«Ամե­նա­թո­ղու­թյան մթնո­լոր­տը ան­նե­րե­լի հե­տև­անք­նե­րի ... ՀԱՐՑԱԶՐՈՒՅՑ
Չորս գործ ուղարկվել է դատախազություն. քանի՞ պաշտոնյա է խուսա... ՔԱՂԱՔԱԿԱՆ
Նման կառույցներով դասական իմաստով համամասնական ընտրության չե... ՔԱՂԱՔԱԿԱՆ
Տո­տալ ճնշում Սահ­մա­նադ­րա­կան դա­տա­րա­նի նկատ­մամբ ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (18 ՀՈԿՏԵՄԲԵՐԻ)․ Մայր Աթո­ռում բաց­վել է ... ՀԱՍԱՐԱԿՈՒԹՅՈՒՆ
Երևան, 19.Հոկտեմբեր,
00
:
00
:
00
Փոխարժեք
478.65
$
560.79
«Ամե­նա­թո­ղու­թյան մթնո­լոր­տը ան­նե­րե­լի հե­տև­անք­նե­րի կա­րող է հան­գեց­նել» Հատուցման ժամը մոտ է. Հայաստանը գժապետություն դարձնելու համար պատասխան եք տալու. Արմեն Աշոտյան Չորս գործ ուղարկվել է դատախազություն. քանի՞ պաշտոնյա է խուսափել հայտարարագրել ունեցվածքը Նման կառույցներով դասական իմաստով համամասնական ընտրության չես գնա Այսօր Խոհարարի միջազգային օրն է Տո­տալ ճնշում Սահ­մա­նադ­րա­կան դա­տա­րա­նի նկատ­մամբ Արմեն Կարապետյանն ազատվել է Էկոնոմիկայի նախարարության գլխավոր քարտուղարի պաշտոնից ՆԱՏՕ-ն միջուկային զենքով գաղտնի զորավարժություններ կանցկացնի Ավտովթար՝ Գորիս-Կապան ճանապարհին․կա վիրավոր Խոյերն այսօր տարօրինակ իրավիճակի մեջ կհայտնվեն․ հոկտեմբերի 19-ի աստղագուշակը Հրդեհ՝ Մարգահովիտ գյուղի մոտ․1 տոննա խոտով բարձված բեռնատարն ամբողջությամբ այրվել է ԱՄՆ սահմանային պարեկային ծառայության՝ մանկապղծության մեջ մեղադրվող նախկին գործակալը ճանաչել է իր մեղքը Երևանում բախվել են Mustang-ը, Toyota-ն և ВАЗ 2104-ը. վերջինը կողաշրջվել է. կա վիրավոր. Shamshyan.com Խոշոր վթար Արմավիրի մարզում. բախվել են զինծառայողների մեքենաներ. կան վիրավորներ

«Կա­ռա­վա­րու­թյու­նից ամ­պա­գոռ­գոռ բա­ռեր են հնչում, բայց գյու­ղա­ցի­նե­րի կյան­քում ոչինչ չի փոխ­վում»

Գյուղատնտեսության նախարարությունը պարբերաբար տեղեկացնում է կատարված աշխատանքների, բարեփոխումների մասին: Օրերս ՀՀ գյուղատնտեսության նախարարի պաշտոնակատար Գեղամ Գևորգյանը նշել էր, որ այս պահին գյուղատնտեսության մեջ չկա ճյուղ, որը պետության կողմից տրամադրվող ֆինանսական ռեսուրսով բաց մնացած լինի: Խոսվել է նաև գյուղվարկերի տրամադրման, տոկոսների պակասեցման, գյուղացիների հոգսը թեթևացնելու մասին: Մյուս կողմից, գյուղատնտեսության ոլորտին վերաբերող ցանկացած տեղեկատվության տակ անհնար է չհանդիպել գոնե մի քանի մեկնաբանության, որտեղ ասվում է, որ իրականում ցածր տոկոսադրույք ունեցող վարկերը ևս հասանելի չեն գյուղացիների համար:

«Փաստի» հետ զրույցում «Ֆերմերային շարժում» հասարակական կազմակերպության նախագահ Սարգիս Սեդրակյանը նշում է, որ գյուղատնտեսության ոլորտում խնդիրները շատ են:

«Սկսել է գարնանացանը, լիքը պրոբլեմներ կան: Կառավարությունից ամպագոռգոռ բառեր են հնչում, բայց երբ գյուղացիների հետ խոսում ենք, ասում են՝ մեր կյանքում ոչինչ չի փոխվել: Իրենք պարտքեր ունեն՝ վարկեր, հարկեր, տոկոսներ և դեռ դրանք են մարում: Գնում են Ռուսաստան, աշխատում, բերում և այդ տոկոսները մարում: Միգուցե հիմա վարկերի տրամադրման լավ պայմաններ են ստեղծվել, բայց դա պետք է շուտ արվեր: Հիմա այս մարդիկ չեն կարող, այսպես կոչված, լավ պայմաններով վարկեր վերցնել», ասում է պարոն Սեդրակյանը:

Նա նշում է, որ այսօր գյուղատնտեսության մեջ առաջնայինը գյուղտեխնիկայի ստեղծման հարցն է:

«Այս դարում առանց մեքենայացման գյուղատնտեսական գործընթացներ իրականացնելն անտրամաբանական է: Բոլոր ծրագրերում գրվել էր այդ մասին: 2017 թվականի ծրագրում անգամ նշված էր, որ աշնանացանի հետ գյուղտեխնիկայի ստեղծման պիլոտային ծրագիր պետք է կատարվի:

Նախկին կառավարությունը ևս ասում էր՝ գյուղատնտեսությունում հեղափոխություն է լինելու: Երկու նախարար փոխվեց, սակայն ոչինչ տեղի չունեցավ: Փոփոխություն իրականացնելու համար պետք է մոբիլիզացնել ոլորտի մասնագետներին, քննարկումներ իրականացնել, տեսնել՝ որն է ճիշտ ուղղությունը, ոչ թե կարկատաններով գնալ առաջ: Մի քանի տույժ-տուգանք վերացնում են, հաշվում են, որ մեծ գործ են արել», - նշում է զրուցակիցս:

Սեդրակյանի խոսքով, գյուղատնտեսության մասնագետները հիասթափված են, որ գյուղնախարարությունը ներկայացնում է մի մարդ, որը կապ չունի գյուղատնտեսության հետ: «Նա Կարեն Կարապետյանի ժամանակ պատահական ոտք է դրել այդ դաշտ ու շարունակում է իր գործունեությունը: Ի՞նչ է, ոլորտում չկա՞ն խելացի մասնագետներ: Նախ՝ դա վստահություն կհաղորդեր մարդկանց, երկրորդն էլ՝ մասնագետը կարող էր հիմնավորել, թե ինչ վտանգներ ունի գյուղնախարարության վերացումը: Կադրային հարցը շատ կարևոր է: Գյուղատնտեսության հետ կապված հարցերով զբաղվում է երկու նախարարություն՝ գյուղնախարարությունը և տարածքային կառավարման նախարարությունը: Մի նախարարը պատմաբան է, մյուսը՝ իրավաբան», - ընդգծում է «Ֆերմերային շարժում» հկ-ի նախագահը

Սեդրակյանը հավելում է, որ 162 հասարակական կազմակերպություն օրերս դիմել են կառավարությանը՝ անվճար օժանդակություն առաջարկելով: «Բայց այս մարդիկ իրենց դնում են ամենագետի տեղ, չեն ուզում խելացի, փորձառու մարդկանց հետ հաշվի նստել, լսել նրանց տեսակետը: Նախկին իշխանությունները, որքան էլ ոչ ժողովրդավար էին, բայց թեկուզ ձևական, կազմակերպում էին ծրագրերի հանրային քննարկումներ: Իսկ հիմա չեն ուզում նույնիսկ այդ հարցերն Ազգային ժողով բերել: Առաջ են ընկնում, կառավարությունը միանգամից որոշում է կայացնում: Չի կարելի այդպես վարվել: Նման աշխատելաոճը հիասթափության կբերի: Կարծես թե ժողովրդին արհամարհեն: Ամենաահավոր ծրագրերից մեկը գյուղական համայնքների խոշորացման գործընթացի շարունակությունն է: Սա սկսեց նախկին կառավարությունը, քննադատվեց, հիմա էլ նոր կառավարությունն է շարունակում: Չի կարելի անտեսել մասնագետների կարծիքը»: 

Անդրադարձանք նաև մթերման գործընթացին, որն ամեն տարի լուրջ խնդիրների է հանգեցնում:

«Ես «Սպայկային» չեմ արդարացնում, բայց եթե այն փակեն, գյուղացին ինչպե՞ս է իրականացնելու մթերումը: Մեծ-մեծ խոսում են՝ ուրիշ մարդիկ կլինեն, կանեն: Կարող է անեն, բայց այդ կառույցը, եթե տուգանքներ ունի, թող վճարի, բայց թողեք այն աշխատի, գյուղացիների բերքը մթերի: Խոսքը միայն «Սպայկային» չի վերաբերում», - ընդգծում է զրուցակիցս՝ հավելելով, որ մարդկանց պետք է ոգևորել:

«Մարդիկ հուսահատվում են, մեկնում արտագնա աշխատանքի, շատերը չեն վերադառնում: Պետք է վստահություն լինի, որպեսզի մարդիկ ներդրումներ անեն, աշխատեն», - եզրափակեց պարոն Սեդրակյանը:

ԼՈՒՍԻՆԵ ԱՌԱՔԵԼՅԱՆ

website by Sargssyan