Նախնական եզրահանգումները հուսադրող չեն ՔԱՂԱՔԱԿԱՆ
Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
Որոշակի մտահոգություններ կան Սփյուռքում ՔԱՂԱՔԱԿԱՆ
Լուրջ փորձություն Ստրասբուրգում ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (15 ՀՈՒՆԻՍԻ). Բացվել է պաղպաղակի առաջին գ... ՀԱՍԱՐԱԿՈՒԹՅՈՒՆ
Երևան, 16.Հունիս,
00
:
00
:
00
Փոխարժեք
478.65
$
560.79
Ռոբերտ Քոչարյանին որպես քաղաքական գործիչ չեմ տեսնում. Արարատ Միրզոյան «Սսկվեք խաղաղությամբ եւ մեղքերի թողություն խնդրեք». Սասուն Միքայելյան Նորիկ Գևորգյանը պարգևատրվել է ոսկե մեդալով` Հայաստանին մատուցած ծառայությունների համար Ոմանք փորձում են բռնության մշակույթը վերակենդանացնել. Նիկոլ Փաշինյան Բավարար կամք ունենք, որ հին կոռուպցիոն համակարգի ռեսուրսները սպառվեն, եւ նրանք հայտնվեն «բոմժի» կարգավիճակում. Փաշինյան Ակնհայտ է, որ մեզ պատերազմ է հայտարարված, բայց ոչ թե մեր քաղաքական թիմին, այլ ՀՀ հեռանկարին. Արարատ Միրզոյան Մենք լիբերալ չենք, ցենտրիստ չենք, սոցիալ-դեմոկրատ չենք, մենք քաղաքացիական կուսակցություն ենք և մերժում ենք կարծրացած գաղափարախոսությունները. Նիկոլ Փաշինյան ՌԴ-ի, Ադրբեջանի եւ Իրանի նախագահների հանդիպումը կկայանա Սոչիում «Քաղաքացիական պայմանագիր» կուսակցությունը համաժողով է անցկացնում. ընտրվելու է վարչության նոր կազմ՝ ուղիղ 2 օրում փրկարարներն անվտանգ տարածք 5 օձ են տեղափոխել

«Լի­դի­ա­նի» և Ամուլ­սա­րի թնջու­կը չի հան­գու­ցա­լուծ­վում. դա­տա­կան վճի­ռը կող­մե­րը տար­բեր կերպ են մեկ­նա­բա­նում

ՀՀ վարչական դատարանը բավարարել է «Լիդիան Արմենիայի» հայցն ընդդեմ ոստիկանության: Այս մասին տեղեկանում ենք «Դատալեքս» դատական տեղեկատվական համակարգից: Մասնավորապես, դատարանը՝ դատավոր Արթուր Ավագյանի նախագահությամբ, վճռել է բավարարել «Լիդիան Արմենիա» ՓԲԸ-ի հայցն ընդդեմ ոստիկանության Վայոց ձորի մարզային վարչության Ջերմուկի բաժնի: Դատարանի վճռում բառացիորեն ասվում է.

«1. «Լիդիան Արմենիա» ՓԲԸ-ի հայցն ընդդեմ Ոստիկանության (ի դեմս Ոստիկանության Վայոց ձորի մարզային վարչության Ջերմուկի բաժնի) բավարարել. պարտավորեցնել ոստիկանությանը վերացնելու հայցվորին սեփականության իրավունքով պատկանող 39.740911, 45.609243 և 39.734013, 45.608475 կոորդինատներով անշարժ գույքերի տարածք կատարված ներխուժումները:

2. Ոստիկանությունից հօգուտ «Լիդիան Արմենիա» ՓԲԸ-ի բռնագանձել 4.000 ՀՀ դրամ՝ որպես հայցադիմումի համար նախապես վճարված պետական տուրքի գումար:

3. Սույն վճիռն օրինական ուժի մեջ է մտնում հրապարակման պահից մեկ ամիս հետո և կարող է բողոքարկվել ՀՀ վերաքննիչ վարչական դատարան՝ մինչև այդ ակտի օրինական ուժի մեջ մտնելու համար սահմանված ժամկետը»:

«Լիդիան Արմենիա» ընկերությունը, արձագանքելով վարչական դատարանի կայացրած որոշմանը, իր տարածած պաշտոնական հաղորդագրության մեջ նշել է. «ՀՀ վարչական դատարանը որոշում է կայացրել հօգուտ «Լիդիանի»՝ պարտավորեցնելու ոստիկանությանը վերացնել ներխուժումը և հեռացնել անձանց ու նրանց գույքը ընկերությանը պատկանող տարածքից՝ ապահովելով «Լիդիանի» ազատ մուտքը Ամուլսարի տարածք: 2018 թվականի սեպտեմբերի 20ին «Լիդիանը» հայց էր ներկայացրել ՀՀ վարչական դատարան՝ պահանջելով պարտավորեցնել ոստիկանությանը կիրառել օրենքի պահանջը և հեռացնել ընկերության տարածք ներխուժած ցուցարարներին, որոնք արգելափակել են ընկերության մուտքը դեպի Ամուլսար: Ընկերությունը բողոքել էր ոստիկանության կայացրած որոշման դեմ, որով ոստիկանությունը հիմնավոր չէր համարել ցուցարարների, նրանց մեքենաների, վրանների և տնակների հեռացման և դեպի Ամուլսարի տարածք Լիդիանի ազատ մուտքն ապահովելու՝ Լիդիանի պահանջը: Ապրիլի 10-ին դատարանը արձանագրել է, որ հավաքների անցկացման իրավունքի իրացումը բացարձակ բնույթ չի կրում և չի կարող իրացվել ցանկացած վայրում, տվյալ դեպքում՝ մասնավոր սեփականություն հանդիսացող տարածքում՝ առանց օրինական տիրապետողի համաձայնության առկայության։ Ոստիկանությանը հանձնարարվել է հեռացնել ներխուժած անձանց և նրանց գույքը ընկերության տարածքից»:

Հայկական բնապահպանական ճակատը դատական վճռի և «Լիդիան Ինթերնեյշնլ» ընկերության պարզաբանումներից հետո ևս հաղորդագրություն տարածեց՝ նշելով, որ «Լիդիանը», իրենց խոսքերով, «ապակողմնորոշում է հանրությանը»: «Դատարանի վճռում ընդհանրապես ոչ մի հիշատակում չկա դեպի Ամուլսար տանող ճանապարհները բացելու և Լիդիանի ազատ մուտքն ապահովելու մասին, ինչպես որ փորձել է ներկայացնել «Լիդիանը»: Բացի այդ, այս վճիռը դեռևս նույնիսկ ուժի մեջ չի մտել, այլ ուժի մեջ է մտնում հրապարակման պահից մեկ ամիս անց, այն էլ միայն այն դեպքում, եթե ոստիկանությունը չբողոքարկի այն ՀՀ վերաքննիչ վարչական դատարանում», - ասվում է «Հայկական բնապահպանական ճակատի» տարածած հաղորդագրության մեջ:

Ջերմուկ համայնքի բնակիչ Վազգեն Գալստյանը «Փաստի» հետ զրույցում նշում է, որ «Լիդիանը» դատարանի վճիռն այլ կերպ է մեկնաբանում:

«Դատարանը որոշում է կայացրել այդ տարածքներում ճանապարհի վրա մեր տեղադրած գույքի, բայց ոչ մարդկանց վերաբերյալ: Դատարանի որոշումը վերաբերում է այն գույքին, տնակներին, որոնք մենք ձմռանը տեղադրել էինք ցրտից պաշտպանվելու համար: Որոշումը բացառապես դրան է վերաբերում: Իսկ «Լիդիանը» տարածել է տեղեկատվություն, որ դատարանը ոստիկանությանը պարտավորեցրել է գալ, մարդկանց հավաքել, տանել, ազատել տարածքը, ապահովել անարգել մուտք և այլն, և այլն:

Իրավաբանական գիտելիքներ պետք չէ ունենալ հասկանալու համար, որ դեռ մեկ ամիս պետք է մինչ դատարանի որոշումն ուժի մեջ կմտնի: Ի վերջո, այս մեկ ամսվա ընթացքում ոստիկանությունը կարող է բողոքարկել այս որոշումը: Իրականում դատարանի որոշում էլ փաստորեն չկա», - ասում է Ջերմուկ համայնքի բնակիչը: Մեր այն դիտարկմանը, թե այս դեպքում ի՞նչ նպատակ ունի «Լիդիանը»՝ դատական վճիռը նման կերպ մեկնաբանելով, Գալստյանը նշում է. «Ընկերությունը խնդիր ունի իր ներդրողներին ապակողմնորոշելու, որովհետև դրա միջոցով ինքը եկամուտներ և ֆինանսական հոսքեր է ստանում: «Լիդիանն» այս պահին շատ մեծ կարիք ունի լրացուցիչ ֆինանսական հոսքեր ներգրավելու: Լայն թափով ապատեղեկատվություն է տարածում, և դա ազդում է նրա վրա, որ իր բաժնետոմսերի գինը սկսում է բարձրանալ: Ձմռանը, երբ մենք՝ Ջերմուկի բնակիչներս, թույլատրեցինք, որ իրենք ձմեռացման աշխատանքներ իրականացնեն, մասնավորապես՝ իրենց տեխնիկայի մեծ մասը սարի վրա էր և որպեսզի ձմռանը չսառցակալեր և չփչանար, թույլ տվեցինք բարձրանալ և վերևից իջեցնել, իրենք դա ներկայացրեցին այնպես, որ գարնանը պատրաստվում են շինարարական աշխատանքների և շուտով կսկսեն նորից աշխատել: Սրա հաշվին բաժնետոմսերի գինը բարձրացավ: Հիմա գուցե որոշեցին նույն կերպ օգտագործել դատարանի այս վճիռը», եզրափակում է Վազգեն Գալստյանը: 

ԼՈՒՍԻՆԵ ԱՌԱՔԵԼՅԱՆ

website by Sargssyan