«Գորշ տարածքներ» բառակապակցությունն անընդունելի է, Արցախն ազատ երկիր է. Դավիթ Բաբայանը` ԵՄ մարդու իրավունքների հանձնակատարին (տեսանյութ)
ՔԱՂԱՔԱԿԱՆ
Եվրոպական տարբեր կառույցներ, կարծես, ուզում են վերանայել իրենց մոտեցումներն Արցախի հետ հարաբերությունների տեսանկյունից: Այդ մասին ֆեյսբուքյան ուղիղ եթերում ասել է Արցախի Հանրապետության նախագահի մամուլի խոսնակ Դավիթ Բաբայանը:
Նա հիշեցրել է, որ ԵԽԽՎ գլխավոր քարտուղար Թյորբորն Յագլանդն ասել է, որ անհրաժեշտ է նոր որակ հաղորդել Արցախի և նմանատիպ պետություների հետ հարաբերություններին և նշել է, որ Մարդու իրավունքների հանձնակատար Դունիա Միատովիչը պետք է ուշադրություն դարձնի այդ հարցին:
Ըստ Դ.Բաբայանի` Դ. Միատովիչը հայտարարել է, որ ուզում է «գորշ տարածքների» նկատմամբ մեծ հետաքրքրություն լինի, գնան, տեսնեն` ինչ զարգացումներ են այնտեղ տեղի ունենում: Դավիթ Բաբայանի խոսքով` «գորշ տարածքներ» բառակապակցությունն անընդունելի է, Արցախն ազատ երկիր է, բոլորն էլ կարող են գալ, ծանոթանալ:
«Եթե կա ցանկություն գալու, հարաբերվելու, մենք միայն ողջունում ենք այդ մոտեցումը, թող գան, ծանոթանան` ինչպիսի երկիր է և համեմատեն Ադրբեջանի հետ»,- ընդգծել է ԱՀ նախագահի մամուլի խոսնակը:
Մանրամասները` տեսանյութում