ՊԱՏՄՈՒԹՅԱՆ ԱՅՍ ՕՐԸ (4 ՀՈՒՆԻՍԻ). Բողոքի ակցիա՝ ընդդեմ օտարալե... ՀԱՍԱՐԱԿՈՒԹՅՈՒՆ
Կա Սևանա լիճը կորցնելու վտանգ, բայց կանխմանն ուղղված գործողո... ՀԱՍԱՐԱԿՈՒԹՅՈՒՆ
«Անկախության տարիներին ավելի համախմբված էինք, հիմա հակառակը... ՀԱՐՑԱԶՐՈՒՅՑ
«Խաղացողների» բովանդակությունը փոխվեց. մրցակցություն ու դեմպ... ՀԱՐՑԱԶՐՈՒՅՑ
Ինչո՞ւ են իշխանությունների՝ կորոնավիրուսի դեմ պայքարին ուղղվ... ՎԵՐԼՈՒԾԱԿԱՆ
Երևան, 05.Հունիս,
00
:
00
:
00
Փոխարժեք
478.65
$
560.79
Վրաստանը պատրաստ է օգնել Հայաստանին կորոնավիրուսի դեմ պայքարում Արմատական տեղաշարժեր չկան, բայց լավատեսությունը մնում է. Զախարովան՝ ԼՂ հիմնախնդրի մասին Վարչապետը հրապարակել է «օրինապահ երեխաների» լուսանկարը Ոստիկանությունը փորձում է կարգավորել Մաշտոցի պողոտայի Գլոբինգի հերթը (տեսանյութ) Պարետի որոշմամբ՝ արգելվել է 161 տնտեսվարողի գործունեությունը «Շիրակը» հաղթեց «Արարատին», «Նոան»՝ «Ալաշկերտին» Տուժողն ու 55-ամյա տղամարդը միասին հաց են կերել, ապա վիճել, որն էլ հանգուցալուծվել է դանակահարությամբ (տեսանյութ) Ոստիկանության պարեկային ծառայության աշխատակիցների աշխատավարձը կկազմի առնվազն 250 000 դրամ. Բադասյան Մենք պայքարում ենք ձեզ համար, դուք էլ մեզ համար պայքարեք և վերադարձրեք մեզ մեր ընտանիքներին․ Լիլիթ Մուսեյան Պարետատան նիստից հետո ճեպազրույց՝ վարչապետ Փաշինյանի մասնակցությամբ. ուղիղ Հիմնանորոգվում է Պարզ լիճ տանող ճանապարհը (լուսանկարներ) Այսօր նշյալ ժամին Սաղմոսավանքում հարսանիք չի կատարվել․ հոգևոր հովիվը՝ վարչապետի հրապարակած լուսանկարի մասին ՊՆ 2-րդ զորամիավորումում մեքենավարման պարապմունքներ են կայացել գործնական հրաձգությամբ ՊԵԿ նախագահ Դավիթ Անանյանն ազատման դիմում է գրել Մեկ զինվոր մահացել է, 6-ը՝ վնասվածք ստացել. ՔԿ-ն նոր տվյալներ է հրապարակել Արայիկ Հարությունյանն Արդարադատության նախարար է նշանակել Քննարկվում է Մեղրին փակելու հարցը «Այս տարի որոշել եմ բալիկիս հետ առանձնանալ». Անի Խաչիկյանը` 29-ամյակի մասին «Հայրենիք» կուսակցության գործունեության ընթացքում դեռ շատ հարցերի պատասխաններ կհնչեն Պարոն Բաբաջանյան, գեղեցիկ էր ձեր խոսքը, բայց անտեղի, մի՛ արեք. Արարատ Միրզոյան

Ճշմար­տու­թյունն այն է, որ ինչ էլ անես, առանց Ստե­փա­նա­կեր­տի ոչինչ չի լի­նի

regnum.ru-ն «Պետք է երկարաձգվի Բակո Սահակյանի՝ Արցախի նախագահի մանդատը. Վիեննայում կայացած Ալիև-Փաշինյան հանդիպման որոշ գաղտնիքներ» վերնագրով հոդվածում գրում է, որ Մոսկվան և Երևանը պաշտոնապես հաստատել են Հայաստանի վարչապետ Նիկոլ Փաշինյանի և Ռուսաստանի նախագահ Վլադիմիր Պուտինի միջև հեռախոսազրույցի փաստը: Կրեմլի կայքէջը այդ առնչությամբ հաղորդել է, որ Փաշինյանը տեղեկացրել է Վիեննայում Ադրբեջանի նախագահ Ալիևի հետ Լեռնային Ղարաբաղի հիմնախնդիրների վերաբերյալ հանդիպման արդյունքների մասին և շնորհակալություն հայտնել ռուսաստանյան կողմին` բանակցային գործընթացում նշանակալի միջնորդ դեր ստանձնելու համար, իսկ Պուտինը վերահաստատել է Ռուսաստանի պատրաստակամությունը՝ աջակցել կարգավորման կողմերին լուծումներ գտնելու հարցում, այդ թվում՝ ԵԱՀԿ Մինսկի խմբի միջոցով: Բացի այդ, քննարկվել են երկկողմ հարաբերությունների մի շարք արդիական հարցեր, ինչպես նաև ԵԱՏՄ տարածքում ինտեգրացիոն միավորումների շրջանակներում փոխգործակցության հարցեր: Այնուամենայնիվ, Հայաստանի կառավարության կայքէջում տեղադրված տեղեկատվությունը ներկայացվում է մի փոքր այլ տարբերակով, ավելի ճիշտ` այլ տոնով և այլ շեշտադրումներով: Նշվում է, որ «Փաշինյանը քննարկել է Ադրբեջանի նախագահ Ալիևի հետ հանդիպումը», ինչպես նաև «հայ-ռուսական համագործակցության օրակարգի տարբեր հարցեր», միևնույն ժամանակ, զրուցակիցները «կարևորել են Մոսկվայում ապրիլի 4-ին կայանալիք հայ-ռուսական միջկառավարական համատեղ հանձնաժողովի հերթական հանդիպումը և քննարկման ներկայացված հարցերը»: Կրեմլը Փաշինյանի և Պուտինի միջև հեռախոսազրույցի մասին իր հաղորդագրության մեջ (համատեքստից երևում է, որ այդ նախաձեռնությունը հայկական կողմից է) առաջնային դիրք է բերում «բանակցային գործընթացում կարևոր միջնորդի դերի համար ռուսական կողմին երախտագիտության հայտնելը» և «Ռուսաստանի՝ հետագայում ևս աջակցելու պատրաստակամությունը, ընդ որում՝ նաև ԵԱՀԿ Մինսկի խմբի գծով»: Հետևաբար, Ալիևի հետ Փաշինյանի հանդիպման կազմակերպման և բանակցությունների ընթացքում Մոսկվան ունեցել է այնպիսի դերակատարում, որը չի սահմանափակվում միայն ԵԱՀԿ Մինսկի խմբի համանախագահի գործառույթներով: Հակառակ դեպքում, նման երախտագիտությամբ Փաշինյանը պետք է դիմեր ԱՄՆ-ի և Ֆրանսիայի ղեկավարներին ևս, որոնք նույնպես իրենց ներկայացուցիչները ունեն Մինսկի խմբում: Ադրբեջանի և Հայաստանի ղեկավարների միջև Վիեննայի բանակցությունների արդյունքները, չնայած նախնական բացասական կանխատեսումներին, առայժմ կարելի է դրական գնահատել, թեև առաջընթաց չի արձանագրվել: Սա բանակցային գործընթացի այս փուլում բարձրացնում է Մոսկվայի դերի հարցը: Ցավոք անհայտ է, թե ինչի մասին են զրուցել Փաշինյանն ու Ալիևը : Ե՛վ ԵԱՀԿ Մինսկի խմբի, և՛ Բաքվի ու Երևանի հետագա հայտարարությունները ընդհանրական բնույթի են, չնայած պարունակում են մի քանի կարևոր մանրամասներ: Միևնույն ժամանակ, զարմանալի է, որ ապրիլյան պատերազմի ավարտից հետո Պուտինի անձնական միջնորդական ջանքերով Սանկտ Պետերբուրգում կատարված համատեղ հայտարարության հիշատակումը անհետացել է: Բաքուն հասկացել է, որ այդ միջոցառումների իրականացումը կհանգեցնի հակամարտության «սառեցմանը» և հետագայում այնտեղ միջազգային խաղաղապահ ուժերի հայտնվելուն, հետևաբար, ամեն կերպ պայքարել է նման իրադարձությունների զարգացման դեմ: Ինչպես հայտնի է, Ադրբեջանը հրաժարվել է ստորագրել այդ պայմանագրերը: Դիվանագիտական աղբյուրները պնդում են, որ Ռուսաստանը և նրա գործընկերները Բաքվում ու Երևանում ունեին բանավոր պայմանավորվածություններ, որոնցից հրաժարվել են տարբեր պատճառներով: Այդ ժամանակից ի վեր Լեռնային Ղարաբաղի հակամարտության կարգավորման հարցում Ռուսաստանի, Ադրբեջանի և Հայաստանի ղեկավարների անձնական մակարդակով շփումները գրեթե ընդհատվել են: Այժմ, կարծես թե, Դուշանբեում, կրկին Պուտինի անձնական միջնորդական ջանքերով, Ալիևի և Փաշինյանի միջև բանավոր համաձայնություն է ձեռք բերվել հակամարտության գոտում լարվածության նվազեցման մասին, և դա պահպանվել է: Սա ցույց է տալիս, որ չեզոքացվել է Սանկտ Պետերբուրգի համաձայնությունը: Մոսկվան և Երևանը գոհ են, քանի որ հայտնվել է թույլ, բայց, այնուամենայնիվ, ապահովագրություն ռազմական գործողությունների վերսկսման զսպման համար: Փաշինյանը մինչև Ալիևի հետ վերջին հանդիպումը հայտարարել էր, որ «Արցախի ներկայացուցիչների մասնակցությունը բանակցային գործընթացում կարևոր է մեզ համար» և «սա ոչ թե քմահաճույք կամ բանակցային ձևաչափը փոխելու մտադրություն է, այլ բանակցությունների արդյունավետության բարձրացման հարց»: Հանդիպումից հետո տեղի է ունեցել հեռախոսազրույց Արցախի Հանրապետության նախագահ Բակո Սահակյանի հետ: Այդտեղ զարմանալի բան չկա, քանի որ Փաշինյանը բացահայտ հայտարարել է, որ Արցախի մասնակցության հարցը քննարկվել է Ալիևի հետ, սակայն համաձայնություն ձեռք չի բերվել: Արդյոք դա նշանակո՞ւմ է, որ հարցն օրակարգից հանվել է: Ոչ, քննարկումները կշարունակվեն: Կա, օրինակ, նման փաստարկ. Ղարաբաղը ներկայացված է եղել բնակցություններում 1998-2018 թվականներին. քանի որ այդ ժամանակ Հայաստանը ներկայացնում էին այն անձինք, ովքեր մի ժամանակ եղել են նաև Ղարաբաղի ղեկավարներ, ինչոր իմաստով կարելի է համարել, որ Ղարաբաղը ներկայացված էր բանակցություններին: Ըստ Փաշինյանի, 2018 թվականից հետո Ղարաբաղը մնացել է բանակցություններից դուրս: Այսպիսով, Պուտինի հետ հեռախոսազրույցում Հայաստանի վարչապետը կարող էր խոսել կոնկրետ Սահակյանի՝ բանակցություններին ներգրավման հեռանկարների մասին: Արցախի նախագահը «գովազդվում» է բարձր մակարդակով, և անգամ ակտիվորեն քննարկվում փակ բանակցություններում և երեք պետությունների ղեկավարների հեռախոսային զրույցում, այսինքն՝ ստացվում է, որ Սահակյանը ունի հանրապետության ղեկավարի մանդատ, և ղարաբաղցիները պետք է մտածեն նրա այդ մանդատը երկարաձգելու մասին: Ի վերջո, ձիերին գետանցումում չեն փոխում: Պաշտոնական մակարդակում Բաքուն դեմ է Ստեփանակերտի բանակցություններին միանալուն՝ այն որակելով որպես ձևաչափի անցանկալի փոփոխություն, բայց ճշմարտությունն այն է, որ ինչ էլ անես, առանց Ստեփանակերտի ոչինչ չի լինի՝ նույնիսկ Մադրիդյան սկզբունքների իրականացման մեջ: Եթե Երևանը գաղտնի համաձայնել է «մոռանալ» Սանկտ Պետերբուրգում ձեռք բերված պայմանավորվածությունների մասին, ապա Բաքուն ևս գաղտնի մտածում է Ստեփանակերտին ընդգրկելու մասին: Նույնիսկ Ադրբեջանում ԱՄՆ նախկին դեսպան, ԵԱՀԿ Մինսկի խմբի նախկին համանախագահ Մեթյու Բրայզան խոստովանել է, որ Ալիևի և Փաշինյանի՝ Վիեննայի հանդիպումը «լավ նշան է դիվանագիտական արարողակարգի տեսանկյունից»: Այնպես որ, առջևում կան շատ կարևոր իրադարձություններ:

Կամո Խաչիկյան

website by Sargssyan