Աննախադեպ երևույթ՝ եկամտային մասը գերակատարվելու է առնվազն 40 մլրդ դրամով. Լենա Նազարյան
ԲԼՈԳ«ՀՀ վարչապետ Նիկոլ Փաշինյանը ԱԺ-ում ամփոփում է վերջին 3 ամիսների ընթացքում Կառավարության գործունեությունը։ Վարչապետն ընդգծեց, որ 2019թ. պետական բյուջեի եկամտային մասը գերակատարվելու է առնվազն 40 մլրդ դրամով, ինչը համարժեք է 90 մլն դոլարի: Սա վերջին 9 տարիների համեմատ աննախադեպ երևույթ է, քանի որ բավական երկար ժամանակ չի եղել պետական բյուջեի եկամուտների այսպիսի մեծ ծավալների գերակատարում: ՀՀ պետական բյուջեի եկամուտների առնվազն 40 մլրդ դրամի չափով գերկատարումը ՀՀ կառավարության և ՊԵԿ-ի՝ ստվերի դեմ վարած արդյունավետ քաղաքականության, ինչպես նաև քաղաքացի-կառավարություն համագործակցության արդյունքն է։ Այս հավելյալ գումարները նախատեսվում են օգտագործել մի շարք ուղղություններով։
Նախատեսվում է՝ 2019թ. հուլիսի 1-ից 10%-ով բարձրացնել ՀՀ զինված ուժերի զինծառայողների աշխատավարձը։ 2019թ․սեպտեմբերի 1-ից 10%-ով բարձրացնել ՀՀ հանրակրթական դպրոցներում աշխատող ուսուցիչների աշխատավարձը․խոսքը գնում է մոտավորապես 38 հազար ուսուցչի մասին։ Իրականացնել մոտավորապես 303 կմ ավտոճանապարհների տարբեր տեսակի նորոգումներ։ 10 մլրդ դրամ հատկացնել սուբվենցիոն ծրագրերին»,-ֆեյսբուքյան իր էջում գրում է ԱԺ փոխնախագահ Լենա Նազարյանը։