Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
Կստացվի ինչպես մի՞շտ ՔԱՂԱՔԱԿԱՆ
Իշխանությունների «դեսանտը» ՔԱՂԱՔԱԿԱՆ
Աջակցությունն անարդյունավետ չէ՝ որոշակի բացառություններով ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (25 ՄԱՅԻՍԻ). Հայաստանում կայացել են խորհր... ՀԱՍԱՐԱԿՈՒԹՅՈՒՆ
Երևան, 26.Մայիս,
00
:
00
:
00
Փոխարժեք
478.65
$
560.79
ԼՂՀ գլխավոր դատախազին պահանջում եմ ուսումնասիրել Ջիվան Աբրահամյանի ելույթում հնչեցված սպառնալիքները` ուղղված Բակո Սահակյանին. Արշավիր Ղարամյան PARA TV-ի հնչյուրային օպերատորը միջադեպի ժամանակ մարմնական վնասվածք է ստացել Լոռու մարզում բախվել են 60-ամյա վարորդի «Նիվան» ու ոստիկանության «УАЗ»-ը. Shamshyan.com Ճանապարհաշինարարության համակարգում չկա կառավարում, սխալ է մրցույթի ընտրման կարգը, որի հիմնական սկզբունքը գինն է. Հակոբ Գյուլզադյան Սիրիական բանակը ոչնչացրել է գրոհայինների հրթիռային համակարգերը Գեղարքունիքում 40-ամյա վարորդը Nissan-ով դուրս է եկել երթևեկելի գոտուց և հայտնվել առվի մեջ. կա վիրավոր (ֆոտո) Փարիզում ոստիկանությունն արցունքաբեր գազ է կիրառել «դեղին բաճկոնների» դեմ Մոսկվայի հայ համայնքը հայկական եկեղեցու բակում ներկայացրել է ազգային Քոչարին (տեսանյութ) Վանաձոր-Դիլիջան ճանապարհը այս տարվա հիմնանորոգման ծրագրում է, հետեւաբար այստեղ փոսային նորոգումներ նախատեսված չեն Ադրբեջանի Պետական անվտանգության ծառայության պետը պատմել է Ադրբեջանի դեմ ծրագրերի մասին Խոշոր հրդեհ Անուշավանի տներից մեկում. դեպքի վայր է մեկնել երկու մարտական հաշվարկ (ֆոտո) Երեւանում 28-ամյա վարորդը Mercedes-ով տապալել է ծառն ու բախվել բնակելի շենքի պատին (ֆոտո) ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Ստոր­գետ­նյա ավ­տո­կա­յա­նա­տե­ղին կապ չու­նի կա­նա­չա­պատ­վե­լիք տա­րած­քի հետ

Օպերայի տարածքում գործող սրճարանների ապամոնտաժման ժամանակ բարձրացված աղմուկ-աղաղակից հետո, երբ «Ջազզվե» սրճարանի տնօրինությունը հայտարարություն տարածեց, որ այլևս բողոքի ակցիաներ չի իրականացնելու, հասարակության շրջանում սկսեցին այլ՝ ապամոնտաժման հետ կապ չունեցող թեմաներ շրջանառել: Հիմա էլ, թե՝ տարածքը կանաչապատելու դեպքում կվնասվի Օպերայի շենքի հարակից ստորգետնյա ավտոկայանատեղին և կենտրոնը մեքենաներից լիցքաթափող այդ կարևորագույն կառույցի ապագան կարող է հարցականի տակ դրվել, եթե ծառեր տնկվեն, դրանց արմատներն ու ոռոգման համակարգը ժամանակի ընթացքում կվնասեն այդ կառույցը:

Հայաստանի ճարտարապետների միության նախագահ Մկրտիչ Մինասյանը «Փաստի» հետ զրույցում նշեց, որ նման ասեկոսեներ տարածողները պարզապես չգիտեն, թե Օպերայի հարակից ստորգետնյա ավտոկայանատեղին որտեղ է սկսվում և որտեղ ավարտվում:

«Կանաչապատումը չի կարող վնաս պատճառել ստորգետնյա ավտոկայանատեղիին, քանի որ այն հատվածը, որտեղ գտնվում է կառույցը, սահմանափակվում է ասֆալտապատ տարածքով, իսկ մնացած տարածքներում հիմնական գրունտն իր հողային շերտերով պահպանված է: Այսինքն, ավտոկայանատեղին ավարտվում է երեխաների խաղահրապարակի հատվածում, և այնտեղ, որտեղից սկսվում են սրճարանները, որևէ կապ չունեն այդ շինության հետ: Միայն մի փոքր հատված կա՝ կայանատեղիի մուտքից մինչև ավտոկայանման հատված, բայց դա նույնպես հաշվի է առնվել, և այս առումով ևս որևէ խնդիր չկա»,- ասաց Մ. Մինասյանը:

Նախագծի պահանջներին համապատասխան կանաչապատում իրականացնելու համար մրցույթ է հայտարարվել: Մրցույթի ավարտից հետո հնարավոր կլինի մանրամասն ուսումնասիրել, թե որ ընկերության առաջարկած պայմաններն ու լուծումներն են ամենաշահեկանն ու գրագետը:

«Մրցույթ պետք է լինի, որպեսզի տեսնենք, թե ինչ առաջարկներ կան, բայց, ամեն դեպքում, պետք չէ որևէ մտահոգություն ունենալ: Ամեն ինչ հաշվի կառնվի, և այն մտահոգությունները, որոնք այսօր կան, վստահեցնում եմ, որ որևէ բանի չի խանգարի: Ո՛չ ոռոգման համակարգը, ո՛չ ծառերի արմատները չեն կարող ոչինչ վտանգել»,- ասաց Մ. Մինասյանը: 

Ճարտարապետների միության նախագահը նշեց նաև, որ կանաչապատում իրականացնելուն չի խանգարի անգամ նախկին բետոնապատ լինելու հանգամանքը, քանի որ այն ամբողջությամբ կմաքրվի, և դրա փոխարեն հողի նոր շերտ կլցվի: Եվ չնայած ճարտարապետները չեն զբաղվում նրանով, թե կարճ ժամանակահատվածում առավելագույն արդյունքի հասնելու համար հատկապես ինչ տեսակի ծառեր, բույսեր կամ բուսատեսակներ պետք է օգտագործել, բայց վստահեցրեց, որ մասնագիտական խումբը, որն աշխատում է Օպերայի տարածքի վերականգնման վրա, բոլոր հարցերին մանրակրկիտ ձևով ուշադրություն դարձնում է:

«Ճարտարապետների հետ աշխատող հարակից մասնագետները ևս այդ ամենը հաշվի կառնեն, և վստահեցնում եմ, որ վերականգնման նախագծում այդ ամեն ինչն արտացոլված կլինի: Այդ ամենը նախատեսված է նախագծով, և եթե ամեն ինչ նախագծվածի շրջանակներում իրականացվի, որևէ խնդիր էլ չի լինի»,- ասաց Մ. Մինասյանը:

Ճարտարապետների միության նախագահը նշեց նաև, որ ինչ ծառեր էլ տնկվեն, դրանք իրարից այնքան հեռու են, որ արմատները չեն էլ կարող անգամ ավտոկայանատեղիի պատերին հասնել: Բացի այդ, կառույցն այնպիսի նյութերից է կառուցված, որ արմատները եթե անգամ դրան հասնեն, չեն կարող վնասել: 

«Օպերայի բակի երկու օղակաձև հատվածներն ու ստորգետնյա ավտոկայանատեղին իրարից բավականին հեռու են: Բացի այդ, ժամանակակից տեխնոլոգիական լուծումներ կան, որոնք դենտրոլոգներին հնարավորություն են տալիս հետաքրքիր լուծումներ առաջարկել, իսկ տարածքը, որն ազատվելու է, բավարար է, որպեսզի այնտեղ նորմալ կանաչապատում իրականացվի: Եվ հասարակության շրջանում տարածվող խոսակցությունները, թե սա կլինի, նա կլինի, ընդամենը խոսքեր են, բայց դրանց մեջ բացարձակապես որևէ հիմք չկա: Այնպես որ, մենք կամաց-կամաց կունենանք այն բակը, որը շահեկան կլինի և՛ Օպերայի համար, և՛ տարածքի համար, որոնք անքակտելի միասնություն են»,- ասաց Մ. Մինասյանը: 

Օպերայի տանիքին տեղադրված ժամացույցը, որը նույնպես բավականին կոլորիտային էր երևանցիների համար, ճարտարապետի կարծիքով, կարելի է վերականգնել, որով իսկապես Օպերան ամբողջությամբ կվերադառնա իր նախկին տեսքին ու կվերգտնի իր երբեմնի հմայքն ու անդորրը:

ԱՐՄԻՆԵ ԳՐԻԳՈՐՅԱՆ

website by Sargssyan