2019 թվականի առաջին կիսամյակում 98 վարորդներ ոչ սթափ վիճակու... ՀԱՍԱՐԱԿՈՒԹՅՈՒՆ
ՀՀ քաղաքացու համար վերացվել է ՌԴ մուտք գործելու արգելքը․ ՄԻՊ... ՔԱՂԱՔԱԿԱՆ
Հակառակորդը հրադադարի ռեժիմը մեկ շաբաթվա ընթացքում խախտել է ... ՀԱՍԱՐԱԿՈՒԹՅՈՒՆ
ՌԴ-ն չի հանձնի Միհրան Պողոսյանին. Դատախազություն ՔԱՂԱՔԱԿԱՆ
Վանաձոր-Ալավերդի-Բագրատաշեն ճանապարհահատվածը բեռնատարների հա... ՀԱՍԱՐԱԿՈՒԹՅՈՒՆ
Երևան, 18.Օգոստոս,
00
:
00
:
00
Փոխարժեք
478.65
$
560.79
Ջրի մակարդակը Սոչիի 4 գետերում վտանգավոր մակարդակի է հասել Աշխարհի բոլոր հայերի համար կա մեկ մայրաքաղաք և դա Երևանն է. Փաշինյան Նժդեհ գյուղի մոտակայքում այրվել է շուրջ 10 հա խոտածածկույթ Ավտոմեքենաներից գողություններ անող 51-ամյա տղամարդը վերջապես հայտնվեց ոստիկանությունում Ավտովթար` Գարեգին Նժդեհի և Մայիսի 9-ի փողոցների խաչմերուկում Ալյասկայում աննախադեպ շոգը կարող էր սաղմոնների զանգվածային մահվան պատճառ դառնալ. գիտնականներ (ֆոտո) Երեւանում Mitsubishi-ն բախվել է երկաթե արգելապատնեշներին. Վարորդը հիվանդանոցից հեռացել է՝ առանց բժիշկներին ասելու Ալավերդիում երկրորդ հարկի պատուհանից ընկած 3-ամյա փոքրիկն ուղղաթիռով տեղափոխվել է Երևան Չինաստանում «երկնային» օդանավակայան է շահագորման հանձնվել Ձմերուկի դաշտից 150 կգ ձմերուկ է քաղել, հավաքել, որ «Նիվա»-ով գողանա, բայց վերջին պահին բռնվել է Արայիկ Ղազարյանի զորամասում քննություն է իրականացվում. Արծրուն Հովհաննիսյան Եղանակը Հայաստանում. ջերմաստիճանը կայուն է 2019 թվականի առաջին կիսամյակում 98 վարորդներ ոչ սթափ վիճակում վարելու համար զրկվել են վարորդական իրավունքից

Ան­ցու­մա­յին կոչ­վող վի­րուսն ու «տնտե­սա­կան հե­ղա­փո­խու­թյու­նը»

Սա Հարկային օրենսգրքի միջանկյալ, նախնական տարբերակ է, մեծ հաշվով, Հարկային օրենսգրքի փոփոխություն չէ: Հարկային օրենսգրքի նախագծով առաջարկվող փոփոխությունները հրատապ խնդիրների լուծման համար են: Գլոբալ փոփոխությունը, որը կհամապատասխանի հայտարարված տնտեսական նպատակներին, հետո կունենանք. երեկ այսպիսի մեկնաբանություն է տվել խորհրդարանական մեծամասնության ներկայացուցիչներից մեկը։

Անցումային շրջանին բնորոշ այս բարդույթը բնորոշ է ոչ միայն Հարկային օրենսգրքին ու նրա շուրջ ծավալված քննարկումներին, այլ՝ առհասարակ։ Այնպիսի տպավորություն է, որ հետհեղափոխական իշխանության համար անցումային, կամ, այսպես կոչված, ադապտացիոն փուլն այդպես էլ չի ավարտվում, ու երկիրն ապրում է անկանխատեսելիության ու անորոշության մի շրջան, որի ավարտը չի երևում։

Մասնավորապես, կարող ենք դիտարկել կառավարության կառուցվածքի խնդիրը։ Խորհրդարանական ընտրություններից անցել է երեք ամիս, սակայն ԱԺ-ն դեռ չի հաստատել կառավարության նոր կառուցվածքը, ու գործող կառավարությունը գործում է օրինականության դաշտի սահմանագծին։ Օրինակ, աբսուրդ է, որ մշակույթի նախարարությունը փաստացի միավորվել է կրթության նախարարությանը, սակայն դեռ շարունակում է իր դե յուրե գործունեությունը, նույնիսկ՝ արտաքին գործընկերների հետ կնքելով համագործակցության փաստաթղթեր։ Ընդ որում՝ այնպիսի տպավորություն է, որ կառավարության կառուցվածքային փոփոխություններն իրականացվում են իրավիճակային լուծումների թելադրանքով ու մինչև այժմ կառավարությունում հստակ պատասխաններ չկան, թե պետական համակարգում քանիսն են կորցնելու աշխատանքը, ինչքան գումարներ է տնտեսելու բյուջեն, կամ՝ արդյո՞ք այդ տնտեսումներն արդարացված են, այսինքն՝ նպաստում են կառավարման որակի բարձրացմանը։

Ի դեպ, իրավիճակի զավեշտն այն է, որ երբ ընդդիմությունը իշխանությանը քննադատում է սուպերվարչապետական համակարգը պահպանելու մեջ, լսվում է պատասխան, թե այդ հարցը լուծվելու է, որովհետև ինստիտուցիոնալ ռեֆորմը դեռ առջևում է։ Սա նշանակում է, որ կառավարության մակարդակով հաստատված կառուցվածքային փոփոխությունները հայեցակարգային չեն ու պետական համակարգը շարունակելու է ապրել անցումային ռեժիմում, ինչը ենթադրում է, որ անորոշությունն ու քաոսն իշխանության միջին ու ստորին օղակներում պահպանվելու են։

Նույնը վերաբերում է Հարկային օրենսգրքի փոփոխություններին։

Նիկոլ Փաշինյանը գերակա է համարել տնտեսական հեղափոխության իրականացումը՝ այդ օրակարգն առաջնահերթություն համարելով իշխանության բոլոր մարմինների, անգամ՝ դիվանագիտական ծառայությունների համար։ Սակայն պարզվում է՝ Հարկային օրենսգրքի փոփոխություններն ամենևին էլ հեղափոխական չեն, ու եթե գլոբալ խնդիրներ չեն լուծում, մնում է ենթադրել, որ տնտեսական հեղափոխության ձգտող կառավարությունն ընդամենը փորձում է բյուջե լցնել, ըստ ամենայնի՝ քողարկված ու ակնառու խնդիրներ ստեղծելով միջին ու փոքր բիզնեսի համար։

Ավելորդ է ասել, որ հարկային օրենսդրությունը կենսական նշանակություն ունի երկրի տնտեսության զարգացման գործում։ Եթե ՀՕ-ի այսօրվա փոփոխությունների հարցում անգամ կառավարությունում չկա կոնսենսուս, կամ «Իմ քայլը» խորհրդարանական խմբակցությունում խոսում են դրա իրավիճակային կամ ժամանակավոր լինելու մասին, ապա դա ոչ միայն շփոթ է առաջացնելու Հայաստանի գործարարության շրջանում, այլ մեծապես խոչընդոտելու է ներդրումային բարենպաստ համատեքստի ձևավորմանը. ինքնին հասկանալի է, որ ոչ մի օտարերկրյա գործարար իր փողերը Հայաստանում չի ներդնի՝ առնվազն այնքան ժամանակ, քանի դեռ հստակեցված չեն խաղի կանոնները։

Սակայն խնդիրն ավելի խորքային է, քան կոնկրետ օրինագծերը կամ նրանց ճակատագիրը։ Քանի երկրում չի հաղթահարվել, այսպես կոչված, ադապտացիոն փուլը, անիմաստ է խոսել ռազմավարական ծրագրերի, երկարաժամկետ զարգացման մասին։ Այս համատեքստում տնտեսական հեղափոխության թեզը դառնում է միֆ։ Ի վերջո, գրեթե մեկ տարին բավարար էր, որպեսզի հաղթահարված լիներ անցումային փուլը, մանավանդ, որ, այսպես կոչված, «հակահեղափոխության ռևանշի» վտանգն ինստիտուցիոնալ մակարդակում վերացված է։

Մյուս կողմից՝ այնպիսի տպավորություն է, որ կառավարությունը չունի հայեցակարգաին մոտեցումներ ու հետևողականություն։ Չնչին բացառություններով՝ կառավարությունը զբաղված է ոչ թե ռեֆորմներով, այլ հասարակական տրամադրությունների փորձարկումներով։ Պարբերաբար շրջանառության մեջ են դրվում նախաձեռնություններ, որոնք արագ չեղարկվում են նույնիսկ ոչ թե հանրային կամ քաղաքական դիսկուրսի, այլ՝ ֆեյսբուքյան ոչ մասնագիտական, հաճախ՝ էմոցիոնալ քննարկումների հետևանքով։ Նման մտածողությամբ ու գործելաոճով ոչ միայն տնտեսական հեղափոխության չենք հասնի, այլ երկիրը կնույնացնենք անկայունության ու անկանխատեսելիության հետ, որտեղից կապիտալը գերադասում է փախչել։ Անցումային կոչվող վիրուսը կարող է կաթվածահար անել պետական համակարգը, տնտեսական հարաբերությունները։

ՍՈՒՐԵՆ ՍՈՒՐԵՆՅԱՆՑ

website by Sargssyan