Որքա՞ն աշխատավարձ են ստանում թատրոնների դերասանները ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (20 ՀՈՒՆԻՍԻ). Լեռ­նա­յին Ղա­րա­բա­ղում պա... ՀԱՍԱՐԱԿՈՒԹՅՈՒՆ
Oրի­նա­կա՞ն է ար­դյոք դե­ռա­հաս­նե­րի ներգ­րավ­վա­ծու­թյու­ն... ՀԱՍԱՐԱԿՈՒԹՅՈՒՆ
Եվս եր­կու ավի­աչ­վերթ դե­պի Երև­ան ՄԻՋԱԶԳԱՅԻՆ
Հա­յաս­տա­նի խորհր­դա­րա­նի նա­խա­գա­հը ժխտում է ան­մե­ղու­թ... ՄԻՋԱԶԳԱՅԻՆ
Երևան, 20.Հունիս,
00
:
00
:
00
Փոխարժեք
478.65
$
560.79
Որքա՞ն աշխատավարձ են ստանում թատրոնների դերասանները Արուս Տիգրանյանը պատահաբար ցույց է տվել իր թևի օրիգինալ դաջվածքը ՀՀ շրջանների զգալի մասում սպասվում է կարճատև անձրև և ամպրոպ. Ջերմաստիճանը հունիսի 23-ից աստիճանաբար կբարձրանա 3-4 աստիճանով ՊԱՏՄՈՒԹՅԱՆ ԱՅՍ ՕՐԸ (20 ՀՈՒՆԻՍԻ). Լեռ­նա­յին Ղա­րա­բա­ղում պաշ­տո­նա­պես մեկ­նար­կել է նա­խա­գա­հա­կան ընտ­րու­թյուն­նե­րի քա­րո­զար­շա­վը Oրի­նա­կա՞ն է ար­դյոք դե­ռա­հաս­նե­րի ներգ­րավ­վա­ծու­թյու­նը բա­րե­գոր­ծա­կան ծրագ­րե­րում Եվս եր­կու ավի­աչ­վերթ դե­պի Երև­ան Հա­յաս­տա­նի խորհր­դա­րա­նի նա­խա­գա­հը ժխտում է ան­մե­ղու­թյան կան­խա­վար­կա­ծը Մի 10 մլն-ն ի՞նչ ա՝ ձեր երեխեքն իրենց հաշվին չունեն. Արարատ Միրզոյանը հեգնեց Ավելացած դրամական միջոցներ, այլ եկամուտներ. ի՞նչ է հայտարարագրել Տիգրան Ավինյանը Փաստաբանը Ռոբերտ Քոչարյանի գործի մասին. հայկական արդարադատությունը հեռու է եվրոպական հիմնարար սկզբունքներից Որ­քա՞ն է բարձ­րա­ցել դե­րա­սան­նե­րի մի­ջին աշ­խա­տա­վար­ձը վեր­ջին 10 տար­վա ըն­թաց­քում Զոհրաբ Մնացականյանը հանդիպում է ունեցել ԱՄՆ պետքարտուղարի քաղաքական հարցերով տեղակալ Դեյվիդ Հեյլի հետ Ո՞ւր մնաց տնտե­սա­կան հե­ղա­փո­խու­թյու­նը

Գիրանալն իրո՞ք վտանգավոր է և պե՞տք է արդյոք պայքարել դրա դեմ

Մենք գիտենք, որ...

Մարդու քաշի նորմայից ավելի յուրաքանչյուր կիլոգրամը իրենից վտանգ է ներկայացնում, և պետք է այն բերել նորմայի: 

Իրականում այնքան էլ այդպես չէ:

Ամբողջ հարցն այն է, որ անհայտ է, թե որն է մարդու նորմալ քաշը: Իհարկե, կա ընդունված բանաձև՝ «տղամարդու նորմալ քաշը պետք է լինի հասակի թվից հանած 100, հանած 10 տոկոս», «կնոջ նորմալ քաշը պետք է լինի հասակի թվից հանած 100, հանած 15 տոկոս»: Սակայն ներկայումս այս բանաձևը չի օգտագործվում, քանի որ, հասակից և սեռից բացի, կան նաև մի շարք այլ գործոններ, օրինակ՝ տարիքը, նյութափոխանակության առանձնահատկությունները, ժառանգականությունը և այլն: Այս գործոնները այնքան շատ են, որ, օրինակ, 158 սանտիմետր հասակ ունեցող կնոջ համար իդեալական քաշը կարող է տատանվել 51-ից 67 կիլոգրամի սահմաններում: Այսինքն, «իդեալական քաշ» հասկացությունը ստանում է հարաբերական իմաստ: Նշենք, որ վերջին 30 տարվա ընթացքում, ըստ ամերիկյան բժիշկների, այդ հասկացությունը աճել է մի քանի կիլոգրամով: Բանն այն է, որ վերջնական իմաստով «իդեալական քաշ» հասկացության տակ մենք հասկանում ենք ավելի շուտ այն քաշը, որի դեպքում մաքսիմալ ավելանում է կոնկրետ մարդու կյանքի տևողությունը: Կարելի է բազմաթիվ հրապարակումներ գտնել այն մասին, որ ավելորդ քաշը նպաստում է սիրտ-անոթային հիվանդությունների, արթրիտի, դիաբետի, հիպերտոնիայի, քաղցկեղի և այլ հիվանդությունների զարգացմանը: Բայց այս ամենից չի կարելի եզրակացություն անել, որ այս բոլոր հիվանդությունների առաջացման պատճառը ավելորդ քաշն է: Բանն այն է, որ ավելի հաճախ լինում է հակառակը՝ ինչ-որ հիվանդություն է հանգեցնում քաշի ավելացմանը: Ցանկացած հետազոտության դեմ այն մասին, որ ավելորդ քաշ ունեցողները ավելի կարճ են ապրում և ավելի հաճախ հիվանդանում, կարելի է բերել այդ ամենը հերքող այլ հետազոտություն: Ի դեպ, հետազոտությունները ցույց են տալիս, որ գեր մարդիկ ավելի քիչ են հիվանդանում ստամոքսի խոցով և մի շարք այլ հիվանդություններով, բացի այդ, նրանք ավելի քիչ են ինքնասպանություն գործում: Անգամ հաստատվել է, որ, այսպես կոչված, իդեալական քաշից 10 կիլոգրամ ավելի քաշ ունեցողները ավելի երկար են ապրում, քան իդեալական քաշ ունեցողները: Վերջին հետազոտությունները ցույց են տվել, որ կան երկու տեսակի ճարպային բջիջներ: Կան պաթոլոգիկ համարվող ճարպային բջիջներ, որոնց քանակի պակասեցումը անկասկած դրական է ազդում առողջության վրա: Բայց կան նաև նորմալ ճարպային բջիջներ, որոնց դեմ պայքարել ոչ միայն պետք չէ, այլ նաև վտանգավոր է առողջության համար: Համարվում է, որ գեր մարդկանց միայն 5 տոկոսի դեպքում է, որ պետք է հեռացնել ավելորդ ճարպային բջիջները: Այս ամենից միանգամայն պարզ է դառնում, որ գիրացման դեմ պայքարող տարբեր մարդկանց և կազմակերպություններին հետաքրքրում է ոչ թե անհատի առողջությունը, այլ, ինչպես միշտ, այդ անհատի դրամապանակը: Իրականում բացարձակապես ապացուցված չէ, որ մի քանի ավելի կիլոգրամ ունենալը վտանգ է ներկայացնում մարդու կյանքի և առողջության համար: 

Այն, որ քաշն այնքան էլ կապ չունի առողջության հետ, կարելի է ցուցադրել հետևյալ օրինակով: Համարվում է, որ ճաղատները ավելի շատ են փող վաստակում, բայց դա չի նշանակում, որ ճաղատներն ավելի խելացի են, կարելի է քաչալանալ և փող վաստակել: Ուղղակի ճաղատանալը նշան է, որ մարդն արդեն հասունացել է՝ տարիքի հետ կապված: Այսինքն, հարստանալուն նպաստում է ոչ թե ճաղատությունը, այլ ուրիշ գործոն, այս դեպքում՝ տարիները, փորձառությունը: Նույն կերպ գեր մարդու մոտ հիվանդության զարգացմանը կարող է նպաստել ոչ թե գիրությունը, այլ ցանկացած այլ գործոն: Իհարկե, խոսքը աննորմալ, երեք չորս անգամ ավելի քաշ ունենալու մասին չէ, ինչը ոչ միայն հիվանդությունների աղբյուր է, այլ ինքնին հիվանդություն:

Նյութը հրապարակման պատրաստեց Past.am-ը

website by Sargssyan