարտի 11-ից 15-ը անցկացվող զորավարժությունները քանակով, մասշտաբներով նաև ներգրավված սպառազինությամբ աննախադեպ են. այս մասին Tert.am-ի հետ զրույցում ասաց ռազմական փորձագետ Վան Համբարձումյանը:

 

Նրա խոսքով` Ադրբեջանն այս զորավարժություններում ներգրավել է այնպիսի զինտեխնիկաներ, որոնք առաջին անգամ են օգտագործվելու զորավարժությունների ընթացքում:

 

Հարցին` ի՞նչ նպատակ է հետապնդում Ադրբեջանն այս զորավարժությունն անցկացնելով, նա ասաց, որ առաջին հերթին Ադրբեջանի յուրաքանչյուր զորավարժություն ՀՀ կողմից ընկալվում է որպես պատերազմի վտանգ, որովհետև պատերազմը հենց այնպես չի սկսվում, պատերազմը սկսվում է ուժերի կուտակումից:

 

«Եթե պարզապես սկսեին ուժեր կուտակել, հայկական կողմի համար պարզ կլիներ, որ դրանք արդեն պատերազմի նախանշաններ են: Հիմա զինավարժության անվան տակ են կուտակվում, ինչն արվում է նրա համար, որ զգոնությունը թուլացնեն: Հնարավոր է՝ հենց այնպես չեն կուտակվում: Ես ասում եմ` աննախադեպ կուտակումներ են, այսպիսի զորավարժություններ ես չեմ հիշում վերջին մի քանի տարում»,- ասաց Համբարձումյանը:

 

Փորձագետը նշեց, որ շուտով ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպում է նախատեսվում, և հենց այդ հանդիպման շեմին այս զինավարժությունը, նոր զինատեսակների փորձարկումը, հայկական կողմի վրա ճնշում գործադրելու համար է:

 

«Սա նրա համար է, որ ընդգծի Ադրբեջանի ռազմական առավելությունը, որ այդ ճնշումը գործադրվի, որ բանակցություններին հայկական կողմը ավելի ճնշված, ավելի «հնազանդ» լինի»,- ասաց նա:

 

Նրա կարծիքով` այդ զորավարժությունները շատ մեծ վտանգ են պարունակում և չի իմացվի, թե ինչ կարող է լինել դրանից, մանավանդ որ այն նախապես պլանավորված չի եղել:

 

Վան Համբարձումյանը նշեց, որ հայկական կողմն ամպայման պետք է մոբիլիզացիա հայտարարի: «Կամ գոնե պետք է պատրաստվեն մոբիլիզացիային, ուժերը պետք է բերվեն մարտական պատրաստվածության: Բացի դրանից, միջազգային հանրությանը պետք է միանգամից սկսել ահազանգել, արդեն հիմա է պետք, որ ՀՀ դիվանագիտական կորպուսն սկսի միջազգային հանրության մոտ այս մասին բարձրաձայնել, որովհետև սա շատ մտահոգիչ է»,- շեշտեց նա:

 

Նա նշեց, որ կանխատեսում է զարգացումներ թե՛ բանակցային ֆոնի վրա, թե՛ ռազմաքաղաքական դաշտում: «Ինչ-որ նախանշանները կան, որ սպասվում են լուրջ զարգացումներ և մեր երկիրը պետք է պատրաստ լինի դրան»,- ասաց Համբարձումյանը:

 

Դիտարկմանը` վերջին շրջանում խոսվում է, որ սահմանային լարվածությունը նվազել է, նա նշեց, որ նվազել էր, քանի որ Արդբեջանը ողջ սահմանի երկայնքով իրականացնում էր ինժեներական աշխատանքներ, ամրապնդում էր սեփական դիրքերը: «Այդ առումով Ադրբեջանի հանրապետությանը ձեռք չէր տալիս սահմանային լարվածություն, որովհետև եթե հայկական կողմի հետ փոխհրաձգության մեջ մտնեին, այդ ինժեներական աշխատանքները կատարելը հնարավոր չէր լինի»,- ասաց բանախոսը:

 

Համբարձումյանը հավելեց, որ բանացությունների սեղանի շուրջ ադրբեջանական կողմից մեծ «գրոհ» է ակնկալում: «Երբ Փաշինյանն ասում է բանակցությունները հանուն բանակցությունների են, ես դա լուրջ չեմ ընկալում: Ադրբեջանական կողմը չի նստում բանակցությունների հանուն բանակցությունների: Ես ակնկալում եմ մեծ ճնշում հայկական դիվանագետների վրա և չեմ բացառում, որ այդ ընթացքում որոշակի սահմանային սրացումներ կլինեն՝ հայկական կողմի վրա ավելի ընդգծված ճնշում գործադրելու համար: Այս զորավարժություններն արդեն ճնշում են»,- եզրափակեց նա:

 

website by Sargssyan