Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
Քա­ղա­քա­կան դաշ­տի «դա­վադ­րա­պաշ­տա­կան» էլե­մենտ­նե­րը ՎԵՐԼՈՒԾԱԿԱՆ
Վարչապետը հանդիմանել է Ջանջուղազյանին ՔԱՂԱՔԱԿԱՆ
Բանակի թեմայով հերթական շահարկումը ՔԱՂԱՔԱԿԱՆ
«Իզմ»-եր, այնուամենայնիվ, պետք են ՔԱՂԱՔԱԿԱՆ
Երևան, 21.Ապրիլ,
00
:
00
:
00
Փոխարժեք
478.65
$
560.79

Նազարբաևը հրաժարականից առաջ որոշումը քննարկել է Պուտինի հետ

Ղազախստանի նախագահ Նուրսուլթան Նազարբաևը մարտի 19-ին իր լիազորությունները վայր դնելու որոշման մասին պաշտոնապես հայտարարելուց առաջ հեռախոսազրույց է ունեցել իր ռուս գործընկեր Վլադիմիր Պուտինի հետ:

Ինչպես նշում է kommersant.ru-ն, հեռախոսազրույցը տեղի է ունեցել ցերեկը:

ՌԴ նախագահի խոսնակ Դմիտրի Պեսկովի փոխանցմամբ՝ հեռախոսազրույցի բովանդակության մասին տեղեկություն չկա:

Մինչդեռ minval.az-ը մեջբերում է Ղազախստանի նախագահի մամուլի ծառայության տարածած հաղորդագրությունը, համաձայն որի՝ Պուտինն ու Նազարբաևը քննարկել են վերջինիս հրաժարականի հարցը:

«Պետությունների ղեկավարները խոսել են Նուրսուլթան Նազարբաևի՝ 2019թ. մարտի 20-ից Ղազախստանի Հանրապետության նախագահի լիազորությունները վայր դնելու որոշման մասին»,-ասվում է հաղորդագրությունում:

Հայտնի է, որ կողմերը պայմանավորվել են ապագայում շարունակել կանոնավոր շփումները:

Ինչպես ավելի վաղ հայտնել էր tert.am-ը, Ղազախստանի նախագահ Նուրսուլթան Նազարբաևը մարտի 19-ին ժողովրդին ուղղված հատուկ ուղերձում հայտարարել է երկրի ղեկավարի լիազորությունները վայր դնելու որոշման մասին:

«Ես որոշում եմ ընդունել դադարեցնել որպես նախագահ իմ լիազորությունները»,- ասել է նա իր տեսաուղերձում:

Նազարբաևը ժողովրդին ուղղված ուղերձում հայտնել է, որ տվյալ որոշումը հեշտ չի եղել:

«Ես բարդ որոշում եմ կայացրել: Ինձ ընձեռվել էր անկախ երկրի առաջին նախագահը լինելու մեծագույն պատիվը: Մենք ձեզ հետ կարողացանք ԽՍՀՄ փլատակների վրա հաջողակ պետություն կառուցել. մենք մեր դրոշն ու զինանշանն ունենք»,-ասել է նա:

Նա հավելել է, որ նախագահի լիազորությունները փոխանցվել են երկրի խորհրդարանի վերին պալատի նախագահ Քասիմ Ժոմարտ Տոկաևին:

Նազարբաևը նախագահել է 1990թ. ապրիլի 24-ից: Վերջին անգամ նա երկրի ղեկավարի պաշտոնում էր վերընտրվել 2015թ. ապրիլին, երբ կայացել էին արտահերթ նախագահական ընտրություններ: Սա Նազարբաևի պաշտոնավարման 5-րդ ժամկետն է:

website by Sargssyan