Երեք օրում գրանցվել է 130 հանցագործություն. անառակաբարո գործ... ՀԱՍԱՐԱԿՈՒԹՅՈՒՆ
Քաղաքապետարանը վերելակների նոր խմբաքանակ ձեռք բերելու համար ... ԲԼՈԳ
Նախնական եզրահանգումները հուսադրող չեն ՔԱՂԱՔԱԿԱՆ
Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
Որոշակի մտահոգություններ կան Սփյուռքում ՔԱՂԱՔԱԿԱՆ
Երևան, 18.Հունիս,
00
:
00
:
00
Փոխարժեք
478.65
$
560.79
Վերելակը խափանվել է. Փրկարարները դուրս են բերել քաղաքացուն Քարերով ջարդել են շտապօգնության մեքենայի ապակիները. Արսեն Թորոսյանը գրառում է կատարել Հայտնի է այս տարի երբ կնշվի վարդավառը Ընտրեք մատանիներից մեկը և Ձեր ճաշակը կպատմի, թե ինչպիսի կին եք Դուք Լոռու մարզում բախվել են Mercedes-ն ու Volkswagen-ը. կա 1 զոհ, 3 վիրավոր. Shamshyan.com Նորավան գյուղի մոտ բախվել են Lada Granta-ն և Opel Astra-ն, կան տուժածներ (տեսանյութ) Նոր Նորքի ոստիկանները բացահայտել են գրպանահին. Դեպքը եղել է թիվ 44 երթուղու ավտոբուսում Եգիպտոսի նախկին նախագահը մահացել է դատարանի դահլիճում՝ դատական լսման ժամանակ Ծիրանի բերքը սնկային հիվանդությունների պատճառով այս տարի մոտ 30-40 տոկոսով քիչ է. Հրաչ Բերբերյան Խարկովում 18-ամյա հայ ուսանողին դուրս են նետել պատուհանից. կասկածյալներն ադրբեջանցիներ են Վերելակների նոր խմբաքանակի ձեռքբերման համար Երևանի քաղաքապետարանը մրցույթ է հայտարարել. խորհրդակցություն (տեսանյութ) Ապամոնտաժվում են Կոմիտասի պողոտայի շուկայի հարակից առևտրային տաղավարները. քաղաքապետարան (տեսանյութ) ԲՀԿ նախագահ Գագիկ Ծառուկյանը հանդիպել է ՀՅԴ ներկայացուցիչների հետ Ռոբերտ Քոչարյանի հետ ունեցած հանդիպման առնչությամբ ՌԴ դեսպանը հրավիրվել է ԱԳՆ. Ռուբեն Ռուբինյան Զինծառայող Հ. Գալստյանի հրազենային վնասվածք ստանալու գործով ձերբակալվել է ծառայակիցը

Հայտ­նի են հան­դիպ­ման վայրն ու օրը, ան­հայտ՝ օրա­կար­գը

Ավստրիայի նախագահ Ալեքսանդր Վան Դեր Բելենը մարտի 29-ին Վիեննայում առանձին հանդիպումներ կունենա Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ: Ավելի վաղ ԵԱՀԿ Մինսկի խմբի համանախագահները հայտարարել էին, որ աշխատում են Հայաստանի և Ադրբեջանի ղեկավարների բանակցությունները կազմակերպելու ուղղությամբ: Այս տեղեկատվության համադրմամբ՝ ակնհայտ է, որ Նիկոլ Փաշինյան-Իլհամ Ալիև առաջին պաշտոնական հանդիպումը տեղի կունենա հենց Ավստրիայի մայրաքաղաքում՝ մարտի 29-ին։

Այս հանդիպման շուրջ հետաքրքրությունը բավականին մեծ է, ու դա պայմանավորված է առաջին հերթին այն հանգամանքով, որ Հայաստանում մեկ տարի առաջ տեղի է ունեցել թավշյա հեղափոխություն, որն իր հետ միանգամայն նոր իրողություններ է բերել, որոնք չեն կարող ուղղակի կամ անուղղակի ազդեցություն չունենալ նաև կարգավորման գործընթացի վրա։

Հայաստանի նոր ղեկավարությունը փորձում է հեղափոխության արժեքները կապիտալիզացնել բանակցային գործընթացում։ Իհարկե, ինքնին հասկանալի է, որ սա մեկ օրվա, նույնիսկ ամիսների գործընթաց չէ ու պաշտոնական Երևանից պահանջում է հետևողական աշխատանք՝ ոչ միայն արտաքին քաղաքականության մեջ, այլ նաև ներքին կյանքում։ Առանց ինստիտուցիոնալ բարեփոխումների իրականացման ու, ըստ էության, նոր որակի պետության ստեղծման, հնարավոր չէ ավելի հավակնոտ նշաձող սահմանել արտաքին քաղաքականության մեջ՝ առհասարակ, ու ԼՂ խնդրում՝ մասնավորաբար։

Միով բանիվ՝ փաստենք, որ Հայաստանի ու Արցախի անվտանգության խորհուրդների համատեղ նիստում Նիկոլ Փաշինյանը հանդես է եկել ուշագրավ ուղերձներով ու, ըստ ամենայնի, Վիեննա է մեկնելու հենց այդ օրակարգով։ Եթե կարճ ձևակերպենք Հայաստանի վարչապետի արցախյան քաղաքականությունը, ապա դա հանգում է նրան, որ անհրաժեշտ է հստակություն մտցնել մադրիդյան սկզբունքների հարցում ու Արցախին վերադարձնել բանակցային գործընթաց։ Միամիտ կլինի կարծել, որ Բաքուն ու միջնորդները հեշտությամբ «մարսելու» են Երևանի նոր մոտեցումները, մանավանդ դա կարող է հանգեցնել ստատուս-քվոյի որոշակի փոփոխության, ինչը միշտ դժվարությամբ է ընդունվում կարգավորման գործընթացներում։ Այս համատեքստում խիստ կարևոր ու սկզբունքաին է, որպեսզի Նիկոլ Փաշինյանը հետևողականորեն առաջ մղի իր օրակարգը, սակայն ոչ թե միջնորդներին հակադրվելու, այլ Երևանի դիրքորոշումները նրանց համար ընկալելի դարձնելու նպատակով։ Ոչ մի պարագայում չի կարելի թույլ տալ, որ Բաքվի ու համանախագահության օրակարգերի ընդհանրության իմիտացիա ստեղծվի, ինչին հետևողականորեն հետամուտ է Ալիևի վարչակազմը։

Ինքնին հասկանալի է, որ Ադրբեջանի նախագահը չի ընդունում Նիկոլ Փաշինյանի առաջարկությունները ու Վիեննա է մեկնելու հին օրակարգով։ Այս համատեքստում հնաավոր չէ լուրջ տեղաշարժ սպասել Փաշինյան-Ալիև առաջին պաշտոնական հանդիպումից։ Սակայն բանակցային գործընթացը՝ թեկուզև անորոշ օրակարգով ու կողմերի հակադիր դիրքորոշումներով, շատ ավելի ընդունելի է, քան հանդիպումների ու բանակցությունների բացակայությունը։ Երկու առաջնորդների հանդիպումները գոնե նպաստում են առաջնագծում լարվածության թուլացմանը, ինչն օբյեկտիվորեն փոքրացնում է պատերազմի վերսկսման ռիսկերը։

ՍՈՒՐԵՆ ՍՈՒՐԵՆՅԱՆՑ

website by Sargssyan