Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (22 ՀՈՒՆԻՍԻ). Սա­սուն Մի­քա­յե­լյա­նը 8 տ... ՀԱՍԱՐԱԿՈՒԹՅՈՒՆ
«Քա­րա­հուն­ջի» պե­ղում­նե­րի թնջու­կը.ի՞նչ է իրա­կա­նում կա... ՀԱՍԱՐԱԿՈՒԹՅՈՒՆ
Ի՞նչ եկամուտ, գույք և դրամական միջոց է հայտարարագրել Արարատ ... ՀԱՍԱՐԱԿՈՒԹՅՈՒՆ
Ին­չո՞ւ են վե­րա­դար­ձել դա­տարկ ճամպ­րուկ­նե­րով ՄԻՋԱԶԳԱՅԻՆ
Երևան, 24.Հունիս,
00
:
00
:
00
Փոխարժեք
478.65
$
560.79
Մենք այս քաղաքում գրկելու ենք թե հային, թե հույնին, թե հրեային. Ստամբուլի նոր քաղաքապետ ‹‹Բացահայտիր ողջ ներուժը››. American Express Gold Արամ Կարախանյանը նշանակվել է Կադաստրի կոմիտեի ղեկավարի տեղակալ Գեներալ-մայոր Միքայել Արզումանյանը նշանակվել է Արցախի ՊԲ հրամանատարի տեղակալ Ճանաչողական այցը՝ համագործակցության սկիզբ Մանկավարժական համալսարանի մասնաշենքերից մեկում 60 ուսանող է տարհանվել. գազի հոտից 2 ուսանողի ինքնազգացողությունը վատացել է Ուկրաինայի ԿԸՀ-ն մերժել է պատգամավորի թեկնածու գրանցել Սաակաշվիլու կուսակցության անդամներին Տղամարդուն կինը գտել է դանակը կրծքավանդակում խրված Ջերմաստիճանը 3-4 աստիճանով կնվազի. շրջանների զգալի մասում սպասվում է կարճատև անձրև և ամպրոպ Հայաստանի շուրջ անվտանգային միջավայրը ոչ միայն չի լիցքաթափվել, այլեւ հակառակը. Փաշինյանը՝ Անվտանգության խորհրդի նիստում Պուտինի հրամանով ՌԴ Կենտրոնական ռազմական շրջանում մարտական պատրաստության անսպասելի ստուգում է սկսվել

Դաս­ղե­կը պա­հան­ջում է իրեն մանր-մունր նվեր­նե­րով չվի­րա­վո­րել

ՀՀ ԿԳ նախարարն օրերս լրատվամիջոցներից մեկի հետ զրույցում նշել է, որ հանրակրթության ոլորտում բավականին գործ կա անելու, սակայն, ենթադրելի է, որ խոսքը նաև արատավոր երևույթների դեմ պայքարի մասին է: Սակայն, ինչպես երևում է, որոշ դպրոցներում հին ավանդույթները նույն ոգով շարունակվում են: Օրերս խմբագրությունն Արտաշատի թիվ 1 դպրոցից ահազանգ ստացավ այն մասին, որ 4-րդ դասարաններից մեկի դասղեկ Նունե Շահբազյանը մարտի 8-ին ճոխ նվեր չստանալու պատճառով «վիրավորվել» է ծնողներից: Ի դեպ, դասարանի մեծ մասը նպաստառու ընտանիքից է, անգամ երեխաների ճաշարան գնալու փողն են մեծ դժվարությամբ մուծում, բայց, ինչպես երևում է, դա ամենևին էլ չի հետաքրքրում նոր դասղեկին: Նույն այդ ծնողներից նա պահանջում է, որ իրեն ճոխ նվերներ տան, քանի որ ստից-մտից նվերներն ամաչում է տուն տանել, որովհետև ինքն ավելիին է արժանի: 

Ծնողները հայտնվել են անելանելի վիճակում և չգիտեն՝ ինչպես վարվել: Ստացվում է, որ թեև ամենաբարձր մակարդակով հրապարակավ հայտարարում են, թե արատավոր երևույթները դպրոցներում վերացել են, սակայն իրականում ամենաներքևի և ռիսկային ոլորտներում շատ բան ուղղակի նույնն է մնացել:

Նշված դպրոցի 4-րդ դասարանի ծնողներից Հասմիկ Հովասափյանը, «Փաստի» հետ զրույցում անդրադառնալով նշյալ իրադարձություններին, նշեց, որ թեև Նունե Շահբազյանն այս տարվանից է իր երեխայի դասարանի դասղեկը դարձել, բայց ուսումնական տարվա սկզբին արդեն, ուսուցչի օրվա տոնի առիթը բաց չթողնելով, հասցրել է ծնողներից դժգոհել, որ իրեն էժանագին նվերներ են տալիս, ինչին ինքն արժանի չէ:

«Ծնողներն էլ ասացին՝ մի քիչ համբերեք, ձեզ անպայման մի նվեր կտանք: Դրանից հետո սկսեց մեզնից դժգոհել, թե մենք անտարբեր ծնողներ ենք և իր արածները չենք գնահատում: Մենք ասում էինք, որ դեռ մի ամիս ենք շփվում, մի քիչ թող անցնի, հետո յուրաքանչյուրս 1000 –ական դրամ կհավաքենք, դասղեկից շնորհակալություն կհայտնենք: Մեր կողմից տված թեթև նվերները չվերցրեց և, արհամարհելով, թողեց դասարանում, այն մտքով, թե դա ի՞նչ նվեր է, որ վերցնի: Ծնողկոմիտեին ասել է, որ ինքը երկու հարկանի տուն ունի, սա ունի, նա ունի, մեր ծնողկոմիտեն էլ ասել է, որ եթե այդքան բան ունեք, ինչո՞ւ եք նվեր չտալու մասին անընդհատ խոսում»,- ասաց Հ. Հովասափյանը:

Դասղեկ-ծնողկոմիտե խոսք ու զրույցի ժամանակ Ն. Շահբազյանը նշել է նաև, որ մյուս դասղեկները ճոխ նվերներ են ստանում, ինչից ինքն իրեն բավականին վատ է զգում: Նախորդ դասղեկական դասարանի ծնողները նորերին հասցրել են զգուշացնել, սակայն ծնողները հույս են ունեցել, որ երկրում փոխված իրավիճակից ուսուցչուհին վերափոխված կլինի:

«Բայց նա մեզ հիասթափեցրեց: Ու մենակ ինքը չի: Մեր հարևաններն, ում երեխաները կրկին տղայիս դպրոցն են գնում, ավելի սարսափելի բաներ են կատարվում: Ասում են, որ առիթի ժամանակ յուրաքանչյուրը 1000-ական դրամ գումար է հավաքում, որ ուսուցչուհին 30-35 հազար դրամ գումար նվեր ստանա: Լսել ենք նաև, որ կան դասղեկներ, ովքեր համեստորեն հրաժարվել են այդ 20-30 հազարական դրամից, բայց կան նաև այնպիսիք, որ եթե ծնողները սխալվեն և ամեն առիթի ժամանակ նրանց հատուկ չշնորհավորեն, և՛ երեխաները, և՛ ծնողները արհամարհական վերաբերմունքի կարժանանան»,- ասաց Հ. Հովասափյանը:

Այս ամենի մասին ծնողները տեղյակ չեն պահել տնօրենին՝ մտածելով, որ նա այդ ամենից տեղյակ կլինի: Բայցև մտածում են, որ եթե քայլեր չի ձեռնարկում նման դեպքերը կանխելու համար, ուրեմն անկարող է երևույթների դեմ պայքարել: Բարեբախտաբար, նման մթնոլորտի պայմաններում երեխաները չեն ընկճվում, չնայած ծնողները նման արհամարհանքը շատ ծանր են տանում: 

«Կան նաև ծնողներ, որոնք անհատական վերաբերմունք են ցուցաբերում, որպեսզի հանկարծ դասղեկն իրենց երեխայի հետ չթարսվի: Դպրոցում նույնիսկ կավիճ, էլեկտրական լամպ չի լինում: Դա էլ ենք մենք գնում: Եվ չնայած տնօրենը մի քանի անգամ հայտարարել է, որ նման բան անելն արգելվում է, բայց հարց է ծագում, թե ինչո՞ւ դպրոցում երբեք նորմալ կավիճ չի լինում: Էլ չեմ ասում, որ ձմռան մութ օրերին դասարանի լամպը փչացել էր, մի քանի անգամ դպրոցի տնտեսական մասի ղեկավարին ասեցինք այդ մասին, հետո տեսանք՝ ոչինչ չեն անում: Ստիպված մենք մեր ձեռքով գնեցինք, բերեցինք փոխեցինք լամպը, որ երեխաները կարողանան գրատախտակի գրածը տեսնեն»,ասաց ծնողը: 

Մենք փորձեցինք կապ հաստատել նաև նշված դպրոցի տնօրենի հետ, սակայն տեղեկատուներում հրապարակված ոչ մի հեռախոսահամար չէր գործում: Ամեն դեպքում պատրաստ ենք ներկայացնել նաև դպրոցի ղեկավարության կարծիքն ու դասարանի դասղեկ Ն. Շահբազյանի մեկնաբանությունները:

ԱՐՄԻՆԵ ԳՐԻԳՈՐՅԱՆ

website by Sargssyan