Քաղաքացին փորձում է պայթուցիկ սարք տեղադրել օդանավակայանում.... ՀԱՍԱՐԱԿՈՒԹՅՈՒՆ
Անի Վաթինյան. Մենք խաչ ենք կրում (Շաբաթօրյա ընթերցումներ «Փա... ՄՇԱԿՈՒՅԹ
Սիլվա Հովակիմյան. Թաքնված կապեր (Շաբաթօրյա ընթերցումներ «Փաս... ՄՇԱԿՈՒՅԹ
Հա­յաս­տա­նում կտե­ղադր­վի Նի­կո­լայ 1-ինի ար­ձա­նը ՄԻՋԱԶԳԱՅԻՆ
Բա­նակ­ցա­յին գոր­ծըն­թա­ցը հիմն­ված է իրա­րա­մերժ դիր­քո­րո... ՄԻՋԱԶԳԱՅԻՆ
Երևան, 22.Փետրվար,
00
:
00
:
00
Փոխարժեք
478.65
$
560.79
Քաղաքացին փորձում է պայթուցիկ սարք տեղադրել օդանավակայանում. ահազանգ ԱԻՆ-ում Ամբերդ ամրոց և Քարի լիճ տանող ավտոճանապարհները դեռ անորոշ ժամանակ փակ կլինեն Իրանում կորոնավիրուսից մահվան նոր դեպք է գրանցվել. կա 28 վարակված Խոշոր ավտովթար Երեւանում. տրակտորով բարձված քարշակը բախվել է մի քանի մեքենաների եւ կողաշրջվել (ֆոտո) Էջմիածին քաղաքում 36-ամյա տղամարդուն գնդակահարած անձը ձերբակալվել է. Ոստիկանություն Հայտնի է` որ հայ պատգամավորներն են ընտրվել Իրանի խորհրդարան Երեւանում կնոջ դի է հայտնաբերվել Վան Պերսի. Հոլանդն անհավանական ցուցանիշներ է գրանցում Արմեն Աշոտյանը 4 հարց է ուղղել Փաշինյանին Երևանի Մյասնիկյան պողոտայում «ԿամԱԶ»–ը քաղաքացուն վրաերթի է ենթարկել. ահազանգ ԱԻՆ–ում Շաբաթվա ընթացքում հակառակորդը հրադադարը խախտել է շուրջ 190 անգամ Ազգային ժողովում 174 մլն դրամի պարգևավճարներ են բաժանվել հունվարին աշխատած 17 օրերի համար Երեւանի 17-ամյա բնակչուհին կեղծ ռուսական թղթադրամաներով Կապանում գնումներ է կատարել Անի Վաթինյան. Մենք խաչ ենք կրում (Շաբաթօրյա ընթերցումներ «Փաստ» օրաթերթից) Ստեփանավանում ապօրինի ծառահատման դեպք է գրանցվել

Դավիթ Պեդանյան. «Եթե այս­պես շա­րու­նակ­վի, եր­թև­ե­կու­թյունն ուղ­ղա­կի կաթ­վա­ծա­հար է լի­նե­լու»

«Վարորդի ընկեր» իրավապաշտպան հ/կ փոխնախագահ Դավիթ Պեդանյանը երթևեկության մեջ կրկին խնդիրներ է տեսնում, միևնույն ժամանակ սպասվելիք որոշ փոփոխություններից դրական ակնկալիքներ ունի:

Նշենք, որ 2019 թ.առաջին եռամսյակում նախորդ տարվա նույն ժամանակահատվածի համեմատ ճանապարհատրանսպորտային պատահարների հետևանքով զոհված քաղաքացիների թիվը նվազել է 17.3 տոկոսով: Այս մասին գրառել էր վարչապետ Նիկոլ Փաշինյանը՝ հավելելով, որ այս արդյունքը գրանցվել է այն դեպքում, երբ ավտոմեքենաների թիվն էականորեն ավելացել է, իսկ արագաչափերով եւ տեսախցիկների տուգանքները նվազել են շուրջ 51 հազարով:

Մինչ խնդիրներին անցնելը, անդրադառնալով նախ վերոնշյալ ցուցանիշին, Դ. Պեդանյանն ընդգծեց. «Տվյալների մասով ոչինչ չեմ կարող ասել, բայց, ընդհանուր առմամբ, երթևեկության մեջ այդպիսի կտրուկ փոփոխություն չի եղել: Ամենայն հավանականությամբ, միգուցե, ինչ-որ ճանապարհների որոշ հատվածներում վարորդների զգոնության մակարդակն է որոշ չափով բարձրացել: Բացի այդ, ՃՈ-ում մարդիկ նույն քանակով են ծառայություն իրականացնում, ուղղակի, միգուցե, սկսել են ավելի պարտաճանաչ իրականացնել: Թեև վարորդների կողմից հակասական կարծիքներ կան, բայց, ըստ իս, ծառայության որակն ինչ-որ չափով բարձրացել է: Միաժամանակ կարող եմ արձանագրել, որ ՃՈ ծառայողների ինչ-որ հատվածի մոտ կոռուպցիայի վերացմանը զուգընթաց մոտիվացիան ամբողջությամբ կորել է: Սա ժամանակի հարց է, և համակարգը պետք է թարմացվի նոր կադրերով»:

Ինչ վերաբերում է տուգանքներին, նա նշեց, որ հիմա անիմաստ տուգանքներ այլևս չկան: Դ. Պեդանյանը միաժամանակ հիշեցրեց նախորդ տարի արված հայտարարությունը, թե մարդիկ տուգանելու համար չեն:

«Իրականում շատ պիտանի և անհրաժեշտ հայտարարություն էր, բայց նման կերպով հայտարարելը հանգեցրեց նրան, որ շատ վարորդներ սկսեցին առիթից օգտվել: Ավելի ճիշտ կլիներ, որ ներքին կարգով արվեր: Իսկ այսպես վարորդները սկսեցին ավելի շատ խախտումներ անել այն մտքով, որ, միևնույն է, իրեն չեն տուգանելու, ու քանի որ ՃՈ տեսուչը գումար չի վերցնում, չի ցանկանա վատամարդ դուրս գալ ու չի տուգանի: Հիմա հստակ կարող եմ ասել, որ արագության մեծ գերազանցումները տուգանում են, բայց որոշ դեպքերում դրանք փոխարինվում են այլ, օրինակ, ամրագոտու տուգանքով: Սա մարդասիրական քայլ է, բայց իրականում կոռուպցիոն դրսևորման ձև է»,-ասաց նա:

Ինչպես ամիսներ առաջ, այնպես էլ այսօր մեր զրուցակիցը որոշ խնդիրների առումով խստացումն անխուսափելի է համարում:

«Խոսքն առօրյա մանր խախտումների մասին չէ, որոնք կյանքի և առողջության համար վտանգ չեն ներկայացնում: Պետք է նշել, որ բավականին շատացել են լկտի վարողները: Նման դեպքերի մասին հաճախ ահազանգում են նաև համացանցում, մարդիկ տեսանյութեր են տարածում, ՃՈ-ն էլ արձագանքում է տուգանքների տեսքով: Համենայն դեպս, նախկինում այդ խախտումների առումով նման ինտենսիվություն չկար: Հիմա նույնիսկ ստեղծվել են խմբեր, որ այդ ամենը հասցնեն ՃՈ-ին, որովհետև խնդիրը հասել է այն աստիճանի, երբ միջամտության կարիք կա»,-նշեց հ/կ փոխնախագահը՝ ընդգծելով, որ, այնուամենայնիվ, առաջիկայում լավ նորություններ ևս սպասվում են, որոնք իրենց հերթին կարող են բարելավել երթևեկությունը:

«Օրինակներից մեկն այն է, որ ՃՈ շրջիկ ծառայություն են կատարելու նաև պարեկապահակային ծառայողները: Արդյունքում շրջիկ ծառայողների քանակը կավելանա, ինչն էլ իր հերթին բավականին կբարձրացնի զգոնությունը: Երկրորդը խոստացված բալային համակարգի ներդրումն է, ինչը ևս զգալի փոփոխություններ կբերի հատկապես վթարների հետևանքով մահացությունների դեպքերի նվազման առումով»,-նկատեց Դ. Պեդանյանը:

Ինչ վերաբերում է այնպիսի խնդիրներին, որոնք կարճաժամկետ լուծումներ են պահանջում, մեր զրուցակիցը մատնանշեց խցանումները:

«2017թ. համեմատ 2018թ.-ին ավտոմեքենաների մուտքերի մոտ 30 տոկոսով աճ կա: Այս տարի շատ ավելի մեծ ցուցանիշ է սպասվում, քանի որ 2020 թվականից ԵՏՄ համաձայնագրի շրջանակներում երրորդ երկրից ներկրվող մեքենաների մաքսազերծման գինը բարձրանալու է: Հետևաբար, մարդիկ հիմա ամեն գնով փորձում են մեքենաներ բերել: Այս տարի, ըստ իս, մեքենաների թվաքանակի բում է լինելու: Եթե այսպես շարունակվի, մեր երթևեկությունն ուղղակի կաթվածահար է լինելու»,-նշեց նա:

Իսկ թե ի՞նչ է պետք այդ իրավիճակից խուսափելու համար, Դ. Պեդանյանը ասաց. «Երևանի կենտրոնից հանել բոլոր այն կառույցները, որոնց պատճառով մեքենաների մեծ ներհոսք է լինում: Խոսքը պետական հիմնարկների մասին է: Այս մասին պաշտոնյաների մակարդակով բազմիցս խոսվել է, բայց հարցը ձգձգվում է»:

Նա օրինակ բերեց ավտոմաքսատունը Երևանից Գյումրի տեղափոխելու հանձնարարականը. «Բայց սա գործընթաց է, որը տևելու է մի քանի ամիս, իսկ մենք չգիտենք, թե մի քանի ամիս հետո այստեղից ընդհանրապես մեքենա հնարավոր կլինի՞ դուրս հանել, թե՞ ոչ: Վաղուց պետք է տեղափոխած լինեին: Հիմա խոսքը կոնկրետ նախարարությունների մասին է: Միայն ՊՆ-ն է, որ Երևանի ծայրամասում է, իսկ մնացածը կենտրոնում են: Նախարարությունները տեղափոխելու մասին մինչև ընտրություններն էր հայտարարվում: Եթե գործընթացն անցած տարի սկսվեր, գոնե երկու նախարարություն տեղափոխվեր, ապա որոշակի լուծում կլիներ: Բայց փաստն այն է, որ գործընթաց դեռ չկա»:

ԱՆՆԱ ԲԱԴԱԼՅԱՆ

website by Sargssyan