ՊԱՏՄՈՒԹՅԱՆ ԱՅՍ ՕՐԸ (18 ՀՈՒԼԻՍԻ)․ Մե­ղադ­րանք է առա­ջադր­վել ... ՀԱՍԱՐԱԿՈՒԹՅՈՒՆ
Հակակոռուպցիոն պայքարի ար­դյունք­նե­րը դեռ շատ սիմ­վո­լիկ են ՄԻՋԱԶԳԱՅԻՆ
Որքանո՞վ են ավելացել փոխնախարարի դրամական միջոցները ՀԱՍԱՐԱԿՈՒԹՅՈՒՆ
«Թե՛ դի­մորդ­նե­րի թվի նվա­զու­մը, թե՛ քննու­թյուն­նե­րի ար­... ՀԱՐՑԱԶՐՈՒՅՑ
«Պետք է կարգավորել ՀԷԿ-երի գործունեությունը, հա­կա­ռակ դեպ­ք... ՀԱՐՑԱԶՐՈՒՅՑ
Երևան, 19.Հուլիս,
00
:
00
:
00
Փոխարժեք
478.65
$
560.79
Եվրոպայի լիգա․ «Ալաշկերտի» ցնծությունը Նոր նախադեպ է, երբ ՌԴ–ն փոխանցում է, Հայաստանը՝ մերժում. ադրբեջանցուն սպանած Արման Առաքելյանի շահերի ներկայացուցիչ Երեխուն ցերեկը քնացնում եմ, որ մի անգամ պակաս հաց ուտի. իջևանցիների բողոքը 7 ոստիկանի ծառայությունից ազատելու առաջարկով կարգապահական հանձնաժողովը դիմել է Վալերի Օսիպյանին Արա լեռան մոտ երկու մոտոցիկլետավար իջել են ձորը եւ չեն կարողացել դուրս գալ․ ահազանգ ԱԻՆ-ին Հրշեջ-փրկարարները մարել են մոտ 60.88 հա խոտածածկ տարածքներում բռնկված հրդեհները Որդին ծեծելով սպանել է 95–ամյա հորը Ողբերգական վրաերթ Երեւանում․ մահացել է 13-ամյա աղջիկ․ մի քանի երիտասարդ փորձել են հաշվեհարդար տեսնել վարորդի հետ Արդեն 22 քաղաքացի են բերման ենթարկվել. Վալերի Օսիպյան Իջևանի դեպքերը հանրությանը ներարկված կեղծ գաղափարների հետևանքն է Կողոպուտի համար հետախուզվող Վրաստանի քաղաքացին հայտնաբերվեց սահմանային անցակետում Սամվել Կարապետյանի եղբորորդին՝ Նարեկ Կարապետյանը, հարցազրույց է տվել ռուսական РБК-ին

Քաղ­տեխ­նո­լոգ. «Որ­քա­ն իջ­նում է վար­չա­պե­տի վար­կա­նի­շը, այն­քան թու­լա­նում է «սո­սին­ձը»»

Ինտրիգներ, հակասություններ, գուցեև վրիպակներ, բայց՝ միայն առաջին հայացքից: Սրանք այն հանգամանքներն են, որոնք կարող են բնութագրել իշխանության ներսում առկա որոշ գործընթացներ: Քաղտեխնոլոգ Արմեն Բադալյանի խոսքով, առհասարակ ցանկացած երկրի քաղաքական կյանքում միշտ պայքար և մրցակցություն է լինում: Որպես մրցակցության ամենացայտուն փուլ՝ մեր պարագայում մատնանշում է ԱԺ ընտրությունները, հետո խոսում արդեն հաղթող քաղաքական ուժի մասին:

«Այն ուժը, որը հաղթում է և դառնում իշխանություն, ձևավորում է գործադիր ապարատ: Բայց միշտ պետք է իմանալ, որ հաղթող ուժի մեջ նույնպես մրցակցություն կա. կարճ ժամանակում այդ ուժի մեջ ձևավորվում են տարբեր խմբավորումներ, որոնք փորձում են իշխող ու թելադրող դիրք ունենալ քաղաքական տվ յալ ուժի մեջ: Եվ եթե այդ ուժը ղեկավարվում է հեղինակավոր մարդու կողմից, բնականաբար, նրանք ցանկանում են ավելի մոտ լինել այդ հեղինակավոր անձին, և, միաժամանակ, իշխող դիրք ունենալ թե՛ ամբողջ կուսակցության մեջ, թե՛ գործադիր ապարատում: Սա նորմալ գործընթաց է թե՛ ժողովրդավարական, թե՛ նաև ոչ ժողովրդավար երկրների պարագայում: Անգամ  այդ դեպքում իշխանության մեջ միշտ լինում են խմբավորումներ, որոնք պայքարում են առաջինը լինելու համար: Սա միանշանակ է: Վերջին 30 տարվա ընթացքում այդ օրինակները մեզ մոտ բազմաթիվ են եղել»,-ասաց Ա. Բադալյանը՝ նշելով, որ այդպես եղել է թե՛ ՀՀՇ-ի, թե՛ ՀՀԿ-ի ժամանակաշրջանում:

«Հիմա իշխում է «Քաղաքացիական պայմանագիր» կուսակցությունը և, ինչպես ԱԺ-ում, այնպես էլ դրանից դուրս իշխող քաղաքական թիմում պարտադիր առաջանում են տարբեր խմբավորումներ, որոնք ցանկանում են իշխել: Եվ այդ խմբավորումը, իր ներկայացուցիչներին տարբեր պաշտոնների տեղավորելով, փորձում է լինել ամենաազդեցիկն ու թելադրողը: Հաշվի առնենք նաև այն, որ «ՔՊ»-ն լիդերային կուսակցություն է, որի գաղափարախոսությունը զուտ Նիկոլ Փաշինյանի կերպարն է: Բացի այդ, իշխող ուժը «սոսնձվող» է, այսինքն, ամուր կապողը վարչապետի բարձր վարկանիշն է: Քանի դեռ վարկանիշը բարձր է, իշխող քաղաքական թիմի միասնականությունն ավելի ամուր է, բայց որքան իջնում է վարչապետի վարկանիշը, այնքան թուլանում է «սոսինձը»: Իսկ որքան թուլանում է իշխող քաղաքական թիմը, այնքան այնտեղ եղած խմբավորումներն իրենց պատկերացումներն ու դիրքն ամրապնդելու համար ավելի ու ավելի են ինքնուրույն դառնում: Սա՝ առավել ևս այն դեպքում, երբ այդ ուժի մեջ կան տարբեր մարդիկ, որոնք տարբեր պատկերացումներ և մոտեցումներ ունեն թե՛ Հայաստանի ապագայի, թե՛ մեր արտաքին քաղաքականության առումով»,-շեշտեց մեր զրուցակիցը՝ ընդգծելով, որ նշվածն այժմ այդքան էլ տեսանելի չէ: 

«Հիմա դա չի երևում, որովհետև վարչապետի վարկանիշը բարձր է, թեև արդեն իսկ անկում կա: Այդուհանդերձ, երևում է մեկ այլ գործընթաց, երբ անհատ գործիչները սկսում են իրենց թիմակիցներին ավելի ու ավելի լավ պաշտոններում տեղավորել և հենց իրենց թիմի դիրքն ամրապնդել: Ինչ վերաբերում է միմյանց նկատմամբ իրականացվող տեղեկատվական արտահոսքերին, դա սովորական PR տեխոնոլոգիա է և կիրառվում է բոլոր երկրներում: Եթե ուզում ես քո դիրքն ամրապնդել, բնականաբար, պետք է թուլացնես մրցակից թիմերին, իսկ նրանց թուլացնելու տարբեր ձևեր կան: Ձևերից մեկը նրանց վերաբերյալ վարկաբեկիչ նյութեր շրջանառության մեջ դնելն է: Սա նորմալ գործընթաց է, բայց դրանից պետք է հետևություն անի վարչապետը: Մասնավորապես, պետք է հետևություն անի իր կուսակցությանը քաղաքական բովանդակություն տալու առումով: Այնուամենայնիվ, ենթադրում եմ, որ հետևություն չի լինի և այդ կառույցին քաղաքական գաղափարախոսություն չի տրվի: Փորձ, իհարկե, կարող է լինել, բայց առհասարակ լիդերային կառույցների ղեկավարները նման բան չեն անում, որովհետև հասկանում են, որ այդպիսով իրենք իրենց տեղը զիջելու են գաղափարախոսությանը»,-ասաց Արմեն Բադալյանը:

Քաղտեխնոլոգը նշեց, որ այսօր ներքաղաքական կյանքում առկա ամենագլխավոր խնդիրն այն է, որ Հայաստանը չունի զարգացման օրակարգ. «Սա ամենալուրջ խնդիրն է: Հենց այս հանգամանքն է ավելի մեծ վտանգ ստեղծելու իշխող ուժի համար, քանի որ երբ զարգացման վեկտոր չկա, որի ուղղությամբ պետք է շարժվել, բնականաբար, այդ իրավիճակը հանգեցնելու է նրան, որ նույն քաղաքական ուժի մեջ տարբեր խմբավորումներ են ի հայտ գալու»:

ԱՆՆԱ ԲԱԴԱԼՅԱՆ

website by Sargssyan