Խնամված լինել ամենևին չի նշանակում նոր դուրս եկած լինել գեղեցկության սրահից: Խնամված լինել ամենևին չի նշանակում մանիկյուրի, մերսումների, վարսերի հարդարման վրա ծախսված մեծ գումարներ:
Շատ կանայք կարծում են, որ խնամված և գեղեցիկ լինելը բավականին թանկ հաճույք է և վստահաբար ասում են, որ դրա համար իրենց գումարը չի բավականացնում:
Սակայն այլ բան է՝ միջոցներ չունենալ գեղեցկության սրահների ծառայություններից օգտվելու համար, մեկ այլ բան է թափթփված լինելը:
Խնամված կարող է լինել ցանկացած կին:
Մազեր
Առաջին նշանը, որ մատնում է անխնամ կնոջը նրա մազերն են: Փունջ արած յուղոտ մազերը, թեփոտ մազերը, անմիջապես աչքի են զարնում: Դա շատ տգեղ է ու տհաճության զգացողություն է առաջացնում: Պետք է միշտ մաքուր պահել գլուխը; Գեղեցիկ չեն նայվում նաև չներկված մազերը: Այսօր վաճառասրահներում կարելի է գտնել մատչելի մազի ներկեր, որոնք թույլ կտան միշտ թարմ տեսք ունենալ:
Մանիկյուր
Կնոջ ձեռքերը միշտ պետք է կարգին վիճակում լինեն: Պարտադիր չէ, որ եղունգները պատված լինեն լաքով: Պարտադիր է, որ եղունգների տակ միշտ մաքուր լինի, եղունգները լինեն հավասարաչափ կտրված: Գեղեցիկ կտրված, խարտած եղունգները կոկիկ տեսք են հաղորդում ձեռքերին: Ձեռքերի մաշկին պետք է միշտ փափկեցնող և հարթեցնող կրեմ քսել: Ձեռքրի ճաքճքված և չորացած մաշկը նույնպես գեղեցիկ չի նայվում:
Ոտքեր
Երբեմն ուշադրությունը կենտրոնացվում է մազերի, դեմքի, ձեռքերի վրա և ոտքերի խնամքն անտեսվում է: Սակայն դա նույնպես սխալ է: Ոտքերը կարելի է խնամել տնային պայմաններում և դրա համար մեծ գումար չի պահանջվում: Կիսամաքրված լաքը, եղունգների տակ կուտակված կեղտը պարզապես անթույլատրելի է: Առաջին հերթին պետք է ոտքերը միշտ մաքուր պահել, պեդիկյուր կարելի է անել նաև տանը, առանց ավելորդ ծախսերի: Պահանջվում է ընդամենը ոտքերը միշտ մաքուր պահել, եղունգները լինեն կտրված, խնամված կրունկները մշակված:
Խնամված լինել նշանակում է առաջին հերթին լինել մաքուր և կոկիկ: