Ընդհանրապես շատ դժվար է ու ցավոտ հարաբերությունները դադարեցնելը, հատկապես մտերիմների հետ:
Կարծիք կա, որ հատկապես հարազատների հետ կապը ավելի ամուր է, քանի որ մենք նրանց հետ շատ կապված ենք և երբ կապը նրանց ընդհատվում է, մենք խորը ցավ ենք զգում: Սակայն կան մարդիկ, որոնցից պետք է հեռու մնալ, անգամ, եթե մեր հարազատներն են, հոգեկան, ֆիզիկական, հուզական տրավմաներից խուսափելու համար: Դրանք տոքսիկ մարդիկ են:
Նրանք մշտապես քննադատում են:
Կառուցողական քննադատությունը լավ է և օգտակար: Սակայն մշտական քննադատությունը կարող է խիստ վնասել ինքնագնահատականին: Այդպիսի մարդը մշտապես որևէ առիթ է փնտրում ձեր մեջ որևէ բան քննադատելու համար: Ինչ էլ որ անեք, միևնույնն է քննադատում է և ստորացնում: Այդպիսի մարդուց պետք է շատ հեռու մնալ;
Նրանք դավաճանում են:
Հնարավոր է, որ դուք որոշել եք նրա հետ կիսվել ձեր խնիրներով, ապրումներով: Եվ հաջորդ օրը պարզվում է, որ բոլորը գիտեն ձեր գաղտնիքի մասին: Ավելին, նա ծաղրում է ձեզ: Դա վերին աստիճանի դավաճանություն է: Որքան էլ դուք մտերիմ եք եղել անցյալում, ուք այլևս նրան չեք վստահում:
Այսօր գովաբանում է, վաղը՝ վիրավորում
Նա սկզբում իրեն քաղաքավարի է պահում, զսպված է և հոգատար, մեկ էլ հանկարծ նա սկսում է վիրավորել վերջին բառերով: Նա, նախ, փորձում է քնեցնել ձեր զգոնությունը և հետո ձեզ ծուղակն է գցում: Պարզապես նա միշտ ձգտում է կառավարել ձեզ:
Նա հայտնվում է, երբ իրեն ինչ որ բան է հարկավոր
Տոքսիկ մարդը հայտնվում է միայն այն ժամանակ, երբ նրան ինչ որ բան է հարկավոր ձեզանից: Եվ երբ նա ստանում է այն, ինչ ուզում էր, մոռանում է ձեր գոյության մասին:
Նա երբեք չի ընդունում իր սխալները
Տոքսիկ մարդը երբեք չի ընդունում իր սխալները, նույնիսկ եթե բազմաթիվ վկաներ կան: Նա մշտապես փորձում է համոզել ձեզ, որ ինքը սխալ չէ, ավելին, փորձում է ձեր մեջ մեղքի զգացողություն առաջացնել:
Այսպիսի մարդկանցից պետք է որքան հնարավոր է հեռու մնալ, դադարեցնել նրանց հետ հարաբերությունները: