Իրաքում լաստանավի խորտակման զոհերի թիվը հասել Է 96-ի. INA
Իրաքի Մոսուլ քաղաքում լաստանավի խորտակման զոհ Է դարձել 96 մարդ: Այդ մասին, ինչպես տեղեկացնում Է «Արմենպրես»-ը, մարտի 22-ին հայտնել Է INA գործակալությունը՝ վկայակոչելով Նայնավայի նահանգի անվտանգության մարմինների մի աղբյուր:
«Տուրիստական լաստանավի խորտակման զոհերի թիվը հասել Է 96-ի, եւս ութ մարդ համարվում Է անհայտ կորած, փրկարարական բրիգադները շարունակում են նրանց որոնումները»,- հայտարարել Է աղբյուրը: Մարտի 22-ի առավոտյան երկրի նախագահ Բարհամ Սալեհը ժամանել Է Մոսուլ, որտեղ դիտել Է ողբերգության վայրը, ինչից հետո պետք Է խորհրդակցություն անցկացնի դատական, օրենսդիր եւ գործադիր իշխանությունների ներկայացուցիչների հետ՝ տեղի ունեցած ողբերգության կապակցությամբ, գրել Է Baghdadtoday.news-ը: Մարտի 21-ին Իրաքի վարչապետ Ադել Աբդ ալ Մահդին նույնպես այցելել Է լաստանավի խորտակման վայր, որտեղ եռօրյա սուգ Է հայտարարել զոհվածների հիշատակին:
Տուրիստական լաստանավը Տիգրիս գետում շրջվել Է ալ Գաբաթի շրջանի մոտ՝ Մոսուլում: Անվտանգության ուժերի աղբյուրը ՌԻԱ Նովոստիին հայտնել Է, որ նախնական տվյալներով՝ լաստանավի խորտակման պատճառ Է դարձել գերբեռնվածությունը եւ գետում ջրի մակարդակի բարձրացումը: