Վարչապետի կողմից աշխատակցին աշխատանքից հեռացնելը իրավական չէ․ փաստաբան
ՀԱՍԱՐԱԿՈՒԹՅՈՒՆ
Արդեն տեղեկացրել էինք, որ այցելելով Նորագավիթի մաքսակետ, ՀՀ վարչապետ Նիկոլ Փաշինյանը աշխատաասենյակներից մեկում նկատել էր ՀՀ դրոշը և պահանջել, որ այդ սենյակի աշխատակիցները դիմում գրեն և հեռանան աշխատանքից։ Հասարակության կողմից բուռն քննարկումների առարկա դարձած թեմայի մասին ԼՈՒՐԵՐ.com-ը զրուցել է փաստաբան Հովհաննես Չամսարյանի հետ։ Հարցին, թե արդյոք այստեղ կա իրավական նորմերի խախտում, Չամսարյանը պատասխանեց.
ԼՈՒՐԵՐ․com-ի հարցին՝ վարչապետն ունի՞ նման լիազորություն մաքսային ծառայության աշխատակցին հեռացնելու համար, փաստաբանը պատասխանեց.
«Աշխատակցին աշխատանքից հեռացնելու լիազորությունները պետք է որ ՊԵԿ նախագահինը լինի, հետևաբար, վարչապետը չէ, որ կլուծի պայմանագիրը նրա հետ։ Ըստ էության, վարչապետի լիազորությունների մեջ չի մտնում մաքսային ծառայության այդ աշխատակցին հեռացնելը։ Իհարկե, վարչապետը իրավունք ունի ուսումնասիրություններ անել, բայց նման դեպքերի համար նաև պետք է պատասխանատվություն կրեն ավելի բարձր պաշտոններ զբաղեցնող մարդիկ, քան աշխատակիցը։ Եվ ոչ այս եղանակով, այլ՝ հանգամանքները պարզելով և իրավական հիմքերը պահպանելով»։