Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
Կստացվի ինչպես մի՞շտ ՔԱՂԱՔԱԿԱՆ
Իշխանությունների «դեսանտը» ՔԱՂԱՔԱԿԱՆ
Աջակցությունն անարդյունավետ չէ՝ որոշակի բացառություններով ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (25 ՄԱՅԻՍԻ). Հայաստանում կայացել են խորհր... ՀԱՍԱՐԱԿՈՒԹՅՈՒՆ
Երևան, 26.Մայիս,
00
:
00
:
00
Փոխարժեք
478.65
$
560.79
ԼՂՀ գլխավոր դատախազին պահանջում եմ ուսումնասիրել Ջիվան Աբրահամյանի ելույթում հնչեցված սպառնալիքները` ուղղված Բակո Սահակյանին. Արշավիր Ղարամյան PARA TV-ի հնչյուրային օպերատորը միջադեպի ժամանակ մարմնական վնասվածք է ստացել Լոռու մարզում բախվել են 60-ամյա վարորդի «Նիվան» ու ոստիկանության «УАЗ»-ը. Shamshyan.com Ճանապարհաշինարարության համակարգում չկա կառավարում, սխալ է մրցույթի ընտրման կարգը, որի հիմնական սկզբունքը գինն է. Հակոբ Գյուլզադյան Սիրիական բանակը ոչնչացրել է գրոհայինների հրթիռային համակարգերը Գեղարքունիքում 40-ամյա վարորդը Nissan-ով դուրս է եկել երթևեկելի գոտուց և հայտնվել առվի մեջ. կա վիրավոր (ֆոտո) Փարիզում ոստիկանությունն արցունքաբեր գազ է կիրառել «դեղին բաճկոնների» դեմ Մոսկվայի հայ համայնքը հայկական եկեղեցու բակում ներկայացրել է ազգային Քոչարին (տեսանյութ) Վանաձոր-Դիլիջան ճանապարհը այս տարվա հիմնանորոգման ծրագրում է, հետեւաբար այստեղ փոսային նորոգումներ նախատեսված չեն Ադրբեջանի Պետական անվտանգության ծառայության պետը պատմել է Ադրբեջանի դեմ ծրագրերի մասին Խոշոր հրդեհ Անուշավանի տներից մեկում. դեպքի վայր է մեկնել երկու մարտական հաշվարկ (ֆոտո) Երեւանում 28-ամյա վարորդը Mercedes-ով տապալել է ծառն ու բախվել բնակելի շենքի պատին (ֆոտո) ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Իշ­խա­նա­կան գոր­ծո­նը՝ բա­րե­գոր­ծա­կան հիմ­նադ­րամ­նե­րում. ին­չո՞ւ փոխ­վեց «Ռի­տա Սարգ­սյա­նի հիմ­նադ­րա­մի» նվի­րատ­վու­թյուն­նե­րի չա­փը

Բարեգործության մշակույթի և այդ առաքելությունը որդեգրած հիմնադրամների գործունեությունն ինչպես նախկինում, այժմ ևս հանրության ուշադրության կենտրոնում է: Վերջերս լայն քննարկման արժանացավ նախորդ տարի ստեղծված «Ժպիտների քաղաք» և «Իմ քայլը» բարեգործական հիմնադրամների գործունեությունը, նվիրատու ընկերությունների ու անհատների ցանկը: «Ժպիտների քաղաք» հիմնադրամի հոգաբարձուների խորհրդի նախագահը ՀՀ վարչապետի տիկին Աննա Հակոբյանն է: Փետրվարին կայացած ասուլիսի ժամանակ նա հայտարարեց, որ հիմնադրամի գործունեության 5 ամիսների ընթացքում հիմնադրամի հաշվին մուտք է եղել 264 մլն դրամ։ Հիմնադրամի պաշտոնական կայքում հրապարակված հաշվետվության համաձայն՝ 2018թ.-ին 77 նվիրատվություն է եղել, երեկվա դրությամբ՝ 2019թ.-ին էլ եղել է 19 նվիրատվություն: Մարտի 12-ի դրությամբ հիմնադրամը 80 357 338 դրամի աջակցություն է տրամադրել: Իսկ միայն հունվար ամսվա ընթացքում, ըստ հաշվետվության, հիմնադրամն օգնել է 42 երեխայի և երիտասարդի՝ ստանալու անհրաժեշտ դեղորայք, լաբորատոր զննում և այլ բժշկական միջամտություններ: Իհարկե, նպատակն ու արդյունքները ողջունելի են, բայց խնդիրը, որին այսօր ուզում ենք անդրադառնալ, մի փոքր այլ դաշտում է: Խոսքը բարեգործության, նվիրատվություններ տալու և դրանք ստանալու հարցում իշխանական գործոնի առկայության կամ բացակայության մասին է: 

2018թ. Հայաստանում տեղի ունեցած հեղափոխությունից հետո «Նվիրիր կյանք» հիմնադրամը հայտարարեց գործունեությունը ժամանակավորապես դադարեցնելու մասին: Այնուամենայնիվ, հիմնադրամի ներկայացուցիչները հետո հավաստիացրեցին, որ գործունեությունը շարունակելու է: Նշենք, որ հիմնադրամի նպատակն օնկոլոգիական, հեմոտոլոգիական և այլ ծանր հիվանդություններ ունեցող երեխաներին օգնություն ցուցաբերելն է: 

 
 
Реклама 16
 

Մինչ 2018թ. հայտնի իրադարձությունները «Նվիրիր կյանք» հիմնադրամի հոգաբարձուների խորհրդի նախագահը ՀՀ երրորդ նախագահի կինն էր՝ Ռիտա Սարգսյանը: Հիմա Ռիտա Սարգսյանը հոգաբարձուների խորհրդի կազմում է, բայց իր անվան դիմաց ոչ թե հոգաբարձուների խորհրդի նախագահ, այլ երաժիշտ է գրված: 

Մի փոքր ուսումնասիրեցինք «Նվիրիր կյանք» հիմնադրամի կայքում հրապարակված հաշվետվությունները: 

Դիտարկելով դրանք՝ նկատեցինք, որ 2018թ. մայիսից հետո նվիրատուների ցանկում հիմնականում գերակշռում են հանրությանը ոչ հայտնի անհատները, կային նաև մի քանի ընկերություններ: Այդուհանդերձ, նվիրաբերված գումարները նախորդ տարիների պես հիմնականում կլորիկ չէին: 2019թ. տվյալներն էլ այդ առումով էական փոփոխության չէին ենթարկվել: 

«Նվիրիր կյանքի» ներկայիս ֆինանսական հոսքերի, հիմնադրամի այժմյան գործունեության վերաբերյալ մի շարք հարցեր ուղղեցինք հիմնադրամի ներկայացուցչին:

Հիմնադրամի փոխտնօրեն Նունե Ավանեսյանը մեզ հետ զրույցում նախ ընդգծեց, որ իրենք շարունակում են աշխատել այնպես, ինչպես մինչ 2018թ. ապրիլ-մայիս ամիսներին էին աշխատում: Այդուհանդերձ, փոխտնօրենը չժխտեց, որ խնդիրներ կան:

«Մեր գործունեության մեջ ոչինչ չի փոխվել, բայց, ելնելով տարբեր հանգամանքներից, գումարի հայթայթումն անկասկած ավելի է դժվարացել: Քանի որ մեր պատվավոր նախագահը առաջին տիկինն էր, գումարի հայթայթումը մի փոքր ավելի հեշտ էր, թեև միշտ այդ խնդիրը մենք ունեցել ենք: Հաշվի առնելով համապատասխան գումարների հայթայթումը՝ հիմա նաև մեր հաշիվների չափն է փոխվել. նախկինում հնարավորություններն ավելի մեծ էին, քան այսօր, բայց ոչ մի կտրուկ փոփոխություն մեզ մոտ տեղի չի ունեցել: Այսինքն, մենք ինչպես աշխատում էինք, այդպես էլ շարունակում ենք մեր աշխատանքը»,-ասաց նա:

Ինչ վերաբերում է վերոնշյալ փոքրիկ ուսումնասիրությանը, փոխտնօրենն արձագանքեց. «Ինչպես նկատել եք, այո, մեր հիմնական նվիրատուները եղել են ոչ հայտնի մարդիկ: Դա նաև մեր հաշվետվությունների մեջ է երևում: Այնտեղ կան անհատներ, մեկը, օրինակ, 1000 դրամ, մյուսը, օրինակ, 100 հազար դրամ է փոխանցել: Այսպիսի նվիրատվություններ մեզ մոտ ավելի շատ են եղել, քան գործարարների կողմից: Ինչ վերաբերում է գործարար անձանց, ընդհանրապես, ով որքանով կարողացել, աջակցել է: Եղել է ձեռնարկություն, որը 50 հազար դրամ է փոխանցել, մենք դրա համար էլ ենք շնորհակալ եղել: Եղել է նաև նամակ, որտեղ նշվել է 1000 դոլար գումարի մասին: Վերջին նամակ-խնդրանքի արձագանքը շատ տխուր էր, մենք նվիրատվություն չունեցանք: Մենք շատ դեպքերում նաև պատասխան նամակներ էինք ստանում, որտեղ նշված էր լինում առկա ֆինանսական խնդիրների, դժվարությունների մասին: Դա էլ ենք հասկացել, այդպես էլ է եղել, որ չեն կարողացել օգնության ձեռք մեկնել»:

Հարցին, թե կարո՞ղ է արձանագրել, որ, այդուհանդերձ, մերժողական պատասխանները հիմա ավելի շատ են, քան նախկինում, երբ հոգաբարձուների խորհրդի նախագահը Ռիտա Սարգսյանն էր, Ն. Ավանեսյանն արձագանքեց. «Այո: Դա նաև ակնհայտ է մեր կայքում հրապարակված նվիրատվությունների քաղվածքներում: Թաքցնելու իմաստ էլ չկա՝ այդպես է»:

Նունե Ավանեսյանը նաև հավելեց՝ քանի որ 2018թ. ապրիլից իրենց հնարավորությունները պակասել են, ավելի քիչ երեխաների են կարողացել աջակցել. «Բայց մենք այսօրվա դրությամբ մոտ 750-780 շահառու երեխա ունենք: Տարիների ընթացքում շահառուների թիվն ավելացել է»:

ԱՆՆԱ ԲԱԴԱԼՅԱՆ

website by Sargssyan