ՊԱՏՄՈՒԹՅԱՆ ԱՅՍ ՕՐԸ (13 ԱՊՐԻԼԻ). Իշխանափոխության սկիզբ Հայաստանում, իշխանափոխություն՝ Չադում
ՀԱՍԱՐԱԿՈՒԹՅՈՒՆ
ՏՈՆԵՐ
Ռոքնռոլի համաշխարհային օր, Թաիլանդում և Նեպալում՝ Սանգկրան (Նոր տարի), Չադում՝ Ազգային օր:
ՀԱՅԱՍՏԱՆ
1889-մահացել է պատմաբան և հրապարակախոս Գաբրիել Պատկանյանը:
1926-Երևանում ցուցադրվել է առաջին հայկական գեղարվեստական ֆիլմը՝ «Նամուսը»:
1966-մահացել է հայ բանաստեղծ և քաղաքական գործիչ Գուրգեն Հայկունին:
1991-Երևանի գլխավոր հրապարակից ապամոնտաժվել է Լենինի արձանը:
2001-ԱՄՆ-ի մայրաքաղաք Վաշինգտոնի հարավային հարևան Մերիլենդ նահանգի Սենատը Հայոց ցեղասպանությունը ճանաչող որոշում է ընդունել:
2004-գիշերը Հայաստանի իշխանությունները ճնշել են ընդդիմության կողմնակիցների խաղաղ ցույցը Բաղրամյան պողոտայում: Իրավապահները գործածել են ջրցան մեքենաներ և պայթուցիկներ: Ոստիկանության հատուկ ջոկատի՝ մահակներով զինված սաղավարտավորների անսպասելի գրոհը հազարավոր մարդկանց ստիպել է խուճապի մատնված փախչել: Բազմաթիվ ցուցարարներ ստացել են վնասվածքներ:
2006-ըստ Բուդապեշտի քաղաքային դատարանի դատավոր Անդրաշ Վաշկուտիի դատավճռի, հայ սպա Գուրգեն Մարգարյանին կացնահարած ադրբեջանցի սպա Ռամիլ Սաֆարովը դատապարտվել է ամենախիստ պատժի՝ ցմահ բանտարկության, 30 տարի՝ առանց ներման իրավունքի:
2007 -«Իմպիչմենթ» դաշինքի նախընտրական քարոզարշավը սկսվել է Ազատության հրապարակում արտոնված հանրահավաքով և ավարտվել Բաղրամյան պողոտայում:
2011-Երևանի քաղաքապետարանը կրկին մերժել է ընդդիմադիր Հայ ազգային կոնգրեսի (ՀԱԿ)՝ ապրիլի 28-ին հանրահավաք կազմակերպելու հայտը:
2017-Հայաշատ Լոս Անջելեսում առաջին անգամ էկրան է բարձրացել Հայոց ցեղասպանության մասին պատմող «Խոստում» (The promise) դրաման, որի պրեմիերային ներկա են եղել աշխարհահռչակ մի շարք աստղեր:
2018- Փաշինյանի ղեկավարած քայլերթի մասնակիցները հասել են Երևան:
«Կլինենք 5 հոգով, կանենք այնպիսի գործողություն, որն ի վիճակի է անել 5 հոգին: Կլինենք 100 հոգով, կանենք գործողություն, որը կարող են անել 100 հոգին, 100 հազար կլինենք, կանենք իշխանափոխություն»,հայտարարել է Նիկոլ Փաշինյանը:
ԱՇԽԱՐՀՈՒՄ
1111-Հենրիխ 5-րդը թագադրվել է Սրբազան Հռոմեական Կայսրության թագավոր:
1204-Չորրորդ խաչակրաց արշավանքի խաչակիրները գրավել և թալանել են Կոնստանտինապոլիսը:
1519-ծնվել է Ֆրանսիայի թագուհի Եկատերինա Մեդիչին (1574-1559):
1605-մահացել է Համայն Ռուսիո կայսր Բորիս Գոդունովը:
1743-ծնվել է ԱՄՆ-ի երրորդ նախագահ և ԱՄՆ-ի հիմնադիր հայրերից մեկը հանդիսացող Թոմաս Ջեֆֆերսոնը:
1759-ֆրանսիացիները հաղթել են Բերգենի ճակատամարտում:
1808-ծնվել է իտալացի գյուտարար, հեռախոսի իրական ստեղծող Անտոնիո Մեուչչին:
1918-Եկատերինգրադի գրոհի ժամանակ սպանվել է Սպիտակների շարժման առաջնորդներից մեկը՝ գեներալ Լավր Կոռնիլովը:
1919-ճնշվել է հակահեղափոխական բունտը Մյունխենում և ստեղծվել է Բավարիայի Խորհրդային Հանրապետություն՝ կոմունիստների գլխավորությամբ:
1934-ավարտվել է «Չել յուսկին» նավի անձնակազմին փրկելու օպերացիան:
1945-2-րդ և 3-րդ ուկրաինական ճակատի զորքերի կողմից գրավվել է Վիեննան:
1948-ծնվել է շանսոնյե Միխայիլ Շուֆուտինսկին:
1955-ծնվել է ռուս քաղաքական գործիչ Իրինա Խակամադան:
1970- Ապոլլոն-13 տիեզերակայանում վթար է տեղի ունեցել՝ պայթել է թթվածնի տարողությունը:
1975-տեղի է ունեցել իշխանափոխություն Չադում:
Կամո Խաչիկյան