Նախնական եզրահանգումները հուսադրող չեն ՔԱՂԱՔԱԿԱՆ
Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
Որոշակի մտահոգություններ կան Սփյուռքում ՔԱՂԱՔԱԿԱՆ
Լուրջ փորձություն Ստրասբուրգում ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (15 ՀՈՒՆԻՍԻ). Բացվել է պաղպաղակի առաջին գ... ՀԱՍԱՐԱԿՈՒԹՅՈՒՆ
Երևան, 16.Հունիս,
00
:
00
:
00
Փոխարժեք
478.65
$
560.79
«Չեմ ողջունում Ռուսաստանի դեսպանի հանդիպումը Քոչարյանի հետ». Աժ նախագահ Ռոբերտ Քոչարյանին որպես քաղաքական գործիչ չեմ տեսնում. Արարատ Միրզոյան «Սսկվեք խաղաղությամբ եւ մեղքերի թողություն խնդրեք». Սասուն Միքայելյան Նորիկ Գևորգյանը պարգևատրվել է ոսկե մեդալով` Հայաստանին մատուցած ծառայությունների համար Ոմանք փորձում են բռնության մշակույթը վերակենդանացնել. Նիկոլ Փաշինյան Բավարար կամք ունենք, որ հին կոռուպցիոն համակարգի ռեսուրսները սպառվեն, եւ նրանք հայտնվեն «բոմժի» կարգավիճակում. Փաշինյան Ակնհայտ է, որ մեզ պատերազմ է հայտարարված, բայց ոչ թե մեր քաղաքական թիմին, այլ ՀՀ հեռանկարին. Արարատ Միրզոյան Մենք լիբերալ չենք, ցենտրիստ չենք, սոցիալ-դեմոկրատ չենք, մենք քաղաքացիական կուսակցություն ենք և մերժում ենք կարծրացած գաղափարախոսությունները. Նիկոլ Փաշինյան ՌԴ-ի, Ադրբեջանի եւ Իրանի նախագահների հանդիպումը կկայանա Սոչիում «Քաղաքացիական պայմանագիր» կուսակցությունը համաժողով է անցկացնում. ընտրվելու է վարչության նոր կազմ՝ ուղիղ

«Դեռ վաղ է խո­սել տնտե­սա­կան հե­ղա­փո­խու­թյան մեկ­նար­կի մա­սին»

Տնտեսագիտության դոկտոր, պրոֆեսոր Գագիկ Վարդանյանի կարծիքով, տնտեսական հեղափոխություն ասվածը ճիշտ ընկալելու կարիք ունենք: Խոսելով նախ տնտեսական հեղափոխության հնարավորությունների և այդ ուղղությամբ իրականացվող քայլերի մասին, «Փաստի» հետ զրույցում Գ. Վարդանյանը նկատեց.

«Այո՛, 2018 թ. ապրիլ յան իրադարձություններից մի որոշ ժամանակ անց հայտարարվեց երկրում տնտեսական հեղափոխություն իրականացնելու անհրաժեշտության մասին: Ցավոք, «հեղափոխություն» բառեզրը տարբեր կերպ ընկալվեց, ու վերջին շրջանում ոմանք հեգնանքով են վերաբերվում դրան կամ, ավելի շուտ, թերահավատորեն են տրամադրված դրա իրագործման հնարավորությանը: Բնակչության ավելի մեծ զանգվածն այդ երևույթը կապում է կայծակնային արագությամբ սոցիալական արդարության հաստատման, համընդհանուր բարեկեցության հասնելու հետ: Սակայն հասարակության տարբեր խմբեր տարբեր պատկերացումներ ունեն դրանց հասնելու ուղիների վերաբերյալ: Այսպես, պարզունակ մտածելակերպի մակարդակում մարդկանց մի զգալի զանգված մոլորության մեջ է՝ տնտեսական հեղափոխության միջոցով հարուստների, օլիգարխների «թալանածը» hետ կբերվի ու կբաժանվի իրենց միջև: Դրանից ելնելով էլ հանրային մեծ հնչեղություն ունեցող միջոցառումները հայտնվում են մարդկանց ուշադրության կենտրոնում: Խոսքը մեծահարուստների ունեցվածքի բռնագրավման վերաբերյալ քննարկումների ու նաև որոշ գործողությունների մասին է: Այդուհանդերձ, «ունևորների ունեզրկում» բանաձևը, ինչպես հայտնի է 1917 թ. բոլ շևիկյան հեղափոխության պատմությունից, այնքան արդյունավետ չեղավ երկրի համար: Կարծում եմ՝ դա երկար շարունակվել չի կարող»:

Ընդգծելով տնտեսական հեղափոխության նշանակության մասին՝ Գ. Վարդանյանը հավելեց. «Ցանկանում եմ հավատալ, որ «տնտեսական հեղափոխություն» արտահայտությունը գործածվել է Հայաստանի տնտեսական զարգացման խնդիրը լուծելու առումով, քանի որ ավստրիացի տնտեսագետ Յոզեֆ Շումպետերի սահմանման տեսանկյունից այդպիսի խնդիր դեռևս չի ձևակերպվել: Հետևաբար, այսպիսի խնդիր չի լուծվել անցած գրեթե երեք տասնամյակի ընթացքում»: Մեր զրուցակիցը շեշտեց, որ «հեղափոխությունը» սովորաբար հասկացվում է որպես համակարգի արմատական փոփոխություններ, որոնք հաճախ ուղեկցվում են մարդու գիտակցության վերափոխմամբ:

«Երբ ասվում է տնտեսական հեղափոխության մասին, առաջին հերթին պետք է վերհանել ու համակարգել Հայաստանում կուտակված ոչ էվոլ յուցիոն երևույթները և քայլեր ձեռնարկել տնտեսության նոր, ավելի բարձրորակ հատվածների ձևավորման ուղղությամբ: Հարկ է նկատի ունենալ, որ էվոլ յուցիոն գործընթացը բնութագրվում է վերափոխումների զանգվածի կուտակմամբ, որոնք քվանտային թռիչքի միջոցով ապահովում են անսպասելի երևացող հատկություններ և որոնք էլ այնուհետև դրսևորվում են համակարգի հաջորդ էվոլ յուցիոն մակարդակում: Էվոլ յուցիան ունի նպատակ, ծրագիր, միջոցների, մեթոդների, տեխնոլոգիաների ծրագրային ապահովում, ինչպես նաև արդյունքների ու շեղումների ճշգրտման համակարգ: Ասվածից, ինչպես նաև չդադարող հանրային քննարկումներից ու պաշտոնական հայտարարություններից կարելի է եզրակացնել, որ մեզանում «տնտեսական հեղափոխություն» հասկացությունը թյուր ընկալում ունի, ինչի պատճառով դեռ վաղ է խոսել տնտեսական հեղափոխության մեկնարկի մասին»,-նշեց տնտեսագետը:

Գ. Վարդանյանի հետ զրույցում անդրադարձանք նաև Հարկային օրենսգրքում փոփոխություններ անելու նախագծին: Անդրադառնալով օրենսգրքի շուրջ առկա քննարկումներին ու մտահոգություններին՝ տնտեսագետը շեշտեց.

«Պետք է հաշվի առնել, որ հարկային համակարգը, ըստ սահմանման, միայն պետական եկամուտներ ապահովելու համար չէ: Այդ համակարգը պետք է ածանցվի տնտեսությունից, այն պետք է նպաստի տնտեսական զարգացմանը. «կաթնատու կովին չեն մորթում»: Ես դեռ 1992 թ. առիթ եմ ունեցել հանդես գալու հարկային համակարգին վերաբերող «Որպեսզի գործարարները չշրջվեն մեջքով» հրապարակմամբ: Բացի ֆիսկալ նպատակից, հարկային օրենսգիրքը պետք է հետապնդի առնվազն ևս երկու նպատակ: Այն պետք է ապահովի սոցիալական արդարություն՝ «արդարացի հարկային օրենք» և տնտեսական զարգացում: Առաջարկվող փոփոխությունները, իմ կարծիքով, բացառապես միտված են պետական բյուջեի եկամուտների ավելացման ոչ հեռանկարային նպատակին և չեն տեղավորվում հայտարարված տնտեսական հեղափոխության տրամաբանության մեջ: Չնայած հայտնի քաղաքական իրադարձություններին ու փոփոխություններին՝ այդ ոլորտում տասնյակ տարիների ավանդույթը չի փոխվում: Այդ ավանդույթին կարելի է տալ «հարկային միոպիա» անվանումը»:

Եզրափակելով՝ Գագիկ Վարդանյանը ընդգծեց, որ հարկ է հաշվի առնել նաև այն, որ աշխարհի որոշ առաջատար երկրներում հարկային օրենսդրություններում թողնում են որոշակի «սողանցքներ», որոնք թթվածին են բիզնեսի համար:

ԱՆՆԱ ԲԱԴԱԼՅԱՆ

website by Sargssyan