Մարինա Կառոնի. Պակասել է հացն աշխարհի... (Շաբաթօրյա ընթերցու... ՄՇԱԿՈՒՅԹ
Օֆելի Քոչարյան. Հեղափոխական տոնածառը (Շաբաթօրյա ընթերցումներ... ՄՇԱԿՈՒՅԹ
Սահ­մա­նա­փա­կու­մը՝ առայժմ Ռու­սաս­տա­նի մի նահանգում ՄԻՋԱԶԳԱՅԻՆ
«Սա­հա­կյանց» ստու­դի­ա­յի պատ­մու­թյու­նը «վար­կա­բե­կիչ ապ... ՄԻՋԱԶԳԱՅԻՆ
ՊԱՏՄՈՒԹՅԱՆ ԱՅՍ ՕՐԸ (14 ԴԵԿՏԵՄԲԵՐԻ). Հա­յաս­տա­նում բաց­վել է... ՀԱՍԱՐԱԿՈՒԹՅՈՒՆ
Երևան, 16.Դեկտեմբեր,
00
:
00
:
00
Փոխարժեք
478.65
$
560.79
«Սեւիլիան» պարտվեց «Վիլյառեալին», բայց մնաց երրորդ տեղում (տեսանյութ) Պոլսահայ համայնքի պատրիարքները նախապես գիտեն իրենց այս պարտավորությունը և պատրաստ են դրան Եվ սեր կա, եւ տանջանք․ նկարիչ դառնալը դժվար ճանապարհ է Երիտասարդը «Մակարով»-ով «կայֆի համար» մի քանի անգամ կրակել է ոստիկանական Hyundai ավտոմեքենայի վրա Երևանում թալանել են Հայաստանում Վրաստանի դեսպանի՝ դիվանագիտական համարանիշներով Mercedes-ը Կյանքից հեռացել է Սերժ Ջիլավյանը Պարզ դարձավ, որ քաղաքապետը չի կարողացել բանակցությունները հավուր պատշաճի իրականացնել.Սուրեն Սուրենյանց Արցախի Մեծ շեն համայնքում Կառլեն և Սառա Եսայանների միջոցներով իրականացվում են սալիկապատման ահռելի աշխատանքներ (տեսանյութ) Գյումրիում 23-ամյա վարորդը Mercedes-ով հայտնվել է հետիոտնի համար նախատեսված ճանապարհին Հարցրու բժշկին. Վիրուսների դեմ հակաբիոտիկները ինչու՞ էֆեկտիվ չեն Թուրքմենստանի նախագահն անձամբ է անցկացրել ուժային կառույցների ղեկավարների մարզումը Իմ ղեկավարած քաղաքում լկտիությունը ջախջախվելու է, սանձարձակության հետ կոմպրոմիս չի լինելու. Դավիթ Խուդաթյան (լուսանկարներ) Հայտնի են գնդակային հրաձգության Հայաստանի երիտասարդների առաջնության մրցանակակիրները Քաղաքի թափառող կենդանիների շուրջ 70%-ը ստերջացվել, պատվաստվել և համարակալվել է․ Հակոբ Կարապետյան Երևանում կոտրել են միանգամից մի քանի արագաչափեր Ջերմուկցիները միահամուռ դեմ արտահայտվեցին Ամուլսար տանող ճանապարհները բացելուն

Ար­դյո՞ք հա­կա­մար­տող կող­մերն ունեն հա­կա­մար­տու­թյան լուծ­ման աշ­խա­տան­քա­յին սցե­նար

regnum.ru-ն «Նախարարներ Մամեդյարովին ու Մնացականյանին ինչո՞ւ է պետք Լավրովը. նախապատրաստվում է Պուտին-Ալիև-Փաշինյան հանդիպումը» վերնագրով հոդվածում գրում է, որ Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Մոսկվայում ապրիլի 15-ին նախատեսվում է Լեռնային Ղարաբաղի հակամարտության կարգավորման հարցով Ռուսաստանի, Ադրբեջանի և Հայաստանի արտգործնախարարների եռակողմ հանդիպումը: Միևնույն ժամանակ Զախարովան պարզաբանել է, որ այդ հանդիպմանը կմասնակցեն ԵԱՀԿ Մինսկի խմբի համանախագահները: Այս առումով կարելի է մի քանի եզրակացություններ անել: Նախ` եթե այս փուլում Ռուսաստանի արտգործնախարար Սերգեյ Լավրովը որոշել է անձամբ միանալ բանակցային գործընթացին, նշանակում է, որ հակամարտող կողմերը սեղանին ունեն հակամարտության լուծման որոշակի աշխատանքային սցենար, որի վրա աշխատելը համարվում է հեռանկարային միջանկյալ արդյունք ստանալու տեսակետից: Երկրորդն այն է, որ ԵԱՀԿ Մինսկի խմբի համանախագահների բանակցություններին մասնակցությունը ենթադրում է, որ Լավրովը չունի այս հարցի վերաբերյալ իր էքսկլ յուզիվ լուծումը, և նա հանդես է գալիս Մինսկի խմբի հետ, քանի որ համանախագահները կարող են աջակցել երկխոսության պայմաններ ստեղծելուն և հակամարտող կողմերի միջև ուղղակի երկխոսությամբ որոշումներ կայացնելուն: Երրորդն այն է, որ ամեն ինչ տեղի է ունենում նախկին բանակցային ձևաչափով, թեև ԵԽԽՎ-ում Փաշինյանը իր ելույթում նշել է, որ «մեր քայլերը ուղղված են ԵԱՀԿ Մինսկի խմբի շրջանակներում Ադրբեջանի և Լեռնային Ղարաբաղի միջև երկխոսության վերականգնմանը»: Սա շատ կարևոր հանգամանք է, քանի որ Փաշինյանը չի խոսում կարգավորման գործընթացում Ստեփանակերտի մասնակցության մասին, որպես այդ գործընթացի իրականացման պայման: Բայց հետո ամեն ինչ խճճվում է: Փաշինյանը արձանագրում է, որ կարողացել է բավականին պարզ ու անկեղծ զրույց ունենալ Ադրբեջանի նախագահ Իլհամ Ալիևի հետ, բայց, ցավոք, առայժմ չկան ընդհանուր պատկերացումներ ղարաբաղյան հակամարտության լուծման նրբերանգների և մեխանիզմների մասին, չնայած արդեն լավ է, որ ստեղծվել է կառուցողական և անկեղծ քննարկումների մթնոլորտ: Այսինքն, Բաքուն և Երևանը դեռևս չեն մշակել ընդհանուր հայեցակարգային մոտեցումներ, առանց որոնց երկխոսությունը շատ դժվար կլինի: Միևնույն ժամանակ հարց է ծագում Ադրբեջանի և Հայաստանի արտգործնախարարների առաջիկա հանդիպման ժամանակ Լավրովի դերի մասին, քանի որ մի բան է հակամարտության լուծման ինչ-որ սցենարի քննարկմանը մասնակցել, լրիվ այլ բան՝ օգնել հակամարտող կողմերին՝ ձևավորել ընդհանուր հայեցակարգային մոտեցում, որը, ըստ էության, այդ գործընթացում չի համապատասխանում Ռուսաստանի ԱԳ նախարարի ներկայացուցչականության մակարդակին: Պատասխանը շատ դժվար է գտնել, քանի որ, ինչպես Լավրովն է ասում, Լեռնային Ղարաբաղի հակամարտության կարգավորման շուրջ բանակցությունները «գաղտնի են», և այդ առումով նույնիսկ հայաստանյան իշխանափոխությունը ոչինչ չի փոխել: Իսկ եթե այդպես է, ապա փորձագետները հնարավորություն են ստանում մեկնաբանել իրադարձությունների ընթացքը առավել միջնորդավորված՝ կա՛մ իրենց սեփական համոզմունքներով, կա՛մ էլ իրենց աղբյուրների՝ «կուլիսներից» ստացված տեղեկատվությամբ: 

Օրինակ, «Վալդայ» ակումբի գիտական ղեկավար Ֆյոդոր Լուկյանովը գտնում է, որ «Մոսկվայում Ադրբեջանի և Հայաստանի արտգործնախարարների առաջիկա հանդիպմանը Լավրովի մասնակցությունից չպետք է սպասել որևէ տեղաշարժի, քանի որ ղարաբաղյան կարգավորման հարցում չափազանց անհավանական և շատ դժվար է պատկերացնել կողմերի դիրքորոշումների փոփոխությունները»: Իսկ այդ հանդիպումների խնդիրը, ըստ Լուկյանովի, «այն փխրուն, բայց դեռևս գոյություն ունեցող հավասարակշռության պահպանումն է, որի վրա է հիմնված ներկայիս խաղաղությունը»: Միևնույն ժամանակ փորձագետը գտնում է, որ Ռուսաստանի ԱԳ նախարարը բանակցություններում չի պաշտպանելու որևէ մեկի շահերը, սակայն նրա մասնակցության փաստը արդեն իսկ դրական է Հայաստանի համար: Սակայն բանն այն է, որ հենց Մամեդյարովն է Մոսկվայում Լավրովի հետ հանդիպելուց հետո առաջինը հայտարարել, որ Լավրովը ցանկանում է մասնակցել բանակցություններին: Նրա խոսքերով, «եթե Ռուսաստանի արտաքին գործերի նախարարը ներկա իրավիճակը հասկանալու համար որոշել է իր քաշը դնել կշեռքի նժարին, ապա Աստված տա, որ ամեն ինչ ստացվի»: Դժվար թե Մամեդյարովը այս գործում աշխատել է Հայաստանի համար: Ավելի իրատեսական է թվում այն սցենարը, որ Լավրովը նախապատրաստում է Ռուսաստանի նախագահ Վլադիմիր Պուտինի հանդիպումը Ալիևի և Փաշինյանի հետ: Իսկ դրա համար նախադրյալները ակնհայտ են: Եթե Մամեդյարով-Լավրով-Մնացականյան ձևաչափով բանակցային գործընթացում առաջընթաց չլինի, ապա Ռուսաստանի, Ադրբեջանի և Հայաստանի ղեկավարների հանդիպումը իմաստ չի ունենա: Եթե ԱլիևՓաշինյան ձևաչափով ինչ-որ բեկում լինի, և նրանց միջև փոխվստահություն առաջանա, ապա Մոսկվան կարող է փորձել ռազմավարական գործընկերության մակարդակի հարաբերություններ ստեղծել այս «եռանկյունում» և լայն շրջանակում ընդլայնել տակտիկական փոխհարաբերությունների և փոխգործակցության ձևաչափերը՝ կապված Մերձավոր Արևելքում տեղի ունեցող բարդ գործընթացների հետ: Այս առումով Լավրովը պետք է իրականացնի ժամացույցների սլաքների ուղղում, որոշի, թե ինչ է տեղի ունենում և ինչպես են հետագայում զարգանալու իրադարձությունները ղարաբաղյան ուղղությամբ և որքանով են կանխատեսելի զարգացման այն սցենարները, որոնք մոտ ապագայում կներկայացվեն, և ինչպես դա կազդի կամ չի ազդի Ադրբեջանի և Հայաստանի հետ երկկողմ հարաբերությունների վրա: Այդ իսկ պատճառով Մոսկվան կունենա հավասարակշռված դիրքորոշում և կշարունակի փնտրել ղարաբաղյան հակամարտության կարգավորման այնպիսի լուծում, որը ընդունելի կլինի կողմերի համար:

Կամո Խաչիկյան

website by Sargssyan