Երեք օրում գրանցվել է 130 հանցագործություն. անառակաբարո գործ... ՀԱՍԱՐԱԿՈՒԹՅՈՒՆ
Քաղաքապետարանը վերելակների նոր խմբաքանակ ձեռք բերելու համար ... ԲԼՈԳ
Նախնական եզրահանգումները հուսադրող չեն ՔԱՂԱՔԱԿԱՆ
Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
Որոշակի մտահոգություններ կան Սփյուռքում ՔԱՂԱՔԱԿԱՆ
Երևան, 18.Հունիս,
00
:
00
:
00
Փոխարժեք
478.65
$
560.79
Վերելակը խափանվել է. Փրկարարները դուրս են բերել քաղաքացուն Քարերով ջարդել են շտապօգնության մեքենայի ապակիները. Արսեն Թորոսյանը գրառում է կատարել Հայտնի է այս տարի երբ կնշվի վարդավառը Ընտրեք մատանիներից մեկը և Ձեր ճաշակը կպատմի, թե ինչպիսի կին եք Դուք Լոռու մարզում բախվել են Mercedes-ն ու Volkswagen-ը. կա 1 զոհ, 3 վիրավոր. Shamshyan.com Նորավան գյուղի մոտ բախվել են Lada Granta-ն և Opel Astra-ն, կան տուժածներ (տեսանյութ) Նոր Նորքի ոստիկանները բացահայտել են գրպանահին. Դեպքը եղել է թիվ 44 երթուղու ավտոբուսում Եգիպտոսի նախկին նախագահը մահացել է դատարանի դահլիճում՝ դատական լսման ժամանակ Ծիրանի բերքը սնկային հիվանդությունների պատճառով այս տարի մոտ 30-40 տոկոսով քիչ է. Հրաչ Բերբերյան Խարկովում 18-ամյա հայ ուսանողին դուրս են նետել պատուհանից. կասկածյալներն ադրբեջանցիներ են Վերելակների նոր խմբաքանակի ձեռքբերման համար Երևանի քաղաքապետարանը մրցույթ է հայտարարել. խորհրդակցություն (տեսանյութ) Ապամոնտաժվում են Կոմիտասի պողոտայի շուկայի հարակից առևտրային տաղավարները. քաղաքապետարան (տեսանյութ) ԲՀԿ նախագահ Գագիկ Ծառուկյանը հանդիպել է ՀՅԴ ներկայացուցիչների հետ Ռոբերտ Քոչարյանի հետ ունեցած հանդիպման առնչությամբ ՌԴ դեսպանը հրավիրվել է ԱԳՆ. Ռուբեն Ռուբինյան Զինծառայող Հ. Գալստյանի հրազենային վնասվածք ստանալու գործով ձերբակալվել է ծառայակիցը

Հա­յաս­տանն այժմ կա­րող է տե­սա­կա­նո­րեն ամ­րապն­դել իր դիր­քե­րը ՀԱՊԿ-ում և ԵԱՏՄ-ում

regnum.ru-ն «Նազարբաևի հրաժարականը շանսեր է տալիս Փաշինյանին. Երևանը պատրաստվում է Աստանայում նախատեսված ԵԱՏՄ-ի գագաթաժողովին» վերնագրով հոդվածում գրում է, որ Ղազախստանի նախագահ Նուրսուլթան Նազարբաևի հրաժարականն ուղեկցվում է հետաքրքիր հեռախոսային դիվանագիտությամբ: Ռուսաստանի նախագահի մամուլի քարտուղար Դմիտրի Պեսկովը հայտնել է, որ հրաժարականի մասին հայտարարելուց առաջ Նազարբաևը հեռախոսազրույց է ունեցել Վլադիմիր Պուտինի հետ, սակայն Կրեմլի խոսնակը հրաժարվել է մեկնաբանել զրույցի բովանդակությունը: Միևնույն ժամանակ, Նազարբաևի մամուլի ծառայությունը պարզաբանել է, որ երկու երկրների ղեկավարները «պայմանավորվել են հետագայում շարունակել կանոնավոր շփումները»: Նա նաև հաղորդել է Նազարբաևի հեռախոսազրույցների մասին Բելառուսի և Ղըրղըզստանի նախագահների ու Հայաստանի վարչապետի հետ: Այս առումով շատ փորձագետներ ուշադրություն են դարձնում ոչ թե նրան, թե ում է զանգել Նազարբաևը, այլ նրան, թե ով է սեփական նախաձեռնությամբ կապվել նրա հետ՝ դրա մեջ տեսնելով որոշակի իմաստ: Եվ այստեղ մի տարօրինակ իրավիճակ է ստեղծվում: Որոշ կայքեր նշում են, որ «Նազարբաևը զանգահարել է հինգ երկրների ղեկավարներին` հրաժարական տալուց առաջ, և միայն Պուտինն է, որ ափսոսանք չի հայտնել հրաժարականի առումով»: Ուրիշներն ընդհանրապես շրջանցում են Աստանայի հետ հեռախոսային խոսակցությունների նախաձեռնության հարցը՝ օգտագործելով ընդհանուր բառեր`«տեղի է ունեցել խոսակցություն »: Կան նաև այլ անհամապատասխանություններ: Այսպիսով, Ղազախստանի նախագահի կայքէջը նշում է, որ Փաշինյանը «ափսոսանք է հայտնել Նուրսուլթան Նազարբաևի որոշման կապակցությամբ»: Սակայն, ըստ հայկական մամուլի, «Փաշինյանը կարևորել է Նազարբաևի նշանակալի դերը երկու երկրների միջև փոխգործակցության զարգացման գործում»: Մենք հատուկ կենտրոնանում ենք Երևանի և Աստանայի միջև զրույցին, և ահա թե ինչ պատճառներով: Այն ունի արձանագրության նրբերանգ, քանի որ մայիսի վերջին Ղազախստանում կանցկացվի ԵԱՏՄ երկրների ղեկավարների գագաթաժողովը, որը կնախագահի Հայաստանը: Պետք է ենթադրել, որ Նազարբաևը այս համաժողովում պաշտոնապես կպարգևատրվի: Բայց հեղափոխական ալիքի վրա իշխանության եկած Փաշինյանի զանգը ունի նաև խորհրդանշական նշանակություն: Նազարբաևի հրաժարականը տեղի է ունեցել Ռուսաստանի և Բելառուսի հարաբերություններում նկատելի բարդությունների ֆոնին: Այն նաև ՀԱՊԿ-ում և ԵԱՏՄ-ում ուժերի հավասարակշռությունը փոխելու ներուժ ունի, որտեղ վերջին շրջանում դաշինք է եղել Աստանայի և Մինսկի ու նրանց միացած Բաքվի միջև, որը, սակայն, չի անդամակցում այդ կազմակերպություններից ոչ մեկին: Հիշեցնենք, որ 2016 թվականի ապրիլ յան պատերազմում Երևանը բաց տեքստով դժգոհություն արտահայտեց Բելառուսի և Ղազախստանի դիրքորոշումների նկատմամբ, որոնք հրաժարվեցին նրան որպես ՀԱՊԿ անդամ աջակցել: Այն ժամանակ անգամ որոշ հայ փորձագետներ Հայաստանին առաջարկում էին բաց երկխոսություն սկսել այդ երկու երկրներին ԵԱՏՄ-ից և ՀԱՊԿ-ից հեռացնելու հարցով: Իհարկե, Երևանում հասկանում են, որ Նազարբաևը «հեռանում է այնպես, որ մնա»: Այնուամենայնիվ, նրա իրավահաջորդը, որպես հանրապետության ղեկավար, անխուսափելիորեն կստանա թեկուզ նեղ, բայց, այդուամենայնիվ, հնարավորությունների միջանցք, որը հնարավորություն կտա որոշակի ուղղումներ կատարել արտաքին քաղաքական հարցերում: Հարցը միայն այն է, թե երբ, ինչպես և ինչ ներքին և արտաքին հանգամանքներում դրանք կդրսևորվեն: Սա շատ լուրջ հարց է, որի հստակեցումը շատ բան կպարզի այն մասին, թե միջնաժամկետ հեռանկարում դեպի ուժային որ բևեռը կհակվի Աստանայի արտաքին քաղաքականությունը: Կան մի քանի առումներ: Նազարբաևը խաղում էր թուրքական ուղղությամբ՝ հարավային թևում և Թուրքիայում, ընդհուպ մինչև Մերձավոր և Միջին Արևելքի ամենաբարդ տարածաշրջան: Ղազախստանում իշխանության պլանավորված տարանցումը չի կարող լինել այդքան պարզ, որքան թվում է շատերին: Հայաստանի համար ամենակարևորն այն է, որ Բելառուսը և Ղազախստանը, որոնք միշտ էլ հեռավորություն էին պահում իրենից, իրենք են հայտնվել տարբեր խնդիրների առաջ: Նազարբաևի հայտարարությունը Լուկաշենկոյի համար չէր հնչում որպես «որոտ պարզ երկնքում»: Եվ պատահական չէ, որ վերջերս Բելառուսի նախագահը սկսել է ավելի հաճախ մեկնաբանել անդրկովկասյան իրադարձությունները՝ հիշեցնելով Լեռնային Ղարաբաղի հակամարտության կարգավորման չիրականացված սցենարները և խոսելով Ադրբեջանի նախագահ Իլհամ Ալիևի հետ իր անձնական կապերի մասին: Լուրեր են պտտվում, որ Լուկաշենկոն մտադիր է ապրիլին այցելել Թուրքիա, որտեղ նա պատրաստվում է հանդիպել նախագահ Ռեջեփ Թայիփ Էրդողանի հետ: Միևնույն ժամանակ, Բելառուսի նախագահը հույս է հայտնել, որ առևտրի և տնտեսական համագործակցության միջկառավարական հանձնաժողովի հաջորդ հանդիպումները «լավ արդյունքներ կտան»: Այսինքն, Մինսկը սկսել է թուրքալեզու ուղղությամբ աշխարհաքաղաքական դիրքորոշում փնտրել և, ինչպես նշում է հայտնի ռուս քաղաքագետ Սերգեյ Մարկեդոնովը, «ձգտում է բարձրացնել իր աշխարհաքաղաքական կապիտալիզացիան»: Ավելի կոնկրետ` Բաքվի և Անկարայի հետ լուրջ դաշինք կնքել: Սակայն Լուկաշենկոյին հազիվ թե հաջողվի «Նազարբաևի մակարդակի» բարդ աշխարհաքաղաքական ինտրիգի ստեղծման հասնել: Այնուամենայնիվ, որոշակի իմաստով նա ձգտում է Ղազախստանի առաջնորդի աշխարհաքաղաքական տեղը գրավել՝ ակնհայտորեն ունենալով այն տեղեկությունները, որ Նազարբաևի իրավահաջորդը, որպես երկրի նախագահ, հնարավոր է, որ չունենա «նազարբաևյան օպորտունիստական» կողմնորոշում, այլ Մոսկվայի հետ ավելի սերտ համագործակցություն իրականացնի: Եվ ոչ միայն նրա, այլ նաև Հայաստանի հետ: Այս դեպքում, տեսականորեն, պետք է ակնկալել որոշակի ճշգրտում Ադրբեջանի արտաքին քաղաքականությունում: Բայց ինչ էլ լինի, հետխորհրդային տարածքում փոփոխությունների ալիքներ են՝ մեկ Երևանից է ուղարկում «հեղափոխական» ազդակներ, մեկ էլ այն սկսվում է Աստանայից: Հնարավոր է, որ այդ ազդակները շուտով Մինսկից լինեն: Բոլորի համար, այդ թվում` Ռուսաստանի, գալիս է մի պահ, երբ պետք է ցույց տալ, ինչպես հեռավոր, այնպես էլ մոտակա արտասահմանյան ուժերի տարբեր բևեռների միջև հավասարակշռման արվեստ: Մենք բոլորս պետք է պատրաստ լինենք ցանկացած սցենարի: Ինչ վերաբերում է Հայաստանին, ապա այժմ նա կարող է տեսականորեն ամրապնդել իր դիրքերը ՀԱՊԿ-ում և ԵԱՏՄ-ում` Աստանայի հետ հարաբերությունների վերականգնման և Մոսկվայի հետ ուժեղ միության միջոցով: Իսկ ինչ կլինի գործնականում՝ հետո կերևա:

Կամո Խաչիկյան

website by Sargssyan